អាវុធឡាស៊ែស៊េរីថ្មីនិងទំនើបនេះឈ្មោះ HEL TVD មានថាមពលដល់ទៅ ១០០ គីឡូវ៉ាត់។ វាជាអាវុធអាមេរិកប៉ងស្រមៃចង់បានសម្រាប់ប្រព័ន្ធការពារជាតិរបស់ខ្លួនរយៈពេលច្រើនទសវត្សមកហើយ ស្រាប់តែពេលនេះរដ្ឋាភិបាលអាមេរិកបានទិញអាវុធពីក្រុមហ៊ុន Lockheed Martin and Dynetics ក្នុងតម្លៃ ១៣០ លានដុល្លារ ហើយក៏ជាអាវុធមានបច្ចេកវិទ្យាទំនើប ធ្វើឲ្យបណ្តាប្រទេសធំៗផ្សេងៗទៀតលើពិភពលោកខ្លាចរអាគួរសមដែរ។
អាវុធឡាស៊ែ HEL TVD គ្រោងនឹងយកទៅតេស្តសមយុទ្ធមីស៊ីលនៅម៉ិកស៊ិកូក្នុងឆ្នាំ ២០២២។
បើតាមការអះអាងពី គេហទំព័រ Futurism ក្រុមហ៊ុនរថយន្ត Rolls Royce ជាអ្នកគាំទ្រពីក្រោយចំពោះបច្ចេកវិទ្យាផលិតអាវុធ HEL TVD។
កងទ័ពអាមេរិក កំពុងតែផលិតអាវុធប្រើប្រព័ន្ធឡាស៊ែ ជាសណ្ឋានផ្សេងគ្នា ដោយអាចបំពាក់លើរថគ្រោះ និងយន្តហោះចម្បាំងដ្រូន ដើម្បីអាចកម្ទេចសត្រូវបានងាយនិងប្រើពេលខ្លី៕
