(ព្រៃវែង)៖ ជាឱកាសល្អនៅពេលប្រទេសជាតិកំពុងជួបវិបត្តិបញ្ហាជំងឺកូវីដ១៩កំពុងតែរាតត្បាតឯថ្នាក់ដឹកនាំកំពុងតែទប់ស្កាត់ រីឯជនឆ្លៀតឱកាសនិយមបានលួចជីកដីស្ទឹងសាធារណៈលក់ ដើម្បីបំពេញមហិច្ឆតាខ្លួន ដោយអាជ្ញាធរជាអ្នកបើកភ្លើងខៀវពីក្រោយ។
ដីស្ទឹងស្នាយពលដែលឈ្មួញជីកយកអាចម៌លក់នោះនៅខាងលិចផ្សារស្នាយពលស្ថិតក្នុងភូមិពារាំង ឃុំរាប ស្រុកពារាំង ខេត្តព្រៃវែង។
ប្រភពពីពលរដ្ឋបានឱ្យដឹងថា ស្ទឹងស្នាយពលគឺចំណុចប្រសព្វរវាងឃុំរការ និងឃុំរាប ដោយសព្វថ្ងៃអាកាសធាត់ក្តៅមានភាពរាំងស្ងួត ធ្វើឱ្យទឹកស្ទឹងបឹងបួបមានការរីងស្ងួតហួតហែង ទើបឈ្មួញខិលខូចមួយចំនួនបានយកគ្រឿងមកជីកកកាយយកអាចម៌ដីលក់ឡើងក្រហេងក្រហូងដូចរណ្តៅបាយខុម តាមតែអំពើចិត្តយកទៅចាក់នៅតាមដីឡូដ៌ និងចាក់តាមភូមិឱ្យពលរដ្ឋយកតម្លៃពេញតែម្តង។
គួរបញ្ចាក់ថា អាចម៌ដីព្រែកស្ទឹងបឹងបួរជាសម្បត្តិ៍សាធារណៈគឺតម្រូវយកទៅកសាងធ្វើផ្លូវ ចាក់បំពេញនៅទីធ្លារវត្តមន្ទីរពេទ្យសាលារៀនជាដើម។
ប្រភពដដែរបានបន្តទៀតថា សង្ស័យអាជ្ញាធរត្រូវសំណែនដល់ក៍ហើយមើលទៅ បានគ្មានអើពើអ្វីទាំងអស់ និយាយចំមើលមិនឃើញស្តាប់មិនលឺងាបត្រចៀកស្តូកតែម្តង។
មិនតែប៉ុណ្ណោះគេគ្រឿងចក្របីវង់កំពុងសម្រុកជីកដណ្តើមគ្នាភ្លូកទឹកភ្លូកដី ហុយធូរលីដីនិងផ្សែងចេញពីគ្រឿងចក្រឡើងងងឹតស្ទឹងស្នាយពល។
ឆ្លើយតបនិងការលើកឡើងខាងលើរភ្ញាក់ងារសាព័ត៌មានយើងមិនអាចសុំការបកស្រាយពីម្ចាស់គ្រឿងចក្របានទេ ព្រោះគ្នាលេខទូរស័ទ្ទ។
ប៉ុន្តែលោក ផន សុផល មេឃុំរាបស្តីទីបានឱ្យដឹងថា ម្ចាស់គ្រឿងចក្របានដាក់សំណើរសុំជីកដីស្ទឹងស្នាយពលមកឃុំ រួចឃុំបានបញ្ជូនទៅសាលាស្រុកពារាំង ហើយស្រុកជាអ្នកឱ្យជីកលោកបានត្រឹមតែចូលរួមដឹងលឺប៉ុណ្ណោះ ក្នុងនោះដែរលោក ហុង ដានី មន្ត្រីសាធារណៈ និងដឹកជញ្ជូនស្រុកពារាំងបានអះអាងថា ការជីកយកអាចម៌ដីស្ទឹងស្នាយពលនេះ គឺដឹកចាក់ឱ្យពេទ្យស្រឺុនៅលើដីដែលកំពុងមានទំនាស់ ដើម្បីឱ្យរឿងធំមកនៅរឿងតូច។
ចំពោះលោក ហ៊ី ធួក អភិបាលស្រុកពារាំងបានឱ្យដឹងថា រឿងគ្រឿងចក្រជីកស្ទឹងស្នាយពលនុង សួរទៅលោកមេឃុំរាប និងខាងសាធារណៈស្រុកបានដឹងច្បាស់។
រីឯលោក ជុំ សុភី ប្រធានមន្ទីរធនធានទឹកខេត្តព្រៃវែងបានបញ្ជាក់ថា គ្មានគំរោងស្តារស្ទឹងស្នាយពលទេ ចំពោះការជីកកកាយយកអាចម៌ដីលក់និងក៍លោកមិនបានដឹងដែរ៕
