គ្រោះធម្មជាតិបង្កទៅជាជំនន់ទឹកភ្លៀងធ្វើឱ្យប៉ះពាល់ផលដំណាំស្រូវ ដំណាំសាកវប្បកម្ម និងដំណាំឧស្សាហកម្ម សរុបជាង ១០ម៉ឺនហិកតា នៅខេត្តបាត់ដំបង…..

បាត់ដំបង÷ គ្រោះធម្មជាតិបង្កទៅភ្លៀងធ្លាក់ជាប់ៗគ្នាប៉ុន្មានថ្ងៃកន្លងមកនេះបានបង្កជាទឹកជំនន់ ធ្វើអោយប៉ះពាល់ដំណាំស្រូវ ដំ ណាំសាកវប្បកម្ម និងដំណាំឧស្សាហកម្ម សរុបចំនួន ១៣២,០៩២ ហិកតា ។

យោងតាមរបាយការណ៍បឋមចេញដោយ លោក ឈឹម វជិរា ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តបាត់ដំបង បានបញ្ជាក់ឲ្យដឹងថា÷ គ្រោះធម្មជាតិដោយជំនន់ទឹកភ្លៀងរយះពេលប៉ុន្មានថ្ងៃកន្លងមកគិតត្រឹមថ្ងៃទី ១៤ ខែតុលា ឆ្នាំ២០២០នេះ នៅទូទាំងខេត្តបាត់ដំបងបានរងផលប៉ះពាល់លិចលង់ ដំណាំស្រូវ ដំ ណាំសាកវប្បកម្ម និងដំណាំឧស្សា ហកម្ម សរុបចំនួន ១៣២,០៩២ ហិកតា ក្នុងផ្ទៃដីដាំដុះសរុបចំនួន ៥៥៧,០៦៥ -ស្មើនឹង ១៨៣,១៣ % នៃផែនការ ៥៩៩,៣០០ ហិកតា ។

ហើយក្នុងចំណោមផ្ទៃដីផលប៉ះពាល់ទាំងដំណាំស្រូវ ដំណាំសាកវប្បកម្ម និងដំណាំឧស្សា ហកម្ម ដោយទឹកជំនន់ទាំង ១៣២,០៩២ ហិកតា ក្នុងនោះផ្ទៃដីប៉ះពាល់ដំណាំស្រូវសរុបចំនួន ៨២,៤៧៦ ហិកតា នៅលើស្រុកចំនួន១០រួមមាន!

ស្រុកបាណន់ប៉ះពាល់ចំនួន ១៦,២៥៧ ហិកតា -ថ្មគោលចំនួន ១០ ៥០២ហិកតា  -បវេលចំនួន ១៦,៨៩០ហិកតា -ក្រុងបាត់ដំបងចំនួន ២ ៤៤១ ហិកតា -ឯកភ្នំចំនួន ៨ ០១៧ ហិកតា -មោងឬស្សីចំនួន ១១ ៣៣៩ ហិកតា -រតនមណ្ឌលចំនួន ៥០ ហិកតា -សង្កែចំនួន ៥ ៧២៥ ហិកតា -គាស់ក្រឡចំនួន ១ ៥២១ ហិកតា និងស្រុករុក្ខគីរី ចំនួន ៩ ៧៣៤ ហិកតា ។

ផ្ទៃដីប៉ះពាល់ដំណាំ សាកវប្បកម្ម និងដំណាំឧស្សាហកម្ម ក្នុងស្រុកចំនួន១០ សរុបចំនួន ៤៩ ៦១៦ ហិកតា និងខូចខាតក្នុងស្រុកចំនួន៥ សរុបចំនួន ២៦ ៩០៧ ហិកតា ដែលក្នុងនោះមាន!

ស្រុកបាណន់ប៉ះពាល់ចំនួន ១ ១៣៥ ហិកតា -ថ្មគោលប៉ះពាល់ចំនួន ៣០ហិកតា  និងខូចខាតចំនួន ៣០ ហិកតា – បវេលប៉ះពាល់ចំនួន ៧ ៤៦៥ហិកតា និងខូចខាតចំនួន ៤ ៨២៥ហិកតា  -ឯកភ្នំប៉ះពាល់ចំនួន ១៥ ហិកតា – រតនៈ មណ្ឌលប៉ះពាល់ចំនួន ២ ៤៦៣ ហិកតា និងខូចខាតចំនួន ២០៧ ហិកតា – សំពៅលូនប៉ះពាល់ចំនួន ៤ ៥៨៨ ហិកតា និងខូចខាតចំនួន ៤ ៥៥៨ ហិកតា – ភ្នំព្រឹកប៉ះពាល់ចំនួន ៧ ១១០ ហិកតា – កំរៀងប៉ះពាល់ចំនួន ១៩ ២៤៣ ហិកតា – គាស់ក្រឡប៉ះពាល់ចំនួន ៣៥៩ ហិកតា និងខូចខាតចំនួន ១៧ ២៥៧ ហិកតា និងស្រុករុក្ខគីរី ប៉ះពាល់ ចំនួន ៧ ២០៨ ហិកតា ៕