ខេត្តពោធិ៍សាត់៖ តាមប្រភពរាយការណ៍ពីរបងប្អូនប្រជាពលរដ្ឋដែលរស់នៅក្នុងស្រុកក្រគរ ខេត្តពោធិ៍សាត់ បានឲ្យអ្នកសារព័ត៌មានយើងដឹងថា រាប់ឆ្នាំមកហើយ ជំងឺមហារីកបំផ្លាញធនធានធម្មជាតិនៅតែរ៉ាំរ៉ៃមិនព្រមជាសះស្បើយសោះ នៅតែបន្តព្យាបាលចិញ្ចឹមជំងឺមហារីកនេះរហូតជារៀងរាល់ឆ្នាំ ប្រជាពលរដ្ឋពួកគាត់ពិតជាមិនយល់ ហេតុអីឱ្យទូកកាណូតនេសាទកាវលៀសសុទ្ធតែខ្នាតយក្ស បានធ្វើឲ្យប៉ះពាល់ធនធានមច្ឆាជាតិដែលពងកូនបន្តរពូជនៅនឹងបាតដីក្នុងបឹងទន្លេសាប និងធ្វើឲ្យប៉ះពាល់ដល់ជីវៈចម្រុះ នៅក្នុងរដូវបិទនិងរដូវបើកនេសាទ ស្ថិតនៅភូមិកំពង់ហ្លួង ឃុំកំពង់ហ្លួង ស្រុកក្រគរ នៃខេត្តពោធិ៍សាត់ គ្មានគ្រូពេទ្យណាព្យាបាលជាទេ។
ជាក់ស្តែងនៅថ្ងៃទី២៤.២៥.២៦. ខែតុលា ឆ្នាំ២០២៣ ក្រុមអ្នកសារព័ត៌មានយើងបានចុះដល់ទីតាំងឃើញថាមានរថយន្តធំៗចំនួន០៤គ្រឿង កំពុងតែធ្វើការដឹកជញ្ជូនលៀសដូចអ្វីដែលប្រជាពលរដ្ឋបានរាយការណ៍ប្រាប់ពិតមែននឹងបានចុះទៅផ្តិតយករូបភាព ដើម្បីធ្វើការផ្សព្វផ្សាយជូនថ្នាក់លើអោយលោកបានជ្រាបផងដែរ។
បើយោងតាមប្រភពពីប្រជាពលរដ្ឋបានឲ្យដឹងថាមានមេឈ្មួញពីរនាក់ ១ ឈ្មោះតាម៉ុង នឹង២ ឈ្មោះ ចែវន្នី ជាអ្នកគៀងគរក្រុមពលរដ្ឋឲ្យប្រព្រឹត្តបទល្មើសនេសាទខុសច្បាប់ កាវលៀស ដោយប្រើប្រាស់ម៉ាស៊ីនកាណូតធំៗ បានធ្វើឲ្យប៉ះពាល់ធនធានមច្ឆាជាតិដែលពងកូនបន្តរពូជនៅនឹងបាតដីក្នុងបឹងទន្លេសាប ដោយឈ្មួញពីនាក់នេះជាអ្នកចាំប្រមូលទិញនឹងលើកចេញពីទឹកទុកលក់បន្ត។
ប្រភពបានបន្តទៀតថា ក្រោយពីមេឈ្មួញទាំងពីរនាក់បានប្រមូលទិញរួចរាល់ហើយ នឹងមានមេឈ្មួញធំៗពីរនាក់ទៀត ១ ឈ្មោះ តាបៀង នឹង ២ ឈ្នោះ ឌី ដែលមានតួនាទីជានាយទាហាន ប្រភពប្រាប់ថាមកពីខេត្តតាកែវ បានមកទិញបន្តលើកដាក់រថយន្តយីឌុប និងរថយន្តវេរអង្គ ដឹកបន្តឆ្លងដែនទៅលក់នៅប្រទេសវៀតណាម ដោយមិនមានការរំខានពីសំណាក់អាជ្ញាធរ មន្ត្រីជំនាញពាក់ព័ន្ធ ពិសេសជំនាញរដ្ឋបាលជលផលសោះឡើយ។
បើតាមការរៀបរាប់ពី ពីប្រជានេសាទបានប្រាប់អោយក្រុមអ្នកសារព័ត៌មានយើងដឹងថា ជារៀងរាល់ថ្ងៃ មេឈ្មួញ ឈ្មោះតាម៉ុង នឹង ឈ្មោះ ចែវន្នី បានគៀងគរឱ្យប្រជាពលរដ្ឋប្រព្រឹត្តបទល្មើសនេសាទខុសច្បាប់ កាវលៀស ដោយប្រើប្រាស់ម៉ាស៊ីនកាណូតធំៗ រាប់សិបទូកអោយយកមកលក់អោយខ្លួន ក្នុងមួយការ៉ុង៥០០០រៀល ដោយក្នុងមួយថ្ងៃៗ រាប់រយការ៉ុង បើគិតជាតោនរាប់សិបតោនឯណ្ណោះ ពូកគាត់ថាថៅកែលៀសជើងខ្លាំងពីរូបនេះ មិនមែនទើបតែធ្វើសកម្មភាពនេះទេ គឺធ្វើរាប់ឆ្នាំមកហើយ ។
