នារសៀលថ្ងៃ ទី០៦ ខែតុលា ឆ្នាំ ២០២៣ ក្រសួងព័ត៌មានបានបើកកិច្ចប្រជុំ ថ្នាក់ដឹកនាំ ដើម្បីត្រួតពិនិត្យ វឌ្ឍនភាពការងារ និង ទិសដៅការងារបន្ត របស់ក្រសួងព័ត៌មាន ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ។
ឯកឧត្តម បានគូសរំលេចថា «ការធ្វើទំនើបកម្មស្ថាប័ន៤៤ថ្ងៃ កន្លងទៅនេះ យើងបានធ្វើឱ្យមានការបែងចែកតួនាទីយ៉ាងច្បាស់លាស់ពី ថ្នាក់រដ្ឋមន្ត្រី រដ្ឋលេខាធិការ អនុរដ្ឋលេខាធិការ ថ្នាក់ដឹកនាំអគ្គនាយក និងអគ្គនាយករងនីមួយៗ បានបែងចែកបន្ត អ៊ីចឹងម្នាក់ៗស្គាល់ពីតួនាទីរបស់ខ្លួន ដឹងថាខ្លួនត្រួវធ្វើអ្វី ទិសដៅរបស់យើងត្រូវធ្វើ ហើយនឹងអ្វីដែលយើងត្រូវធ្វើទៅមុខ និងការសហការគ្នា»។
ឯកឧត្តម រដ្ឋមន្ត្រីក្រសួងព័ត៌មាន បានមានប្រសាសន៍ថា ទំនើបកម្មស្ថាប័ន ៤៤ ថ្ងៃទៅនេះ ក្រសួងក៏បានដោះស្រាយលើក្របខ័ណ្ឌជាច្រើនដូចជា រៀបចំកន្លែងអង្គុយនិងសម្ភាររបស់មន្ត្រី ទោះបីមានការខ្វះខាតនៅឡើយ ប៉ុន្តែស្ថានភាពមានលក្ខណៈប្រសើរបន្តិច ធ្វើឱ្យមន្ត្រីមានអារម្មណ៍ថា កន្លែងធ្វើការមានសុវត្ថិភាព ពេលចូលមកក្នុងក្រសួង មន្ត្រីមានអារម្មណ៍ថា ស្ថាប័នរដ្ឋដែលខ្លួនចូលធ្វើការមានមោទនភាពក្នុងជានាមមន្ត្រីរាជការ ហើយក្រសួងបានកែសម្រួលអគារ ដាក់ទង់ជាតិ និងមានកិច្ចការមួយចំនួនទៀតដែលកំពុងកែលម្អបន្ថែម ៕
