(ចេញផ្សាយនៅថ្ងៃទី៣០ ខែកញ្ញា ឆ្នាំ២០២៣.ព័ត៌មានបឋម) ខេត្តមណ្ឌលគិរី÷ ពលរដ្ឋមកពីភូមិ ពូឡេះ ឃុំដាក់ដាំ ស្រុកអូរាំង ខេត្តមណ្ឌលគិរី យ៉ាងហោចណាស់ជាង២០០គ្រួសារ កាលពីថ្ងៃទី ២៦កញ្ញា ម្សិលមិញ បានលើកគ្នាធ្វើការតវ៉ានៅសាលាឃុំ ប្រឆាំងទៅនឹងការចុះលេខបញ្ជីក្បាលដី រំលោភយកដីរបស់ពួកគាត់ ទៅឱ្យអ្នកមានទ្រព្យធនម្នាក់ ដែលរស់នៅទីក្រុងភ្នំពេញ ។
ក្រុមអ្នកភូមិបានចោទស្ថាប័នមន្ទីរសុរិយោដីខេត្តនេះថា បានឃុបឃិតគ្នាហើយលួចចុះនិយមកា លើដីដែលពួកគាត់កំពុងកាន់កាប់អាស្រ័យផលទៅឲ្យឧកញ៉ា ធាង ទ្រី ដែលវាគឺជារឿងដ៏អយុត្តិធម៌បំផុតមិនអាចទទួលយកបាន ។
ពួកគាត់បានទាមទារឲ្យមានការចុះលេខបញ្ជីក្បាលដីឡើងវិញដោយមានតម្លាភាពត្រឹមត្រូវ ដើម្បីឲ្យប្រាកដថា អ្នកណាជាម្ចាស់ដីពិតប្រាកដ ជាផ្នែកនៃការឈានទៅបញ្ចប់ភាពប្រទាំងប្រទើសរវាងម្ចាស់ដីនៅលើដី និងម្ចាស់ដីនៅលើប្លង់ នៅលើបញ្ជី ។ ដែលការនេះកន្លងមកក៍ដូចជាបច្ចុប្បន្ន បានរុញច្រានខេត្តមណ្ឌលគិរី ឲ្យធ្លាក់ក្នុងភ្លើង នៃទំនាស់ដីធ្លី ។
ប្រភពពី ANN hot news
