សៀមរាប ៖ សមត្ថសមត្ថកិច្ចមូលដ្ឋានបានឲ្យដឹងថាខ្មាន់កាំភ្លើងដែលជាប្ដីបានបាញ់ប្រហារទៅលើស្ត្រីដែលជាប្រពន្ធប៉ុនប៉ងធ្វើឃាតតែមិនបានសម្រេច ហេតុការណ៍ភ្ញាក់ផ្អើលនេះ នៅវេលាម៉ោង ២.៥០នាទីរំលងអធ្រាតឈានចូលថ្ងៃទី២២ តុលា ២០២០ នៅចំណុចមុខសាលាបឋមសិក្សាសាមគ្គី(ផ្លូវជាតិលេខ៦)ឃុំស្រណាល ស្រុកក្រឡាញ់ ខេត្តសៀមរាប។
ករណីបាញ់ប្រហារទៅលើស្ត្រីប៉ុនប៉ងធ្វើឃាតមិនបានសម្រេចនេះបង្កឡើងដោយជនដៃដល់ត្រូវជាប្ដីមាន ឈ្មោះ ចាន់ ផល ហៅពៅ ភេទប្រុស អាយុប្រហែល៥០ឆ្នាំ ទីលំនៅភូមិស្វាយធំ ខេត្តសៀមរាប ។
ចំណែកជនរងគ្រោះត្រូវជាប្រពន្ធមានឈ្មោះ សំអុល សុខដានី ភេទស្រី អាយុ២៧ឆ្នាំ មានទីលំនៅភូមិសាមគ្គី សង្កាត់ឫស្សីកែវ ភ្នំពេញ រងរបួសធ្ងន់ចំដើមទ្រូងខាងឆ្វេង១គ្រាប់(បៀមគ្រាប់)។ បញ្ជាក់:ជនដៃដល់និងជនរងគ្រោះជាប្ដីប្រពន្ធនឹងគ្នាមិនបានរៀបការទេ
ក្រោយពេលផ្ទុះអាវុធរួចជនដៃដល់ បានឡើងរថយន្តគេចខ្លួនបាត់ ចំណែកជនរងគ្រោះ ត្រូវបានសមត្ថកិច្ចនៅមូលដ្ឋានដឹកបញ្ជូនមកសង្គ្រោះនៅមន្ទីរពេទ្យបង្អែកខេត្តសៀមរាប។
បច្ចុប្បន្នសមត្ថកិច្ចកំពុងដុតដៃដុតជើងស្រាវជ្រាវរកចាប់ជនដៃដល់យកមកដន់ទាទោសតាមផ្លូវច្បាប់ ៕
ផ្ទុះអាវុធចង់ធ្វើឃៀតប្រពន្ធតែមិនបានសម្រេចក៏ដាក់មេប្រូចទៅបាត់…
Filed in: សន្តិសុខ សង្គម
