ទាន់ហេតុការណ៍
ពលរដ្ឋនៅស្រុកគងពិសី ត្អូញត្អែរពីបញ្ហាទីតាំងស្តុកសំរាមរបស់ក្រុម ហ៊ុន «វេង ស្រែង ហ្គ្រីន» បង្ហូរទឹកកខ្វក់ និងលួចចាក់ សំរាមពាសវាលពាសកាល បង្កផលប៉ះពាល់ដល់សុខភាព និង ការរស់នៅ! - សម្ដេចធិបតី ហ៊ុន ម៉ាណែត៖ ថ្ងៃនេះ ភាសាបារាំង បានក្លាយជាកម្លាំងចលករផ្នែកសេដ្ឋកិច្ច ជំរុញការផ្លាស់ប្ដូរពាណិជ្ជកម្ម ផ្សារភ្ជាប់ទីផ្សារឱ្យកាន់តែជិតស្និទ្ធ បង្កើនការយល់ចិត្តគ្នា កសាងភាពជាដៃគូ - រដ្ឋមន្រ្តីក្រសួងព័ត៌មាន៖ ៩០% នៃ ចំនួនសមាជិករបស់អង្គការអន្តរជាតិហ្រ្វង់កូហ្វូនី ចូលរួម​ក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ - សម្ដេចតេជោ ហ៊ុន សែន អញ្ជើញទទួលស្វាគមន៍ប្រធានាធិបតីបារាំង នៅវិមានសាមគ្គីភាពនៃព្រឹទ្ធសភា - រដ្ឋបាលខេត្តកែប ចេញសេចក្តីបំភ្លឺមិនច្បាស់លាស់ ហាក់មានភាពរើសអើង និងគំរាមកំហែងដល់អ្នកសារព័ត៌មាន ជុំវិញគម្រោងវិនិយោគភាស៊ី ផែកែប-កោះទន្សាយ.... - អភិបាលខេត្តកែប កំពុងរងការរិះគន់ពីមន្ត្រីមួយចំនួន ក្រោយបែកធ្លាយឯកសារសំណើសុំសិទ្ធិវិនិយោគផែកែបកោះទន្សាយរយៈពេល៣០ឆ្នាំ - រដ្ឋបាលស្រុកចំនួន៣នៃខេត្តព្រះវិហារ បន្តតាមដាន និងផ្សព្វផ្សាយពីសុវត្ថិភាព ក្រោយជួបហ្វូងដំរីព្រៃចំនួន ៦ក្បាលអុកឡុកប្រជាពលរដ្ឋនិងបំភ្លេចបំផ្លាញដំណាំរបស់ពួកគាត់ - រដ្ឋបាលខេត្តកំពង់ស្ពឺ រៀបចំពិធីគោរពព្រះវិញ្ញាណក្ខន្ធ ព្រះករុណា ព្រះបាទសម្តេចព្រះ នរោត្តម សីហនុ «ព្រះបរមរតនកោដ្ឋ» គម្រប់ខួប ១៤ឆ្នាំ - ពលរដ្ឋ៤គ្រួសារ ត្អូញត្អែរពីរឿងលក់ដី ជាង២ឆ្នាំហើយមិនទាន់បានលុយគ្រប់ ថែមទាំងរងការ គំរាមកំហែងបង្ខំយកប្លង់ដី រហូតដង្ហោយសុំកិច្ច អន្តរាគមន៍ពីលោកអភិបាលខេត្តកំពង់ស្ពឺ - តើមានអយុត្តិធម៌ដែលទេ.សម្រាប់ពលរដ្ឋ៤គ្រួសារ លក់ដីជាង២ឆ្នាំទៅហើយមិនទាន់បានលុយគ្រប់ចំនួន កំពង់ដង្ហើយរកយុត្តិធម៌...

ពលរដ្ឋនៅស្រុកគងពិសី ត្អូញត្អែរពីបញ្ហាទីតាំងស្តុកសំរាមរបស់ក្រុម ហ៊ុន «វេង ស្រែង ហ្គ្រីន» បង្ហូរទឹកកខ្វក់ និងលួចចាក់ សំរាមពាសវាលពាសកាល បង្កផលប៉ះពាល់ដល់សុខភាព និង ការរស់នៅ!

ពលរដ្ឋនៅស្រុកគងពិសី ត្អូញត្អែរពីបញ្ហាទីតាំងស្តុកសំរាមរបស់ក្រុម ហ៊ុន «វេង ស្រែង ហ្គ្រីន» បង្ហូរទឹកកខ្វក់ និងលួចចាក់ សំរាមពាសវាលពាសកាល បង្កផលប៉ះពាល់ដល់សុខភាព និង ការរស់នៅ!

