ភ្នំពេញ៖មួយរយៈពេលចុងក្រោយនេះ ឃេីញថា មានការបង្ហោះព័ត៌មានជាច្រេីនពាក់ព័ន្ធការផ្ទុះជំងឺកូរ៉ូណា ឬ Covid-19 ក្នុងប្រទេសកម្ពុជា ដែលបណ្តាលអោយមនុស្សស្លាប់ ។ ប៉ុន្តែព័ត៌មានទាំងនេះ ត្រូវបានសមត្ថកិច្ចពាក់ព័ន្ធ ជាពិសេសក្រសួងសុខាភិបាល ប្រកាសថា សុទ្ធតែជាព័ត៌មានមិនពិត និង បំពុលសង្គម ។
ជាមួយគ្នានេះ អគ្គនាយកដ្ឋានព័ត៌មាននិងសោតទស្សន៍ នៃក្រសួងព័ត៌មាន អំពានាវអោយបញ្ឈប់ការចែកចាយព័ត៌មាន ឬ Share រាល់ព័ត៌មានមិនពិតទាំងនេះ ព្រោះអាចនឹងប្រឈមចំពោះមុខច្បាប់។
យោងតាមសេចក្តីប្រកាសព័ត៌មាន ស្តីពី “ការផ្សព្វផ្សាយព័ត៌មានមិនពិតតាមបណ្តាប្រព័ន្ធផ្សព្វផ្សាយអំពីការឆ្លងជំងឺផ្លូវដង្ហេីមកូរ៉ូណាថ្មី ឬ Covid-19″ នៅថ្ងៃទី១ ខែមីនា ឆ្នាំ២០២០ នេះ ក្រសួងព័ត៌មាន បញ្ជាក់ថា ថ្មីៗនេះមានការផ្សព្វផ្សាយព័ត៌មានមិនពិតតាមរយៈគណនីឬទំព័រហ្វេសប៊ុក ដោយមិនបានធ្វេីការផ្ទៀងផ្ទាត់អោយបានត្រឹមត្រូវជាមួយស្ថាប័នមានសមត្ថកិច្ចពាក់ព័ន្ធ ថា មានជនបរទេសឆ្លងជំងឺផ្លូវដង្ហេីមកូរ៉ូណាថ្មី ឬ Covid-19 បណ្តាលអោយស្លាប់ ។
ទន្ទឹងគ្នានេះ ក្រសួងព័ត៌មាន ក៏បានបង្ហាញគណនីហ្វេសប៊ុកចំនូន៧ ដែលផ្សាយព័ត៌មានមិនពិតនេះផងដែរ ៕
