សង្វៀនជល់មាន់ដ៏ធំមួយកន្លែងនៅខេត្តសៀមរាបនៅតែបន្តលេងយ៉ាងគគ្រឹកគគ្រេង ផ្គើននិងគោលនយោបាយភូមិឃុំមានសុវត្ថិភាពរបស់ប្រមុខរាជរដ្ឋាភិបាល?
ខេត្តសៀមរាប ៖ នៅថ្ងៃទី២៩ ខែកញ្ញា ឆ្នាំ២០២០នេះ មានសេចក្ដីរាយការណ៍មកថា លោកឧត្ដមសេនីយ៍ទោ ទិត្យ ណារ៉ុង ស្នងការដ្ឋាននគរបាលខេត្តសៀមរាប និងលោកវរសេនីយ៍ឯក ណុប សារ៉ាក់ អធិការក្រុងសៀមរាប បាននឹងកំពុងផ្គើននិងគោលនយោបាយភូមិឃុំមានសុវត្ថិភាពរបស់ប្រមុខរាជរដ្ឋាភិបាល ដោយទុកអោយកើតមានល្បែងស៊ីសងដុះស្លែជាច្រើនប្រភេទ នៅក្នុងដែនសមត្ថកិច្ចរបស់ខ្លួន។
ជាពិសេស ទុកអោយមានសង្វៀនប្រជល់មាន់ដ៏ធំ នៅចំកណ្ដាលក្រុងសៀមរាបជាច្រើនឆ្នាំ ដែលម្ចាស់ឈ្មោះ ពន្លកនិងឈ្មោះ ភា និងជាអ្នករត់ការសូកប៉ាន់ប្រាក់ ទៅដល់ស្ថាប័នពាក់ព័ន្ធនៅក្នុងខេត្តសៀមរាបមួយចំនួនធំ។ ទីតាំងសង្វៀនជល់មានខាងលើ ស្ថិតនៅភូមិវាល សង្កាត់គោកចក ក្រុងសៀមរាប ខេត្តសៀមរាប។
សេចក្ដីរាយការណ៍បានបន្តថា ល្បែងស៊ីសងជល់មាន់ខាងលើ បានកើតមានច្រើនឆ្នាំមកហើយ ដែលលោកឧត្ដមសេនីយ៍ទោ ទិត្យ ណារ៉ុង ស្នងការដ្ឋាននគរបាលខេត្តសៀមរាប និងលោកវរសេនីយ៍ឯក ណុប សារ៉ាក់ អធិការក្រុងសៀមរាប ធ្វើមិនដឹងមិនឮលោកវរសេនីយ៍ឯក ណុប សារ៉ាក់ អធិការក្រុងសៀមរាប បានអោយដឹងថា លោកមិនប្រកែករឿងថា មិនមានល្បែងស៊ីសងនោះទេ លោកថា លោកធ្លាប់ធ្វើការបង្ក្រាបជាច្រើនលើកមកហើយ តែនៅតែបន្តលួចលេង៕
