ខេត្តកំពង់ស្ពឺ៖ កម្លាំងនគរបាលផ្នែកប្រឆាំងបទល្មើសគ្រឿងញៀនស្រុកសំរោងទង ធ្វើការឃាត់ខ្លួនជនសង្ស័យ០៣នាក់ ពាក់ព័ន្ធរក្សាទុកគ្រឿងញៀន ខណៈដែលកម្លាំងជំនាញចុះល្បាតតាមមូលដ្ឋាន ហើយប្រទះឃើញដោយមានការសង្ស័យក៏ឃាត់សួរនាំទើបដឹងថាជនសង្ស័យកំពុងចរាចរណ៍គ្រឿងញៀននិងបានដករហូតគ្រឿងញៀន០៨កញ្ចាប់។
ការឃាត់ខ្លួនជនសង្ស័យខាងលើធ្វើឡើងកាលពីថ្ងៃទី១២ ខែសីហា ឆ្នាំ២០២៣នៅវេលាម៉ោង១៣នឹង៣០នាទី នៅក្នុងភូមិត្រពាំងវែង ឃុំត្រពាំងគង ស្រុកសំរោងទង ខេត្តកំពង់ស្ពឺ។
លោកវីរៈសេនីយ៍ឯក ឃុត សុផល អធិការនគរបាលស្រុកសំរោងទងថា នៅមុនពេលឃាត់ខ្លួនជនសង្ស័យគឺកំលាំងផ្នែកប្រឆាំងបទល្មើសគ្រឿងញៀនស្រុក បានធ្វើការល្បាតតាមមូលដ្ឋាន លុះដល់ចំណុចភូមិត្រពាំងវែង ឃុំត្រពាំងគង ស្រុកសំរោងទង ខេត្តកំពង់ស្ពឺ ក៏ឃាត់ខ្លួនជនសង្ស័យខាងលើបាន។
លោកអធិការបានបន្តទៀតថា មុខសញ្ញារក្សាទុកនៅសារធាតុញៀនខុសច្បាប់.
១.ឈ្មោះ កែវ គីនីន ហៅ អ៊ុយ ភេទប្រុស អាយុ២៧ឆ្នាំ នៅភូមិ ត្រពាំងវែង ឃុំ ត្រពាំងគង ស្រុក សំរោងទង
២.ឈ្មោះ ចេង រៀម ភេទប្រុស អាយុ២៣ឆ្នាំ រស់នូវភូមិ ត្រពាំងវែង ឃុំ ត្រពាំងវែង ស្រុក សំរោងទង ខេត្ត កំពង់ស្ពឺ នៅចំណុចត្រពាំងវែង ឃុំត្រពាំងគង ស្រុកសំរោងទង ខេត្តកំពង់ស្ពឺ និងដកហូតគ្រឿងញៀនបានចំនួន០៦កញ្ចប់តូច។
លោកអធិការបានបន្តទៀតថា ក្រោយមកកម្លាំងជំនាញបានសួរនាំជនសង្ស័យខាងលើបានឆ្លើយសារភាពថាគ្រឿងញៀនខ្លួនបានទិញពីឈ្មោះ ណែត ពុធ ក្រោយមកកម្លាំងជំនាញបានបន្តទៅឃាត់ខ្លួនឈ្មោះ ណែត ពុត
ភេទប្រុសអាយុ២៤ឆ្នាំ រស់នូវភូមិត្រពាំងវែង ឃុំ ត្រពាំងគងស្រុកសំរោងទង ខេត្ត កំពង់ស្ពឺ ដកហូតថ្នាំងញៀនបានចំនួន០២កញ្ចាប់និងទូរសព្ទ០១គ្រឿង។
សរុបជនសង្ស័យចំនួន០៣នាក់នឹងថ្នាំញៀនចំនួន០៨កញ្ចប់តូចនិងទូរសព្ទ០១គ្រឿង បច្ចុប្បន្នជនសង្ស័យខាងលើកម្លាំងជំនាញកំពុងធ្វើការសួរនាំនិងកសាងសំណុំរឿងចាត់ការតាមនីតិវិធីច្បាប់៕
