ខេត្តកំពង់ស្ពឺ ÷ នៅថ្ងៃសុក្រទី២៤ ខែមេសា ឆ្នាំ២០២០វេលាម៉ោង២៣ និង៣០ នាទី កំលាំងអធិការនគរបាលស្រុកថ្ពង បានចេញល្បាតដល់ចំណុចភូមិព្រៃមិច ឃុំវាលពន់ ស្រុកថ្ពង ខេត្តកំពង់ស្ពឺ បានឃាត់ខ្លួនជនសង្ស័យពាក់ពន្ធ័បទល្មើសគ្រឿងញៀន១ករណីចាប់បានមនុស្សចំនួន ៣នាក់ ។
តាមការបញ្ជាក់ពីរលោកអភិបាលរងស្រុកថ្ពងបានឲ្យដឹងថាជនសង្ស័យមានឈ្មោះ÷
១.ឈ្មោះ វ៉ា សុខ ភេទប្រុស អាយុ២៨ឆ្នាំរស់នៅភូមិស្វាយពក ឃុំព្រះស្រែ ស្រុកឧដុង្គ ខេត្តកំពង់ស្ពឺ ។
២-ឈ្មោះ ផល ផាន់ណា ភេទប្រុស អាយុ១៩ ឆ្នាំ រស់ភូមិទួលពង្រ ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង ។
៣-ឈ្មោះសម មករា ភេទប្រុស អាយុ ២៩ឆ្នាំ រស់នៅភូមិតាំងអង្រ្កង ឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង។
-ដកហូតបានវត្ថុតាងមាន ១- ម្សៅក្រាមពណ័សថ្លាសង្ស័យជាថ្នាំញៀន ចំនួន០២កញ្ចប់តូច ២-ទូរសព្ទ័ដៃ១គ្រឿងម៉ាកMetfone ។
ក្រោយមកកំលាំងអធិការដ្ឋាននគបាលស្រុកថ្ពងបានឃាត់ខ្លួនជនសង្ស័យ យកមកអធិការដ្ឋាននគរបាលស្រុកថ្ពង កសាងសំណុំរឿងបញ្ជូនទៅការិយាល័យប្រឆាំងគ្រឿងញៀនខេត្តកំពង់ស្ពឺ ។
បច្ចុប្បន្នកម្លាំងជំនាញកំពុងកសាងសំណុំរឿងបញ្ជូនខ្លួនទៅតុលាការដើម្បីចាត់ការតាមនិតិវិធី៕
