ខេត្តបាត់ដំបង ៖ ចាប់តាំងពីច្បាប់ចរាចរណ៍ផ្លូវគោកថ្មីដាក់ឲ្យអនុវវត្តន៍មក សមត្ថកិច្ច នគរបាល ចរាចរណ៍ អនុវត្តន៍ ច្បាប់តាមគោលដៅ នានា ក្នុង ក្រុងបាត់ដំបងធ្វើអោយ មហាជន រិះគន់ ចំៗ ថា នាំគ្នា សម្រុកចាប់ តែ មួកសុវត្ថិភាព កញ្ចក់ ផ្លាកលេខ បើកបរបញ្ច្រាស់ទិស ចំណែករថយន្តដឹកទំនិញខុស បច្ចេកទេស មន្ត្រីតាមគោលដៅមើលមិនឃើញ ហាក់បីដូចជា អ្នកបើកបរ ទាំងអស់នោះ ចេះមន្តអាគម បំបាំង ភ្នែក ប៉ូលិស ។
ជាក់ស្តែងរថយន្តដឹកទំនិញ តូច ធំ ខុសបច្ចេកទេស នៅតែបន្តបើកចូលក្រុងបាត់ដំបង យ៉ាងរលូន ដោយ មិនខ្លាច សមត្ថកិច្ចនគរបាលចរាចរណ៍ ផាកពិន័យ ឡើយ ។
ប្រជាពលមួយចំនួន តាម តុកាហ្វេ បានសួរគ្នាថា ៖ តើ លោក ចាន់ សុធី ប្រធានការិយាល័យ ចរាចរណ៍ ខេត្ត បានបញ្ជាអោយ មន្ត្រី ថា្នក់ក្រោមអនុវត្តន៍តាមដងផ្លូវ ក្នុងខេត្ត មិនឲ្យចាប់រថយន្ត ឈ្មួញ ដែលផ្ទុកទំនិញ សំពីងសំពោង ទេ ឬ ?
ដូច្នេះសូមលោក សាត គឹម សាន ស្នងការរង ផែន ចរាចរណ៍ ផ្លូវគោក ខេត្តបាត់ដំបង គួរពិនិត្យមើល មន្ត្រីរបស់ ខ្លួនផង ដើម្បីជៀសវាង រងការ រិះគុណពីប្រជាពលរដ្ឋ ជាហេតុ ធ្វើអោយ ខូច ឈ្មោះ កម្លាំជំនាញ ចរាចរណ៍ និង ថ្នាក់ដឹកនាំ ខេត្តបាត់ដំបង ជ័យលាភី ទីក្រុង ស្អាត ( ផ្កា រំដួល ៣ ទង ) ។
ជា ចុងក្រោយ ប្រជាពលរដ្ឋ សង្ឃឹម និងជឿជាក់ ថា លោក សាត គឹម សាន ស្នងការរង ចរាចរណ៍ ក៍ដូចជា លោក ចាន់ សុធី ប្រធាន ការិយ៉ាល័យ ទើបឡើងកាន់តំណែង ថ្មី បំពេញ តួនាទី របស់ខ្លួន អោយស្រប ទៅ ច្បាប់ថ្មី នឹងសេចក្តីប្រកាស របស់ រាជរដ្ឋាភិបាល នៃកម្ពុជាផងទាន ៕