ជុំវិញការលើកឡើងខាងលើនេះឈ្នោះ ឌី បានឱ្យដឹងតាមទូរសព្ទថា លោកមិនមានរថយន្តវេអង្គនោះទេ មានតែរថយន្តយីឌុបកង់១០ កន្លងមកកាលពីរដូវប្រាំងលោកធ្លាប់ស៊ីឈ្នួលដឹកពិតមែន តែលោកដឹកនៅក្នុងខេត្តកំពង់ឆ្នាំង មិនដែលដឹកនៅក្នុងខេត្តពោធិ៍សាត់នោះទេ តែឥឡូវលោកឈប់ដឹកហើយ ខ្ញុំឃើញគេបង្ហោះដែលតែនោះជារូបភាពចាស់។
ដោយឡែកមេឈ្មួញទាំង ៣នាក់ទៀត អង្គភាពយើងមិនអាចសុំការបកស្រាយបានទេដោយពុំមានលេខទូរសព្ទ។
ប្រជាពលរដ្ឋថាមានតែសំណូមពរទៅដល់ថ្នាក់ដឹកនាំជាតិទេ ជាពិសេសឯកឧត្តម ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ និងឯកឧត្តមអភិបាល នៃគណៈអភិបាលខេត្តពោធិ៍សាត់ ដែលអាចព្យាបាលជំងឺរ៉ាំរ៉ៃនេះបាន សូមឯកឧត្តមមេត្តាបង្កើតអធិការកិច្ចមេត្តាស៊ើបអង្កេតក្នុងករណីជំងឺរ៉ាំរ៉ៃ ដែលព្យាបាលពុំដែលជានៅក្នុងទឹកដីស្រុកក្រគរនេះផងទាន ពីព្រោះលោកប្រធានមន្ទីរកសិកម្មរុក្ខាប្រមាញ់និងនេសាទខេត្តពោធិ៍សាត់ លោកនាយខណ្ឌរដ្ឋបាលជលផល លោកនាយសង្កាត់រដ្ឋបាលជលផល មិនដែលមានមុខបង្ក្រាបមេឈ្មួញប្រមូលទិញលៀសដែលតែងតែផ្ដល់មធ្យោបាយគ្រប់បែបយ៉ាងដើម្បីឲ្យធ្វើសកម្មភាពកាវ លៀស ដោយខ្លួនចាំប្រមូលទិញនេះផងទាន.។
អង្គភាពសារព័ត៌មានយើងបានធ្វើការផ្សព្វផ្សាយខាងលើនេះគ្រាន់តែក្រើនរលឹកដល់មន្ត្រីជល់ផលប្រចាំគោលដៅក៌ដូចជាសេចក្តីរាយការណ៌មួយដើម្បីឱ្យថ្នាក់ដឹកនាំក្នុងខេត្តពោសាត់ លោកបានដឹងនិងជ្រាបជាព័ត៌មានជាពិសេសនោះ លោកនាយខ័ណ្ឌរដ្ឋបាលជលផលនិងមន្ទីរកសិកម្ម រុក្ខាប្រមាញ់ និងនេសាទខេត្តពោសាត់និងឯកឧត្តម ឌិត ទីណា រដ្ឋមន្ត្រីក្រសួងកសិកម្មនិងនេសាទលោកបានជ្រាបជាព័ត៌មានផងដែរ។
អង្គភាពសារព័ត៌មានយើងចុះផ្សាយខាងលើនេះគ្មានគោលបំណងអ្វីក្រៅពីការចូលរួមការពារសម្បត្តិធនធានធម្មជាតិនិងមច្ឆាជាតិជាមួយរដ្ឋាភិបាល និងជាតម្រុយឲ្យសមត្ថកិច្ចជំនាញពាក់ព័ន្ធខាងលើចុះទៅទប់ស្កាត់ទាន់ពេលវេលាផងដែរ។
អង្គភាពសារព័ត៌មានយើងរងចាំធ្វើការបកស្រាយ បំភ្លឺពីសារមុីខ្លួនពាក់ព័ន្ធគ្រប់ពេលវេលា នៅរៀងរាល់ម៉ោងធ្វើការជុំវិញបញ្ហាចុះផ្សាយខាងលើនេះ អោយមានសុក្រឹត្យ-និងយុត្តិធម៌តែប៉ុណ្ណោះ ៕
