កងកម្លាំង​ ស្នងការ​នគរបាល​ខេត្ត​កំពង់​ស្ពឺ​ ទទួល​អំ​ណោយ​ ឯកឧត្ដម​ អភិបាល​ខេត្ដ​ នៅទីបញ្ហាការ​ដ្ឋា​នតំបន់ប្រតិបត្តិការសឹករងកំពង់ស្ពឺ  នាព្រឹកថៃ្ង​ទី​៣១​ ខែធ្នូ​ ឆ្នាំ​២០២០​ ក្នុងដំណេីរចុះសួរ​សុខទុក្ខ​កងកម្លាំង​ប្រដាប់​អាវុធ​ នាឱកាសបុណ្យ​ចូ​ល​​ឆ្នាំ​ថ្មី​ ឆ្នាំ​សកល​ ២០២១​……

កំពង់ស្ពឺ÷ នាព្រឹកថ្ងៃទី ៣១ ខែធ្នូ ឆ្នាំ ២០២០​ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ​ ឯកឧត្តម យឹម សុខុម ប្រធានក្រុមប្រឹក្សាខេត្ត រួមដំ​ណេីរដោយ​ ឯកឧត្ដម​ លោកជំទាវ​ មេបញ្ជាការ​កង​កម្លាំង​ប្រដាប់​អាវុធ​ ទាំង​៣ប្រភេទ​ បានអញ្ជើញអម​ដំណេីរ​ ឯកឧត្ដម​ អភិបាល​ខេត្ដ​ ចុះសួរសុខទុក្ខ​ និង​សំណេះសំណាល នាយទាហាន ពលទាហាន កង​កម្លាំងទាំង៣ នៅតំបន់ប្រតិបត្តិការសឹករងកំពង់ស្ពឺ ។

ថ្លែងនៅក្នុងឱកាសនោះផងដែរ ឯកឧត្តម វ៉ី សំណា​ង បានសម្តែងនូវការកោតសរសើរ និងវាយតម្លៃខ្ពស់​ចំពោះ នាយទាហាន ពលទាហាន ទាំងអស់ ដែ​លកន្លងមកបានខិតខំប្រឹងប្រែងយ៉ាងសកម្មក្នុងការ​បំពេញភារកិច្ច ការពារឯករាជ្យ អធិបតេយ្យ និងបូរ​ណភាពទឹកដី នៃព្រះរាជាណាចក្រកម្ពុជា ក៏ដូចជាការចូលរួមថែរក្សាសន្តិភាព សន្តិសុខ និងសណ្តាប់ធ្នាប់សាធារណៈ សម្រេចបានលទ្ធផល និងស្នាដៃ​ល្អប្រសើរ ជូនជាតិមាតុភូមិ។

ឯកឧត្តមក៏បានបន្តទៀតថា រាជរដ្ឋាភិបាលដែលដឹកនាំដោយ សម្តេចតេជោ នាយករដ្ឋមន្ត្រី បានដឹកនាំប្រទេសប្រកប​ដោយគតិបណ្ឌិត និងសក្តានុពល ធ្វើឲ្យប្រទេសជាតិ មានសន្តិភាព សន្តិសុខ ស្ថេរភាព​ស​ង្គម និងការអភិវឌ្ឍន៍ជាតិរីកចម្រើនលើគ្រប់វិស័​យ ដោយជានិច្ចកាលសម្ដេចតេជោ និងសម្តេចកិត្តិព្រឹទ្ធបណ្ឌិត ជាតែងតែរួមសុខទុក្ខជាមួយកងទ័ព គិតគូរអំពីជីវភាពរស់នៅ និងបានឧបត្ថម្ភដោះស្រា​យនូវរាល់ការខ្វះខាតរបស់បងប្អូនកងកម្លាំងគ្រប់លំ​ដាប់ថ្នាក់ ។

នាឱកាសនោះផងដែរ​ ឯកឧត្តម វ៉ី សំណាង ក៏បាន​នាំយកសម្ភារៈមួយចំនួនជូនដល់ កងកម្លាំង​ប្រដាប់​អាវុធ​ ទាំង​៣​ប្រភេទ​ នៅតំបន់ប្រតិបត្តិការសឹងរងកំពង់ស្ពឺរួមមាន៖ មី ១០០កេស  ត្រីខ ៥កេស ទឹកត្រី ២០ យួរ ទឹកស៊ីអ៊ីវ ២០ យួរ អាវ ១០០ អាវ និង ភួយ ១០០ ៕