ខេត្តត្បូងឃ្មុំ÷ តាមប្រភពពីជាពលរដ្ឋបានប្រាប់ថា មានទីតាំងបើកល្បែងស៊ីសងប្រជល់មាន់និងអាប៉ោងភ្នាល់លេងខុសច្បាប់ដ៍ធំមួយកន្លែងស្ថិតនៅក្នុងភូមិទំពាំងបង្កង់ ឃុំអំពិលតាពក ស្រុកអូរឪ ខេត្តត្បូងឃ្មុំ បើកដំណើរការបានយ៉ាងរលូនដោយមិនខ្លាចអាជ្ញាធរមានសមត្ថកិច្ចបង្ក្រាបឡើយ ។
ប្រភពបានបន្តទៀតថាតាំងពីភូមិពួកគាត់កើតមានល្បែងប្រជល់មាន់និងអាប៉ោងកាលណាមកពួកគាត់តែងតែមានការព្រួយបារម្ភភ័យខ្លាចកើតមានអំពើរហិង្សា ណាមួយទៀតភ័យខ្លាចកើតមានចោរឆក់និងចោរប្លន់ក៍ដោយសារតែកើតមានល្បែងសុីសងទាំងអស់នេះផងដែរ ។
ប្រភពពីប្រជាពលរដ្ឋបានលើកឡើថាប្រហែលជាអាជ្ញាធរមានសមត្ថកិច្ច នៅក្នុងឃុំនិងស្រុកបានឃុបឃិតគ្នាបើកដៃឲ្យម្ចាស់បទល្មើសល្បែងសុីសងមួយកន្លែងនេះហើយទើបលេងបានយ៉ាងរលូនដោយគ្មានខ្លាចអាជ្ញាធរមានសមត្ថកិច្ចពាក់ព័ន្ឋចុះមកបង្រ្កាបទាល់តែសោះ។
បើទោះជាមានការដាក់បទបញ្ជាយ៉ាងដាច់ខាតពីប្រមុខរាជរដ្ឋាភិបាលកម្ពុជាពាក់ព័ន្ធនិងល្បែងស៊ីសងគ្រប់ប្រភេទធ្វើឲ្យប៉ះពាល់ដល់គោលនយោបាយភូមិឃុំមានសុវត្ថភាពនិងបង្កឲ្យកេីតមាន ចោរឆក ចោរប្លន់និងជម្លោះក្នុងគ្រួសារយ៉ាងណាក្តី ក៏មហាជនមួយចំនួននៅតែសង្កេតឃើញថាល្បែងជល់មាន់និងអាប៉ោងនៅភូមិទំពាំងបង្កង់ ឃុំអំពិលតាពក ស្រុកអូរាំងឱ ខេត្តត្បូងឃ្មុំ លេងបានដោយរលូនដោយមិនដែលខ្វល់ ខ្លាចចំណាត់ការបង្ក្រាបពីសំណាក់សមត្ថកិច្ចនោះទេ។
ហេតុដូច្នេះហើយប្រជាពលរដ្ឋរស់នៅក្នុងភូមិ ឃុំខាងលើ បានសំណូមពរមកដល់ ឯកឧត្តម ជៀមច័ន្ទសោភ័ណអភិបាល នៃគណៈ អភិបាលខត្តត្បូងឃ្មុំ និងឧត្តមសេនីយ៍ទោប៉ែនរ័ត្ន ស្នងកានគបាលខេត្ត ត្បូងឃ្មុំគួរតែមានវិធានការក្តៅ ចាត់កម្លាំងក្រោមឱវាទចុះធ្វើការបង្រ្កាបទីតាំងប្រជល់មាន់និងអាប៉ោងបើកភ្នាល់លេងខុសច្បាប់មួយកន្លែងនេះផងទាន៕
