ព្រះវិហារ÷ គម្រោងជួសជុលផ្លូវលំ០១ខ្សែមានប្រវែង៥៥០ម៉ែត្រ ទទឹង០៧ម៉ែត្រ (ដោយក្រុមហ៊ុន ជីវ គឹមឡុង) នឹងចំណាយថវិការអស់ជាង២០០.០១៤.០០០រៀល ប្រជាពរដ្ឋថាយកលុយរបស់រដ្ឋមកចំណាយខ្ជះខ្ជាយព្រោះការចំណាយខ្ពស់កប់ពពក់ ពួកគាត់ដាក់កាលសង្ស័យថាមានការឃុបឃិតជាប្រព័ន្ធរបៀបកន្ទេលធំបន្លំដេក មិនដឹងថាអាជ្ញាធរខេត្តបានដឹងហើយឬនៅទេ.?។
គម្រោងជួសជុលផ្លូវលំ០១ខ្សែ ប្រវែង៥៥០ម៉ែត្រនេះស្ថិតនៅភូមិឆែប១ ឃុំឆែបលិច ស្រុកឆែប ខេត្តព្រះវិហារ អនុវត្តន៍គម្រោងជួសជុលផ្លូវនឹងធ្វើកិច្ចសន្យាដោយក្រុមហ៊ុន ជីវ គឹមឡុង មូលនិធិឃុំសង្កាត់ឆ្នាំ២០២៣ ដែរចំណាយលុយរបស់រដ្ឋអស់ចំនួន២០០.០១៤.០០០រៀល ។
ជុំវិញការលើកឡើងខាងលើនេះនៅព្រឹកថ្ងៃទី៩ ខែកញ្ញា ឆ្នាំ២០២៣ លោកស្រី ចក់ វ៉ាន់នឿន មេឃុំឆែប១ បានអោយដឹងថា រឿងដេញថ្លៃគម្រោងជួសជុលផ្លូវក្រាលគ្រួសក្រ
ហម១ខ្សែនេះលោកស្រីមិនមែនជាអ្នករៀបគម្រោងទេ គឺនៅខាងរដ្ឋបាលស្រុកឆែបជាអ្នករៀបចំ ចំណែកលោកស្រីគ្រាន់តែបានឯកភាពតែប៉ុណ្ណោះ លោកស្រី ចក់ វ៉ាន់នឿន បានដេញអោយអ្នកសាព៍ត័មានយើងសួលោកអភិបាលស្រុកឆែប ។
ចំណែក លោក ឡង់ សុបិន អភិបាលស្រុកឆែប បានអោយសារព័ត៌មានយើងដឹងថា រឿងផ្លូវ១ខ្សែនេះរដ្ឋបាលស្រុកមិនទាន់ទទួលបានផ្លូវពីក្រុមហ៊ុន ជីវ គឹមឡុង នៅលើយទេ រដ្ឋបាលស្រុកនៅមានគណៈកម្មាការត្រួតពិនិត្យនឹងវាយតម្លៃលើគុណភាពផ្លូវ ថាតើតម្លៃជាង២០០លានរៀល ជិតស្មើ៥ ម៉ឺនដុល្លារ អាចទទួលយកបានដែរឬអត់ ។
ប្រជាពលរដ្ឋបានឲ្យដឹងថាក្នុងស្រុកឆែប ការជួសជុលផ្លូវ ឬធ្វើផ្លូវថ្មី មានតែក្រុមហ៊ុន ជីវ គឹមឡុង តែមួយជាអ្នកធ្វើ អត់មានក្រុមហ៊ុនណាផ្សេងដេញថ្លៃបាន ចំណុចនេះដូចជាមិនសមសោះ ។
ប្រជាពលរដ្ឋបានឲ្យដឹងទៀតថាគម្រោងធ្វើផ្លូវថ្មី១ខ្សែទៀត នៅក្នុងឃុំម្លូព្រៃ១ ស្រុកឆែប មានប្រវែង២០២៩ម៉ែត្រ មានលូចំនួន៤កន្លែង នឹងដាក់សូឡា៤កន្លែងដែរជាផ្លូវធ្វើថ្មី ចំណាយថវិការអស់តែ២១១លានរៀលជាង អនុវត្តន៍គម្រោងដោយក្រុមហ៊ុនជីវ គឹមឡុងដូចគ្នា បើយើងប្រៀបធៀបទៅនឹងគម្រោងជួសជុលផ្លូវគ្រួសក្រហមប្រវែង ៥៥០ម៉ែត្រទទឹង៧ម៉ែត្រអស់ទឹកប្រាកចំនួន២០០.០១៤.០០០រៀលគម្រោងទាំងពីខុសគ្នាឆ្ងាយណាស់ ការចំណាយខុសគ្នាដូចមេឃនឹងដី តែទោះជាយ៉ាងណាក៍ដោយរឿងជួសជុលផ្លូវមួយខ្សែមានប្រវែង៥៥០ម៉ែត្រ ទទឹង៧ម៉ែត្រ ដែរចំណាយខ្ពស់កប់ពពកនេះទុកអោយខាងបច្ចេកទេសត្រួតពិនិត្យគុណភាពវាយតម្លៃ គេត្រួតពិនិត្យចុះ ។
