កោះកុង៖ តាមប្រភពពីប្រជាពលរដ្ធដែលរស់នៅក្នុងភូមិនេសាទ ឃុំជ្រោយស្វាយ ស្រុកស្រែអំបិល ខេត្តកោះកុង បានរាយការណ៍ប្រាប់មកបណ្តាញសារពត៌មានយើងថា ព្រៃកោងកាងដែលស្ថិតនៅក្នុងភូមិ ឃុំខាងលើត្រូវក្រុមឈ្មួញមានលុយមានអំណាច សប្បាយចិត្តនឹងការកាប់បំផ្លាញដើម្បីយកដីធ្វើជាកម្មសិទ្ធិផ្ទាល់ខ្លួនព្រៃកោងកាង ដែលជាសម្បតិ្តធម្មជាតិរបស់រដ្ធនឹងជាព្រៃសំរាប់រក្សារពូជពង្សត្រីគ្រប់ប្រភេទនោះត្រូវបានរងការហិនហោចជាបណ្តើរៗហើយ ដោយពុំមានឃើញមន្ត្រីមូលដ្ធានណា មកហាមឃាត់ឡើយ ប្រជាពលរដ្ធបានដាក់ការសង្ស័យថា បានជាឈ្មួញ មកកាប់ព្រៃកោងកាងនេះបាន ប្រហែលជាមន្រ្តីក្នុងមូលដ្ធានបានទទួលសំណូកពីក្រុមឈ្មួញមិនស្ទើរនោះទេមើលទៅ បានជារាយការណ៌ទៅហើយ មិនដែលឃើញមន្ត្រីពាក់ព័ន្ធណាចុះមកទប់ស្កាត់ទៅលើក្រុមឈ្នួញនោះឡើយ។
ប្រជាពលរដ្ធដែលរស់នៅក្នុងភូមិ ឃុំខាងលើពូកគាត់ បារម្មពីការបាត់បង់ព្រៃកោងកាង នឹងការបាត់បង់ទិន្នផលត្រីដែលគ្មានទីកន្លែងសម្រាប់ពងកូន ដែលជាហេតុធ្វើឲ្យត្រីមានការថយបរមាណចុះ ហើយពួកគាត់នឹងអាចជួបផល់ប៉ះពាល់ដល់ជីវភាពប្រចាំថ្ងៃ រាល់ថ្ងៃពួកគាត់អាចរស់នៅបានដោយសារការនេសាទត្រី ដើម្បីបានប្រាក់មកផ្គត់ផ្គង់ជីវភាពគ្រួសារផងដែ។
ជាចុងក្រោយពូកគាត់សុំសំណូមពរមកដល់លោកជំទាវមិថុនាប៊ូថងជាអភិបាលនៃខណៈអភិបាលខេត្តកោះកុង ជួយមើលមន្រ្តីថ្នាក់ក្រោមដែលកំពុងតែសីុសំណូកលុយពុករលួយនេះ ដោយបិតភ្នែកមើលមិនឃើញពីការកាប់បំផ្លិចបំផ្លាញព្រៃកោងកាង ដែលជាសម្បត្តិធម្មជាតិនេះឡើយ ហើយពួកគាត់នឹងរងចាំមើលចំណាត់ការពីលោកជំទាវមិថុនាប៊ូថងជាអភិបាលនៃខណ:អភិបាលខេត្ត មានវិធានការយ៉ាងណាចំពោះមន្រ្តីគ្រាប់ល្ពៅទាំងនេះ៕