ចេញផ្សាយនៅថ្ងៃទី២០ ខែវិច្ឆិកា ឆ្នាំ២០២៦
ខេត្តកំពង់ស្ពឺ÷ទីតាំងស្តុកសំរាមរបស់ក្រុមហ៊ុន វេង ស្រែង ហ្រ្គីន ត្រូវបានប្រជាពលរដ្ឋលើកឡើងថា បានបង្ហូរទឹកកខ្វក់ និងជះក្លិនស្អុយយ៉ាងខ្លាំង បង្កផលប៉ះពាល់ដល់ផលដំណាំ និងការរស់នៅប្រចាំថ្ងៃរបស់ពួកគាត់ ជាពិសេសប៉ះពាល់ដល់ប្រព័ន្ធផ្លូវដង្ហើមរបស់មនុស្សចាស់ជរា និងកុមារតូចៗដែលងាយរងគ្រោះ។

ទីតាំងចាក់សំរាមរបស់ក្រុមហ៊ុន វេង ស្រែង ហ្រ្គីន នេះ ស្ថិតនៅចង្កេះភ្នំមួយកន្លែង ក្នុងភូមិបឹងងោង ឃុំទឹកល្អក់ ស្រុកគងពិសី ខេត្តកំពង់ស្ពឺ។ យោងតាមប្រភពព័ត៌មានពីប្រជាពលរដ្ឋនៅក្នុងខេត្តកំពង់ស្ពឺ បានឱ្យដឹងថា ក្រុមហ៊ុននេះមិនត្រឹមតែបង្ហូរទឹកកខ្វក់ធ្វើឱ្យប៉ះពាល់ដល់បរិស្ថានប៉ុណ្ណោះទេ ប៉ុន្តែបច្ចុប្បន្នក៏មានរថយន្តដឹកសំរាម និងកាកសំណល់ជាច្រើនមកពីតាមបណ្ដាស្រុក-ក្រុងទូទាំងខេត្ត ខ្លះបានយកមកចាក់នៅទីលាន និងខ្លះទៀតនៅពេលយប់ បានលួចដឹកសំរាមយកទៅចាក់ចោលពាសវាលពាសកាលនៅតាមផ្លូវសាធារណៈ និងដីវាលមួយចំនួន បង្កជាក្តីកង្វល់យ៉ាងខ្លាំងដល់អ្នកភូមិ។

ប្រជាពលរដ្ឋ បានសំណូមពរដល់អាជ្ញាធរ និងមន្ត្រីជំនាញពាក់ព័ន្ធ មេត្តាជួយចុះពិនិត្យ និងចាត់វិធានការទប់ស្កាត់រថយន្តដឹកសំរាមដែលលួចយកទៅចាក់ចោលពាសវាលពាសកាលទាំងនោះ ក៏ដូចជាជួយទប់ស្កាត់ការបង្ហូរទឹកកខ្វក់មានក្លិនស្អុយរបស់ក្រុមហ៊ុនខាងលើនេះផង។

ពាក់ព័ន្ធនឹងការលើកឡើងរបស់ប្រជាពលរដ្ឋខាងលើនេះ អង្គភាពសារព័ត៌មានយើង មិនទាន់អាចសុំការបំភ្លឺ ឬបកស្រាយពីម្ចាស់ក្រុមហ៊ុនស្តុកសំរាម វេង ស្រែង ហ្រ្គីន បាននៅឡើយទេ នៅថ្ងៃទី២០ ខែវិច្ឆិកា ឆ្នាំ២០២៦ នេះ ដោយសារមិនមានលេខទូរស័ព្ទសម្រាប់ធ្វើការទំនាក់ទំនង៕

Filed in: ជីវិត និងសុខភាព, សន្តិសុខ សង្គម, សូមរាយការណ៍
«ស៊ីអ៊ិនធី ហតញូយ៍ | CNT Hotnews» ព័ត៌មានថ្មីៗ ទាន់ហេតុការណ៍ !​ ទាក់ទងផ្តល់​ព័ត៌មាន តាមទូរស័ព្ទលេខ 093 20 06 36 | 071 80 22 293 សូមអរគុណ ! »

©២០១៨ រក្សាសិទ្ធិ ដោយ «ស៊ីអ៊ិនធី ហតញូយ៍ | CNT Hotnews» | ទូរស័ព្ទ៖ 093 20 06 36 | 071 80 22 293 | អ៊ីម៉ែល៖ #

សហការផ្តល់ព័ត៌មាន៖ # | អ៊ីម៉ែល ៖ #

error: Content is protected !!