ខេត្តកំពត៖ សេចក្តីរាយការណ៍បានឲ្យដឹងនៅរសៀលថ្ងៃទី០៧ ខែកក្កដា ឆ្នាំ២០២៣ នេះថា នៅជិតប៉ុសិ៍្តរដ្ឋបាលឃុំមានជ័យ ស្រុកឈូក ខេត្តកំពត កំពុងបើកលេងល្បែងស៊ីសងជល់មាន់តាមប្រព័ន្ធអនឡាញ ដើម្បីកៀងគរក្រុមអ្នកញៀនល្បែងឲ្យចូលមកលេងយ៉ាង ពពាក់ពពូន ខណ:នាយប៉ុស្តិ៍រដ្ឋបាលឃុំមានជ័យ លោកថាចង់បិតដែរ តែលោកគ្មានសិទ្ធិបិត ព្រោះលោកកូនចៅគេ បើគ្មានបទបញ្ជាពីថ្នាក់លើនោះទេ លោកបន់ឱ្យតែបិទព្រោះលោកឈឺក្បាលណាស់។
ពាក់ព័ន្ធល្បែងសុីសងជល់មាន់តាមប្រព័ន្ធអនឡាញនៅជិតប៉ុសិ៍្តរដ្ឋបាលឃុំមានជយ័ ខាងលើនេះ ពលរដ្ឋដាក់ការសង្ស័យថា ប្រហែលជាប៉ះចំកញ្ចប់ប្រចាំខែរបស់លោក ប៉ោ យ៉ា អធិការស្រុកឈូក ហើយមើលទៅ ខណៈនាយប៉ុសិ៍្តរដ្ឋបាលឃុំមានជយ័ថា បើគ្មានបទបញ្ជាពីថ្នាក់លើនោះទេ. លោកគ្មានសិទ្ធិបិត ព្រោះលោកឈឺក្បាលណាស់។
គួរបញ្ជាក់ថាកាលថ្ងៃទី ១៧ ខែកញ្ញា ឆ្នាំ ២០២២ កន្លងទៅនេះ សម្ដេចតេជោ ហ៊ុន សែន បានចេញបទបញ្ជា ដាច់ណាត់មួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទរឺបង្រាប ទីតាំងល្បែងសុីសង គ្រប់ប្រភេទ ទាំងអស់ឱ្យខាងតែបាន ។ សម្តេចតេជោហ៊ុនសែន បានបញ្ជាក់យ៉ាងច្បាស់ដាច់ណាត់ទៀតថា អាជ្ញាធរនិងសមត្ថកិច្ចស្រុក ក្រុង ខេត្តណា ដែលមិននាំគ្នាទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ? អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។
ដោយឡែកតែទីតាំងបនល្បែងសុសង ជល់មាន់តាមប្រព័ន្ធអន្លាញ ខុសច្បាប់ ក្នុងភូមិសាស្រ្តខាងលើ នៅតែដំណើរការបើកលេងជារៀងរាល់ថ្ងៃ អាជ្ញាធរនិងសមត្ថកិច្ចពាក់ព័ន្ឋក្នុងមូលដ្ឋាន មិនធ្វើការបង្ក្រាប។
ពាក់ព័ន្វរឿងល្បែងសុីសងខុសច្បាប់ខាងលើអង្គភាពសារព័ត៌មានយើងបានទំនាក់ទំនងទៅកាន់អធិការដ្ឋាននគរបាលស្រុកឈូក ចំនួន០៤ដែរតែមិនមានអ្នកលើកទទួល។
ជុំវិញទីតាំងល្បែងខាងលើនេះពលរដ្ឋគោរពស្នើសុំលោកឧត្តមសេនីយ៍ ម៉ៅ ច័ន្ទមធុរិទ្ធ ស្នងការនគរបាលខេត្តកំពត មេត្តាយកចិត្តទុកដាក់ខ្ពស់ក្នុងការដឹកនាំកម្លាំងជំនាញរបស់ខ្លួនចុះពិនិត្យនិងស្រាវជ្រាវជាក់ស្ដែងដើម្បីធ្វើការបង្ក្រាបផងទាន ជៀសវាងគេងមិនលក់ធ្វើជាសម្រាន្តលក់៕
អង្គភាពយើងរង់ចាំការបំភ្លឺគ្រប់ស្ថាប័នពាក់ព័ន្ធរាល់ម៉ោងធ្វើការ។សូមអគុណ..ការិយាល័យនិពន្ធ៖ 093200636 / 0718022293.
