ភ្នំពេញ÷នៅព្រឹកថ្ងៃទី២៦ ខែកញ្ញា ឆ្នាំ២០២៣ លោក សាំង សុភៈវិចិត្រ អភិបាលរងខណ្ឌសែនសុខ បានដឹកនាំក្រុមការងារខណ្ឌ រួមជាមួយលោកចៅសង្កាត់ ចៅសង្កាត់រង ចុះស្តារប្រលាយមេ១ខ្សែដែលមានប្រវែង៣.៩៦២ម៉ែត្រចាប់តាំងពីផ្លូវ២០១១ និងផ្លូវ៥៩៨. ឆ្លងកាត់ សង្កាត់គោគឃ្លាង សង្កាត់អូរបែកក្អម សង្កាត់ទឹកថ្លានិងសង្កាត់ភ្នំពេញថ្មី ដែលផ្តល់អត្ថប្រយោជន៍ជួយរំដោះទឹក ពីខណ្ឌពោធិ៍សែនជយ័ និងខណ្ឌទួលគោក ផងដែរ។
ត្រង់ចំនុចប្រលាយ(អូរតាគុជ)ពីគល់ផ្លូវលេខ២០០៥ និងផ្លូវលេខ១០០៣ លោកប្រឹងប្រឺងស្តារទាំងយប់ទាំងថ្ងៃ អស់រយះពេល១៥ថ្ងៃហើយ ដោយប្រើប្រាស់
គ្រឿងចក្រ (អេស្កាដៃវែង) ចំនួន៣គ្រឿង សាឡង់កាយលើទឹក ចំនួន១គ្រឿង ធ្វើការកាយស្ដារប្រឡាយ ដើម្បីអោយទឹកហូរបានលឿនបញ្ចៀសការលិចលង់ជំនន់ទឹកភ្លៀងនារដូវស្សាជូនប្រជាពលរដ្ឋ ។
..យោងតាមការសង្កេតរបស់បងៗអជ្ញាមូលដ្ឋាន លោកបានស្នើអោយបងប្អូនប្រជាពលរដ្ឋដែលរស់នៅ តាមបណ្តោយប្រលាយខាងលើ សុំមេត្តាចូលរួមថែរក្សាប្រលាយមេ១ខ្សែនេះអោយបានគ្រប់គ្នា ជាពិសេសជៀសវាងដាច់ខាតមានដូចជា:
១:បោះសំរាមចូលក្នុងប្រលាយ
២:រំលោភយកចំណីប្រលាយ
៣:ចំណែកបងប្អូនប្រជាពលរដ្ឋដែលកុំពុងសាងសង់សំណង់ផ្សេងៗ សុំមេត្តាត្រួតពិនិត្យមើល ខ្សាច់គ្រួស ស៊ីម៉ង់ វត្ថុ ដ៏ទៃទៀត ដែលអាចធ្វើអោយមានការកកស្ទះដល់ប្រពន្ធ័លូរបស់បងប្អូន។
ជាចុងក្រោយលោកអភិបាលរង សាំង សុភ:វិចិត្រ តំណាងអោយមូលដ្ឋានខណ្ឌសែនសុខ ទាំងមូល ក៏បានថ្លែងអំណរគុណដល់បងប្អូនប្រជាពលរដ្ឋទាំងអស់ដែលរស់នៅក្នុងមូលដ្ឋានខណ្ឌសែនសុខ បានចូលរួមអនុវត្តន៍គាំទ្រដល់ការស្តារប្រលាយមេ១ខ្សែបានយ៉ាងរលូន និងឆាប់រហស័ទាន់ពេលវេលា។
