ខេត្តកោះកុង៖សង្វៀនជល់មាន់ ដ៏ធំសម្បើមមួយកន្លែងមានទីតាំងនៅក្នុងដី ចម្ការរបស់ម្ចាស់សង្វៀន ស្ថិតនៅខាងក្រោយទីបញ្ជាការយោធាសឹករងស្រុក ក្នុងភូមិព្រែកស្មាច់ ឃុំកោះស្តេច ស្រុកគីរីសាគរ ខេត្តកោះកុង ដែលគេស្គាល់ម្ចាស់សង្វៀន់ជាមន្ត្រី បំរើការងារនៅសាលាស្រុកគីរីសាគរ មានឈ្មោះហៅក្រៅថា គ្រូអាតៗ ជាអតីតគ្រូ បង្រៀនផងដែរ។
ប្រជាពលរដ្ឋឃុំកោះស្តេចតេច បានរិះគន់យ៉ាងខ្លាំង ចំពោះអាជ្ញាធររួមទាំងកងកម្លាំងពាក់ព័ន្ធ ឈរឱបដៃមើលសកម្មភាពទីតាំងជល់មាន់ ដ៏ធំសម្បើមដែលស្ថិតនៅក្នុងមូលដ្ឋានរបស់ខ្លួន។
ប្រភពពីប្រជាពលរដ្ឋបានឲ្យដឹងថា ការភ្នាល់គ្នាក្នុងការជល់មាន់មួយគូរៗចាប់ពី ២ឬ៣ លានរៀល រហូតដល់រាប់ពាន់រាប់ម៉ឺនដុល្លារ ឯណោះ ខណដែលអ្នកញៀននឹងល្បែងជល់មាន់ មកពីគ្រប់ទិសទីទាំងក្នុងស្រុកនិងក្រៅស្រុក រហូតមានជនជាតិវៀតណាមថែមទៀត ។ តាមព័ត៌មានពីម្ចាស់សង្វៀនបានខ្សឹបប្រាប់ថា ពួកគាត់មិនបារម្ភពីការបង្ក្រាបនោះទេ ព្រោះគេបានបង់សួយសារអាករយ៉ាងច្រើនសន្ធឹកសន្ធាប់ថ្វាយទៅដល់អាជ្ញាធរគ្រប់ថ្នាក់ នគរបាលគ្រប់ជំនាញអស់ហើយ….. អញ្ចឹងហើយបានជាគេបើកលេងយូរហើយដែរ ប៉ុន្តែបាន សេចក្តីសុខស្រួលណាស់និងធ្វើឲ្យអ្នកលេងមានទំនុកចិត្ត ។
ចំណែកអ្នកញៀននឹងល្បែងជល់មាន់ម្នាក់ ហើយក៏ជាជនសកម្មដែលបានយកសត្វ មាន់ទៅប្រជល់ភ្នាល់ដែរនោះបាននិយាយប្រាប់អ្នកសារព័ត៌មានថា សង្វៀនរបស់គ្រូអាតៗនោះ កាប់ឆៅណាស់ដោយគេបានដក១០% ពីលុយភ្នាល់ ( សម្រាប់លុយតុងកន្លែង ) ។ ប្រភពដដែលបញ្ជាក់ថា បើសិនជានៅតែដកតុងច្រើនពេកមក ។
ប្រជាពលរដ្ឋសំណូមពរឲ្យស្នងការខេត្ត និងកងរាជអវុធហត្ថខេត្ត កោះកុងមេត្តាចាត់កម្លាំងចុះបង្ក្រាបសង្វៀនជល់ មាន់ដ៏ធំមួយនេះផង ដើមដើម្បីសេចក្តីសុខក្នុងមូលដ្ឋានរបស់ពូកគាត់ផងទាន៕
