ឯកឧត្តម សំ រិទ្ធី លេខាធិការគណៈកម្មការទីនៃរដ្ឋសភា បាននាំយកអំណោយ ទៅចែកជូនប្រជាពលរដ្ឋដែលរងគ្រោះដោយជំនន់ទឹកភ្លៀង ៣០០គ្រួសារ នៅស្រុកគងពិសី…

កំពង់ស្ពឺ÷ នៅថ្ងែទី ១៨ ខែតុលា ឆ្នាំ២០២០នេះ ឯកឧត្តម សំ រិទ្ធី លេខាធិការគណៈកម្មការទី ៧ នៃរដ្ឋសភា និងជាតំណាងរាស្ត្រមណ្ឌលខេត្តកំពង់ស្ពឺ រួមជាមួសប្បុរសជន ក្នុងនោះមានសិល្បៈករ ដែលដឹកនាំលោក ករុណា ពេជ្រ ចុះចែកអំណោយជូនប្រជាពលរដ្ឋពីរឃុំ គឺឃុំវាល និងឃុំព្រះនិព្វាន សរុបចំនួន៣០០គ្រួសារ នៅស្រុកគងពិសី ខេត្តកំពង់ស្ពឺ។

ឆ្លៀតក្នុងឱកាសនោះ ឯកឧត្ដម បានផ្ញាំផ្ញើរនូវការសាកសួរសុខទុក្ខពីឯកឧត្តម ហ៊ុន ម៉ានី ប្រធានគណ:កម្មការទី៧នៃរដ្ឋសភា និងជាតំណាងរាស្ត្រមណ្ឌលខេត្តកំពង់ស្ពឺជូនដល់អាជ្ញាធរស្រុក ឃុំ ភូមិ សប្បុរសជន និងក្រុមគ្រួសារ ស.ស.យ.ក ព្រមទាំបងប្អូនប្រជាពលរដ្ឋទាំងអស់ដែលចូលរួមក្នុងកម្មវិធីនោះ។

ជាមួយគ្នានោះ ឯកឧត្ដម បានថ្លែងអំណរគុណចំពោះលោក ករុណា ពេជ្រ ក្រុមសិល្បៈករ និងសប្បុរសជនទាំងអស់ ដែលបានចំណាយថវិកាផ្ទាល់ខ្លួនចូលរួមចំណែកជួយដល់បងប្អូនប្រជាពលរដ្ឋរងគ្រោះដោយជំនន់ទឹកភ្លៀងទាំងពីរឃុំ និងបានថ្លែងអំណរគុណជាពិសេសផងដែរដល់អាជ្ញាធរស្រុក ឃុំ ភូមិ និងក្រុមគ្រួសារ ស.ស.យ.ក ដែលបានជួយសម្របសម្រួលរៀបចំកម្មវិធីនេះ និងតែងតែនៅជិតប្រជាពលរដ្ឋគ្រប់ពេលវេលាក្នុងគ្រាលំបាក ។

ឯកឧត្តមបានអំពាវនាវដល់សប្បុរសជនបន្តជួយដល់ប្រជាពលរដ្ឋរងគ្រោះ និងសូមអោយបងប្អូនប្រជាពលរដ្ឋទាំងអស់ថែរក្សាសុខភាពឱ្យបានល្អ ហូបទឹកស្អាត ជាពិសេសត្រូវមានការប្រុងប្រយ័ត្នខ្ពស់ចំពោះក្មេងតូចៗ និងសត្វអសិរពិសក្នុងស្ថានភាពទឹកជំនន់បែបនេះ៕