ខេត្តកំពង់ស្ពឺ៖ ក្រុមជនសង្ស័យប្រុសស្រីចំនួន០៦ ត្រូវបានកម្លាំងនគរបាលជំនាញប្រឆាំងបទល្មើសគ្រឿងញៀនស្រុកសំរោងទង សហការជាមួយកម្លាំងព្រហ្មទណ្ឌស្រុក ធ្វើការឃាត់ខ្លួនបន្តបន្ទាប់ខណៈដែលល្បាតតាមមូលដ្ឋាន ហើយប្រទះឃើញក្រុមជនសង្ស័យចរាចរណ៍គ្រឿងញៀនមានការសង្ស័យឃាត់ ដកហូតម៉ាទឹកកកចំនួន៣១កញ្ចប់។
ការឃាត់ខ្លួនក្រុមជនសង្ស័យខាងលើកាលពីវេលាម៉ោង១២និង៥០នាទីថ្ងៃត្រង់ ថ្ងៃទី២៧
ខែកក្កដា ឆ្នាំ២០២៣ នៅក្នុងភូមិត្រពាំងវែង ឃុំត្រពាំងគង ស្រុកសំរោងទង ខេត្តកំពង់ស្ពឺ។
លោកវីរៈសេនីយ៍ឯក ឃុត សុផល អធិការនគរបាលស្រុកសំរោងទង បានឱ្យដឹងថា នៅមុនពេលឃាត់ខ្លួនក្រុមជនសង្ស័យគឺកំលាំងផ្នែកប្រឆាំងបទល្មើសគ្រឿងញៀនស្រុកបានធ្វើការសហការជាមួយកំលាំងព្រហ្មទណ្ឌស្រុកសំរោងទង ធ្វើការល្បាតតាមមូលដ្ឋានស្មុគស្មាញ លុះដល់ចំណុចភូមិត្រពាំងវែង ឃុំត្រពាំងគង ស្រុកសំរោងទង ខេត្តកំពង់ស្ពឺក៏ឃាត់បាន។
លោកវីរៈសេនីយ៍ឯក ឃុត សុផល បានបន្តទៀតថា មុខសញ្ញាជួញដូរដោយខុសច្បាប់នូវសារធាតុញៀនមានឈ្មោះទី០១.ឈ្មោះ ម៉ូ មករា ហៅម៉ុយ ភេទប្រុស អាយុ១៧ឆ្នាំ រស់នៅភូមិព្រៃរកា ឃុំលំហាច ស្រុកអង្គស្នួល ខេត្តកណ្ដាល (អ្នកឌុប) និងទី០២.ឈ្មោះសុខ ស្រីចិន (ហៅតី) ភេទស្រី អាយុ១៨ឆ្នាំ រស់នៅភូមិធ្លក ឃុំ ត្រពាំងគង ស្រុកសំរោងទង ខេត្តកំពង់ស្ពឺ នៅចំណុចខ្នងប្រឡាយតាហោខាងត្បូងភូមិត្រពាំងវែង ឃុំត្រពាំងគង ស្រុកសំរោងទង ខេត្តកំពង់ស្ពឺ ដកហូតវត្ថុតាងគ្រឿងញៀន ចំនួន០២ញ្ចប់។ ក្រោយមកទៀតកម្លាំងនគរបាលបានបន្តឃាត់មុខសញ្ញាចំនួន០៤នាក់ទៀត បន្ថែមទៀតទី០១.ឈ្មោះ ផន សុខណា (ហៅណុច) ភេទស្រី អាយុ៣៤ឆ្នាំ រស់នៅភូមិធ្លក ឃុំត្រពាំងគង ស្រុកសំរោងទង ខេត្តកំពង់ស្ពឺ (០៣កញ្ចប់តូច) ទី០២.ឈ្មោះ ខន បូរ៉ា ភេទប្រុសអាយុ៣៣ឆ្នាំ រស់នៅភូមិត្រពាំងរកា ឃុំត្រពាំងគង ស្រុកសំរោងទង ខេត្តកំពង់ស្ពឺ (១៤កញ្ចប់ មធ្យម២កញ្ចប់) ទី០៣.ឈ្មោះ មឿន សារ៉ន (ហៅស្រីខួច ) ភេទស្រី អាយុ២៩ឆ្នាំ រស់នៅភូមិថ្មី ឃុំ រលាំងកែន ស្រុកកណ្តាលស្ទឹង ខេត្ត កណ្តាល (០២កញចប់តូច) និងទី០៤.ឈ្មោះ សាត ធានាថ ភេទស្រី អាយុ២៦ឆ្នាំ រស់នៅភូមិកណ្តាល ឃុំលំហាច ស្រុកអង្គស្នួល ខេត្តកណ្តាល ឃាត់នៅចំណុចភូមិព្រៃគោ ឃុំលំហាច ស្រុកអង្គស្នួល ខេត្តកណ្តាល (ដកហូតថ្នាំញៀនចំនួន១០កញ្ចប់០១កញ្ចប់មធ្យម)។
ក្រោយឃាត់ខ្លួនក្រុមជនសង្ស័យទាំង០៦នាក់ខាងលើនេះសរុបស្រី០៤ ប្រុស០២នាក់ ដកហូតវត្ថុតាងម៉ាទឹកកក សរុបគ្រឿងញៀន ៣១កញ្ចប់ (មធ្យមចំនួន០៣) ទូរស័ព្ទដៃ០៥ គ្រឿង ម៉ូតូ០៣គ្រឿង។
បច្ចុប្បន្នក្រុមជនសង្ស័យ រួមជាមួយវត្ថុតាង នគរបាលជំនាញកំពុងធ្វើការសាកសួរនិងកសាងសំណុំរឿងចាត់ការបន្តតាមផ្លូវច្បាប់៕
