ខេត្តកំពង់ស្ពឺនៅថ្ងៃទី២២ ខែមេសាឆ្នាំ២០២០ ឯកឧត្តមវ៉ី សំណាង អភិបាលនៃគណៈអភិបាលខេត្តកំពង់ស្ពឺ មានការអញ្ជើញនិងចូលរួមអមដំណើរពីលោកញ៉ាញ់ ជាបហ៊ង ប្រធានមន្ទីរធនធានទឹក និងឧតុនិយមរួមជាមួយក្រុមការងារអញ្ជើញចុះពិនិត្យដំណើរការអភិវឌ្ឍន៍សាងសង់នៃទំនប់ព្រៃឥដ្ឋដែលមានទទឹង៧ម៉ែត្របណ្ដោយ១.១០០ម៉ែត្រស្ថិតនៅក្នុងភូមិព្រៃកក់ ឃុំពោធិ៍អង្គ្រងស្រុកបសេដ្ឋ ។
បន្ទាប់ពីពិនិត្យដំណើរការនៃការសាងសង់ទំនប់ទឹករួចមក ឯកឧត្តមវ៉ី សំណាង អភិបាលនៃគណះអភិបាលខេត្តក៏បានបន្តដំណើរជាមួយលោកប្រធានធុនធានទឹកនិងឧតុនិយមចុះសិក្សាគម្រោងសាងសង់ស្ពានឆ្លងស្ទឹងស្លាគូ ដែលស្ថិតនៅក្នុងភូមិព្រៃខ្លុង ឃុំពោធិ៍ចំរើនស្រុកបសេដ្ឋតភ្ជាប់ទៅកាន់ខេត្តតាកែវដែលកន្លងមកបងប្អូនប្រជាពលរដ្ឋតែងតែជួបការលំបាកខ្វះខាតស្ពានប្រើប្រាស់ក្នុងការធ្វើដំណើរឆ្លងកាត់ដើម្បីប្រកបមុខរបរប្រចាំថ្ងៃ៕
