ផ្សាយចេញពី.ខេត្តកំពង់ស្ពឺ.នៅថ្ងៃទី២៩ ខែមិថុនា ឆ្នាំ២០២៣.
ខេត្តកំពង់ធំ៖ សេចក្តីរាយការណ៍បានឲ្យដឹងថា នៅក្នុងភូមិស្វាយ ឃុំបារាយណ៍ ស្រុកបារាយណ៍ ខេត្តកំពង់ធំ មានទីតាំងលេងល្បែងស៊ីសងជល់មាន់តាមប្រព័ន្ធអនឡាញ ភ្នាល់លុយគ្នាបង្កប់ក្នុងតៀមកាហ្វេ នីន នីន កាហ្វេដូង ចំណុចគីឡូម៉ែត្រលេខ ១១១ ដើម្បីកៀងគរក្រុមអ្នកញៀនល្បែងឲ្យចូលមកលេងយ៉ាងពពាក់ពពូនជារាងរាល់ថ្ងៃ ខណ:សមត្ថកិច្ចប៉ុស្តិ៍បារាយណ៍ រក្សាភាពស្ងប់ស្ងាត់ ពលរដ្ឋដាក់ការសង្ស័យប្រហែលត្រូវថ្នាំសណ្តំអ្វីមួយ បានស្រវាំងភ្នែកមើលមិនឃើញ ទើបនាំគ្នាដើរបញ្ច្រាសទិស ផ្ទុយពីគោលនយោបាយ ភូមិ ឃុំ ឲ្យមានសុវត្ថិភាព ទាំង៧ចំណុច របស់រាជរដ្ឋាភិបាល ដែលបានដាក់ចេញដោយក្រសួងមហាផ្ទៃ។
ជុំវិញទីតាំងល្បែងសុីសង់ខាងលើពលរដ្ឋនៅក្នុងឃុំបារាយណ៍ស្នើសុំ លោកឧត្តមសេនីយ៍ទោ ម៉ែន លី ស្នងការខេត្តកំពង់ធំ មេត្តាចាត់កម្លាំងជំនាញក្រោមឱវាទចុះទប់ស្កាត់និងបង្ក្រាប ល្បែងស៊ីសងជល់មាន់តាមអនឡាញ ដែលមានស្លាកសញ្ញាសំគាល់ (N.Y.88) នេះផងទាន ដើម្បីចូលរួមចំណែកបញ្ជៀសអំពើចោលកម្មនៅក្នុងមូលដ្ឋានផ្សេងៗដូចជា៖ចោរលួច-ចោរឆក់-ចោរប្លន់-គាស់ផ្ទះនិងហិង្សាក្នុងគ្រួសារជាដើម សង្ឃឹមថាទីតាំងល្បែងសុំមួយនេះនឹងបង្ក្រាបបានចាក់ជាមិនខានក្រោមការយកចិត្តទុកដាក់ខ្ពង់ខ្ពស់ពីលោកស្នងការ៕
