កំពង់ឆ្នាំង: កុមារីម្នាក់ឈ្មោះ គឹម ចាន់តី អាយុ ៥ឆ្នាំ រស់នៅភូមិ ចំបក់ប្រាសាទ ឃុំគ្រាំងស្គារ ស្រុកទឹកផុស ខេត្តកំពង់ឆ្នាំង បានបាត់បង់ជីវិតបន្ទាប់ពីឪពុកម្ដាយបានយកទៅព្យាបាលនៅផ្ទះគ្រូពេទ្យឯកជនមួយកន្លែង ស្ថិតនៅភូមិផ្លូវគោ ឃុំបន្ទាយព្រាល ស្រុករលាប្អៀរ ខេត្តកំពង់ឆ្នាំង។
ឪពុកកុមារីរងគ្រោះឈ្មោះ មី សុគា អាយុ ៤១ឆ្នាំ.ម្ដាយឈ្មោះ ម៉ុន ចាន់ទី អាយុ២៨ឆ្នាំ បច្ចុប្បន្នរស់នៅភូមិ ចំបក់ប្រាសាទ ឃុំ ក្រាំងស្គា ស្រុកទឹកផុស ខេត្តកំពង់ឆ្នាំង។
តាមការបញ្ជាក់របស់សាក្សីត្រូវជាសាច់ញាតិរបស់អ្នកគ្រូពេទ្យបានបញ្ជាក់ថា ពេទ្យដែលបានចាក់ថ្នាំកុមារីបណ្ដាលអោយបាត់បង់ជីវិតនោះឈ្មោះ ហូ ថុង ភេទ ស្រី រស់នៅភូមិ ផ្លូវគោ ឃុំ បន្ទាយព្រាល ស្រុក រលាប្អៀរ ខេត្តកំពង់ឆ្នាំង (គាត់ជាពេទ្យគ្មាន់ច្បាប់នោះទេ)។
មុនពេលកើតហេតុនៅម៉ោង ៣.៣០ នាទីកាលពីរសៀលថ្ងៃទី ២២ខែ កក្កដា ឆ្នាំ ២០២៣ ក្រុមគ្រួសាររងគ្រោះបានយកកូន ស្រី ដែលកំពុងមានជំងឺមកព្យាបាលនៅគេហដ្ឋានរបស់អ្នកគ្រូពេទ្យឈ្មោះ ហូ ថុង ពេលនោះអ្នកគ្រូពេទ្យបានវាស់កម្ដៅ ហើយក៏បានចាក់ថ្នាំចំនួនពីរម្ជុល នៅលេីភ្លៅ កុមារីរងគ្រោះទាំងសងខាង ក្រោយពីចាក់រួចភ្លាមៗ ស្រាប់តែកុមារីមានអាការៈបញ្ឈរភ្នែក មុខឡើងខ្មៅ ឃើញដូច្នេះអ្នកគ្រូពេទ្យរូបនោះក៏បានដាក់សេរ៉ូមហើយក៏ឲ្យឪពុកម្ដាយកុមារីរងគ្រោះបញ្ជូនទៅមន្ទីរពេទ្យខេត្ត តែអកុសល មុនពេលទៅដល់មន្ទីរពេទ្យខេត្តកុមារីរងគ្រោះបានស្លាប់បាត់ទៅហើយ។
ណីខាងលើនេះបើតាមប្រភពមួយបានបញ្ជាក់ថា ភាគីគ្រូពេទ្យ នៅយប់ថ្ងៃទី ២៣ខែកក្កដានេះបានទៅសម្រប
សម្រួលជាមួយជនរងគ្រោះដើម្បីបញ្ចប់រឿង ជាថ្នូរនិងប្រាក់ជាង២០០០ដុល្លារ។
ជុំវិញកុមារី(ស្លាប់)នេះដែរ នៅល្ងាចថ្ងៃទី ២៤ ខែកក្កដា ឆ្នាំ ២០២៣ លោក សោម វឿន អធិការរងទទួលផែនសេនាធិការ នៃអធិការដ្ឋាននគរបាលស្រុករលាប្អៀរ បានឲ្យដឹងតាមទូរសព្ទថា ពិតជាមានករណីគ្រូពេទ្យចាក់ថ្នាំបណ្ដាលឱ្យកុមារីម្នាក់(ស្លាប់)មែន ប៉ុន្តែគ្រូពេទ្យនោះបានរត់គេចខ្លួនចេញពីផ្ទះបាត់ហើយ ជំនាញកំពុងតែស្រាវជ្រាវកំណត់មុខសញ្ញាតាមចាប់ ប៉ុន្តែរឿងនេះលោកបានរាយការណ៍ជូនទៅលើហើយ។
ព័ន្ធនិងព័ត៌មានខាងលើនេះ សូមផ្ញើសារមួយនេះសម្រាប់បងប្អូនប្រជាពលរដ្ឌដែលមានកូនៗឬចៅបងប្អូនឈឺសូមជ្រើសរើសគ្រូពេទ្យដែលមានវិជ្ជាជីវៈត្រឹមត្រូវក្នុងការព្យាបាល ដើម្បីជៀសវាងការបាត់បង់អាយុជីវិតចំពោះគ្រួសារយេីង៕
