ខេត្តក្រចេះ÷ ជនសង្ស័យចំនួន២នាក់ ត្រូវបានកម្លាំងអធិការដ្ឋាននគរបាលស្រុកឆ្លូង ឃាត់ខ្លួនពាក់ព័ន្ធប្រើប្រាស់និងជួញដូរគ្រឿងញៀននិងដកហូតនៅវត្ថុតាងមួយចំនួន។
ការចាប់ឃាត់ខ្លួននេះធ្វើឡើងកាលពីថ្ងៃទី៧ ខែ កញ្ញា ឆ្នាំ ២០២៣នៅវេលាម៉ោង ១៣និង ០០នាទី នៅចំណុចភូមិពង្រ១ ឃុំពង្រ ស្រុកឆ្លូង ខេត្តក្រចេះ។
នគរបាលស្រុកឆ្លូងបាននិយាយឲ្យដឹងថា ដោយមានការចង្អុលណែនាំពីលោកអធិការនគរបាលស្រុកឆ្លូង កម្លាំងជំនាញគ្រឿងញៀនស្រុក សហការជាមួយកម្លាំងប៉ុស្តិ៍រដ្ឋបាលឃុំពង្រ បានចុះបង្ក្រាបមុខសញ្ញាជួញដូរ និងប្រើប្រាស់គ្រឿងញៀន នៅចំណុចភូមិពង្រ១ ឃុំពង្រ ស្រុកឆ្លូង ខេត្តក្រចេះ ម្ចាស់ផ្ទះឈ្មោះ ( ទៀត អាល់ហ្វីន) ជាលទ្ធផលឃាត់ខ្លួនបាន មុខសញ្ញាចំនួន ២នាក់ប្រុស ៖
១, ឈ្មោះ ឃិន ចំរុង ភេទប្រុស អាយុ ៣៤ឆ្នាំ មានទីលំនៅភូមិ កណ្តាល ឃុំឆ្លូង ស្រុកឆ្លូង ខេត្តក្រចេះ។
២, ឈ្មោះ ម៉ាត់ បូរី ភេទប្រុស អាយុ ៣០ឆ្នាំ ជាតិចាម មានទីលំនៅភូមិ ឈើទាលភ្លោះ ឃុំព្រែកសាម៉ាន់ ស្រុកឆ្លូង ខេត្តក្រចេះ។
នគរបាលស្រុកឆ្លូងបាននិយាយឲ្យដឹងទៀតថា វត្ថុតាងដែលដកហូតរួមមាន៖
១. ម្សៅក្រាមពណ៌សថ្លាសង្ស័យ គ្រឿងញៀនចំនួន ១កញ្ជប់ មធ្យម
២, ជញ្ជីងសម្រាប់ថ្លឹងគ្រឿងញៀនចំនួន១ និងថងសម្រាប់ច្រករំលែកគ្រឿងញៀនមួយចំនួនធំ ។
៣, ទូរស័ព្ទចំនួន២ គ្រឿងម៉ាក MI ម៉ាក NanoII
៤ . ជញ្ចើង ប៉ុង៣០ គីឡូ១ .៥. លុយរៀល ៦មុឺន. ៦ .សម្ភារៈសម្រាប់ជក់គ្រឿងញៀនមួយចំនួន។
បច្ចុប្បន្នជនសង្ស័យរួមទាំងវត្ថុតាង ត្រូវបានឃាត់ខ្លួនជាបណ្តោះអាសន្ននៅអធិការដ្ឋានស្រុកឆ្លូង ដើម្បីកសាងសំណុំរឿងតាមនិតិវិធី ៕
