(ខេត្តរតន:គីរី)÷កាលពីថ្ងៃទី ០៦ខែឧសភាឆ្នាំ២០២៤ នៅវេលាម៉ោង ៩:៣០នាទីលោកឧត្តមសេនីយ៍ទោ សោ សាវឿន មេបញ្ជាការកងរាជអាវុធហត្ថខេត្ថរតនគីរី ក្រោមការចង្អុលបង្ហាញ ពី នាយឧត្តមសេនីយ៍ សៅ សុខា អគ្គបញ្ជាការកងរាជអាវុធហត្ថលើផ្ទៃប្រទេស បានបញ្ជាដោយផ្ទាល់និង ក្រោមការសម្របសម្រួលនិតិវិធីលោក កែវ ភក្តីព្រះរាជអាជ្ញារងនៃអយ្យការអមសាលាដំបូងខេត្តរតនគីរី និងមានការចូលរួមពីកម្លាំងមូលដ្ឋានកងរាជអាវុធហត្ថស្រុកអូអូរយ៉ាដាវ ចំនួន០៤នាក់ដឹកនាំដោយលោកវីរៈសេនីយ៍ទោ សុខ មីន មេបញ្ជាការ បានសហការជាមួយកម្លាំងជំនាញបរិស្ថានចំនួន០៤នាក់ ដឺកនាំដោយលោក ហ្លីនត្វាន អភិបាលរងស្រុកអូរយ៉ាដាវ បានចុះស្រាវជ្រាវត្រួតពិនិត្យរុករកបទល្មើសព្រៃឈើ ឃើញមានឈើជ្រុងបានផែរួច មានចំនួន៤៦ដុំ ដែលមានប្រវែងប្រហែលចាប់ពី ០៣ម៉ែត្រទៅ០៥ម៉ែត្រមិនទាន់វាស់វែង ដែលជនមិនស្គាល់មុខ បានដឹកមកទម្លាក់ចោលក្នុងព្រៃក្បែរចំការស្ថិតនៅ ភូមិតាកុកភ្នង ឃុំបរខាំ ស្រុកអូរយ៉ាដាវ ខេត្តរតនគិរី ដែលជាប្រភេទឈើ ឈ្លីច និងឈើផ្ចឹកមានមុខកាត់ពី៣០ទៅ៤០cm។
យោងតាមប្រភពព័ត៍មានពីបងប្អូនប្រជាពលរដ្ឋ ឈ្មោះលោកទីម្ចាស់ផ្ទះដាក់ឈេី បានបង្ហើបប្រាប់ដល់អ្នកសារព័ត៌មានយើងថា÷ មេឈ្មួញដុះស្លែនោះមានឈ្មោះ លោក មករា ដែលគេដឹងថា ជាអ្នករត់ការឈើយ៉ាងសកម្មប្រចាំខេត្តរតនះគីរីតែម្តង និងមានបងប្អូនអ្នកសារព័ត៍មានពីរនាក់ទៀតនៅពីខាងក្រោយផងដែរ ?ដោយបានអះអាងថាមិនបាច់ព្រួយបារម្មរណ៍អ្វីទាំងអស់ពីព្រោះពួកគេបានរត់ការដល់ថ្នាក់លើអស់ទៅហើយ គ្រប់ជំនាញពាក់ព័ន្ធ ទើបធ្វើការបានយ៉ាងរលូនមកដល់សព្វថ្ងៃនេះ។
ប៉ុន្តែការអះអាងនោះនិងអំនួតនោះត្រូវបានបែកអាង ដល់សមត្ថកិច្ចចុះបង្រ្កាបដោយផ្ទាល់ពីថ្នាក់ដឹកនាំ និងការដាក់បទបញ្ជារ ដាច់ខាត និងធ្វើការបង្រ្កាបអោយទាល់តែបាន ។ 
មហាជនកំពុងតែរង់ចាំមើលថាតើមន្រ្តីជំនាញមានវិធានការយ៉ាងណាចំពោះក្រុមឈ្មួញបំផ្លិចបំផ្លាញអនុផលព្រៃឈើគ្រាក់ៗយ៉ាងណាបន្តទៀត។ បន្ទាប់ពីកងកម្លាំងសមត្ថកិច្ចបានធ្វើការឆែកឆេររួចមកគេឃើញមានមន្ត្រីជំនាញបរិស្ថានកំពុងដឹកជញ្ជូនវត្ថុតាងទៅរក្សាទុកនៅទីស្នាក់ការឧទ្យានជាតិអូរយ៉ាដាវ ដើម្បីបន្តនិតិវិធីតាមផ្លូវច្បាប់។
មហាជនជាច្រើនក៏ដូចជាអ្នកសារព័ត៌មានកំពុងរង់ចាំមើលថា÷ តើការបង្រ្កាបរបស់មន្រ្តីជំនាញបន្តដូចភ្លៀងរលឹមឬក៏យ៉ាងណា? ឬុមួយបានត្រឹមតែមួយចំអិនកំពឹស? ៕
អង្គភាពសារព័ត៌មានយើងខ្ញុំផ្សព្វផ្សាយគ្រាន់តែជាកញ្ចក់ឆ្លុះបញ្ចាំង រិះគន់ក្នុងន័យស្ថាបនា ចូលរួមចំណែកជាមួយរាជរដ្ឋាភិបាលតែប៉ុណ្ណោះ ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំការបកស្រាយបំភ្លឺ ពីសំណាក់ភាគីពាក់ពន្ធ័ទាំងអស់ រៀងរាល់ម៉ោងធ្វើការ តាមរបបច្បាប់អ្នកសារព័ត៌មាននៅកម្ពុជា៕
