(ខេត្តព្រះសីហនុ) ៖ ប្រភពពីក្រុមឈ្មួញ និងអាជីវករដឹកជញ្ជូនទំនិញឆ្លងកាត់ផ្លូវជាតិលេខ៤ ត្រង់ចំណុច ស្ទឹងច្រាល ឃុំអូរបាក់រទេះ ស្រុក កំពង់សីលា ខេត្តព្រះសីហនុ
បានលើកឡើងថា ក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តមិនអនុវត្តន៍ឲ្យបានត្រឹមត្រូវ និងទប់ស្កាត់រថយន្តដឹកទំនិញលើសទម្ងន់ ដែលជាដើមហេតុធ្វើឲ្យខូចផ្លូវ ខូចស្ពាន នោះទេ ផ្ទុយទៅវិញបានប្រែក្លាយជាជញ្ជីងថ្លឹងរថយន្ត ឲ្យទៅជាជញ្ជីងថ្លឹងលុយដោយមិនខ្លាចញញើត ឯកឧត្តម ស៊ុន ចាន់ថុល ទេសរដ្ឋមន្ត្រីក្រសួងសាធារណការនិងដឹកជញ្ជួនឡើយ ហើយទាំងនេះគឺជាទង្វើមិនប្រក្រតីរបស់ លោកប្រធានស្ថានីយ៍ជញ្ជីងថ្លឹងរថយន្តលើផ្លូវជាតិលេខ៤ស្ទឹងច្រាល ។
ប្រភពពីប្រជាពលរដ្ឋបានសំណូមពរដល់ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការនិងដឹងជញ្ជួន មេត្តាពិនិត្យមើលលោកប្រធានជញ្ជីងថ្លឹងរថយន្ត ឈ្មោះ រិទ្ធ និង អនុប្រធានឈ្មោះ រត្ន័ នៅចំណុច ស្ទឹងច្រាល នេះផងទាន បើពុំដូច្នេះទេផ្លូវថ្នល់ពិតជារងនៅការខូចខាតអស់ជាក់ជាមិនខាន ៕
