ខេត្តស្វាយរៀង៖ នៅវេលាម៉ោង១០និង០០នាទីព្រឹក ថ្ងៃទី២៤ ខែឧសភា ឆ្នាំ២០២០ កងកម្លាំងរាជអាវុធហត្ថបានឃាត់ខ្លួនជនសង្ស័យ ឈ្មោះគឹម ឈាងអាយុ២០ឆ្នាំ មុខរបរកសិករមានទីលំនៅភូមិឃុំកើតហេតុខាងលើ និងម្នាក់ទៀតឈ្មោះគឹម ហេងអាយុ២៨ឆ្នាំ មុខរបរបុគ្គលិកកាស៊ីណូស្នាក់នៅផ្ទះជួលស្ថិតក្នុងភូមិគោគល្វៀសង្កាត់ព្រៃអង្គញ ក្រុងបាវិត។
ហេតុការណ៍ឃាត់ខ្លួននេះស្ថិតនៅក្នុងភូមិរាមជោ ឃុំស្វាយតាយាន ស្រុកកំពង់រោទិ៍ ខេត្តស្វាយរៀង។
ម្ដាយក្មេងស្រីរងគ្រោះឈ្មោះចាន់ រត្ននី ភេទស្រីអាយុ២៧ឆ្នាំមុខរបរកម្មកររោងចក្រ មានទីលំនៅភូមិរាមជោ ឃុំស្វាយតាយានស្រុកកំពង់រោទិ៍ពាក់ពន្ធ័ករណីរំលោភសេពសន្ធវៈទៅលើកូនគាត់ឈ្មោះយ ស.ន អាយុ៦ឆ្នាំ ។
ឃាត់ខ្លួនជនសង្ស័យម្នាក់ឈ្មោះគឹម ឈាងរួចដល់វេលាម៉ោង១២និង៣០នាទីថ្ងៃដដែលសមត្ថកិច្ចស្រុកកំពង់រោទិ៍សហការជាមួយកងរាជអាវុធហត្ថក្រុងបាវិតបានបន្តឃាត់ខ្លួនជនសង្ស័យបានម្នាក់ទៀតឈ្មោះគឹម ហេង មកសាកសួរបន្ថែមទៀត។
ជនសង្ស័យទាំង២នាក់ត្រូវបានសមត្ថកិច្ចកងរាជអាវុធហត្ថស្រុកបញ្ជូនទៅទីបញ្ជាការដ្ឋានកងរាជអាវុធហត្ថខេត្តស្វាយរៀងដើម្បីកសាងសំណុំរឿងតាមច្បាប់ ៕
