សម្ដេចតេជោ បញ្ជាក់ជាថ្មីថា មន្ត្រីរាជការ ជាខ្ញុំ បម្រើប្រជាជន មិនមែនចៅហ្វាយ ប្រជាជននោះទេ

(កំពង់ស្ពឺ)៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានក្រើនរំលឹកសារជាថ្មីថា មន្ត្រីរាជការ គឺជាខ្ញុំបម្រើដ៏ស្មោះត្រង់របស់ប្រជាជន មិនមែនជាចៅហ្វាយរបស់ប្រជាជននោះទេ ដូច្នេះមន្ត្រីរាជការ ត្រូវតែពង្រឹងនូវសមត្ថភាពរបស់ខ្លួន ទៅតាមជំនាញនីមួយៗ

សម្ដេចតេជោ ហ៊ុន សែន បានសរសេរនៅលើបណ្ដាញសង្គម ហ្វេសប៊ុក នាថ្ងៃទី២៧ ខែមករា ឆ្នាំ២០២០ ថា «មន្ត្រីរាជការ គឺជាខ្ញុំបម្រើដ៏ស្មោះត្រង់របស់ប្រជាជន មិនមែនជាចៅហ្វាយរបស់ប្រជាជននោះទេ ហើយមន្ត្រីរាជការទាំងអស់ត្រូវតែពង្រឹង នូវសមត្ថភាពរបស់ខ្លួនទៅតាមជំនាញ នីមួយៗឲ្យទាន់សម័យកាលបច្ចេកវិទ្យាបច្ចុប្បន្ន មិនត្រូវធ្វើជាមន្ត្រីអភិរក្សនិយមនោះទេ៕