ខេត្តកំពង់ស្ពឺ៖នៅថ្ងៃទី១២ ខែសភា ឆ្នាំ២០២០ កម្លាំងមូលដ្ឋានកងរាជអាវុធហត្ថស្រុកឱរ៉ាល់ ដឹកនាំដោយជនលោកមេបញ្ជាការស្រុក បានអនុវត្តតាមដីកា ឃាត់ខ្លួនឈ្មោះ ធឿន សុភី ភេទស្រី អាយុ៣៣ឆ្នាំ មានទីលំនៅ ភូមិក្រាំងធ្នង់ ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ករណីឃាត់នេះធ្វើឡើងនៅចំនុចភូមិផ្លូវគោ ឃុំត្រពាំងជោ ស្រុកឱរ៉ាល់ ។
ដោយអនុវត្តតាមដីកាបង្គាប់ឲ្យចាប់ខ្លួន លេខ ១៥/២០ ចុះថ្ងៃទី២២ ខែមករា ឆ្នាំ២០២០ របស់ចៅក្រមសេីបសួរ លោក ម៉ែន វណ្ណះ នៃសាលាដំបូងខេត្តកំពង់ស្ពឺ “ករណីឆបោក” ។
បច្ចុប្បន្នជនសង្ស័យខាងលេី បានបញ្ជូនទៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដេីម្បីចាត់ការបន្តតាមនីតិវិធី ។
