ប្រជាពលរដ្ឋចំនួន០២ភូមិ ក្នុងឃុំខ្ទុំ ក្រាំង ស្រុកសំរោងទង ខេត្តកំពង់ស្ពឺ អញ្ជើញសង្កេតមើលការបិទផ្សាយឯកសារជាសាធារណៈការវិនិច្ឆ័យជូនម្ចាស់ដីដែលបានចុះបញ្ជីមានលក្ខណះជាប្រព័ន្ធ

(កំពង់ស្ពឺ)៖ នាព្រឹកថ្ងៃទី ៩ ខែតុលា ឆ្នាំ២០២៤ ក្រោមអធិបតីភាពលោក កង ប៊ុនណាត អភិបាលរងស្រុកសំរោងទង ក្នុងកិច្ចប្រជុំផ្សព្វផ្សាយស្តីពីការបិទផ្សាយទិន្នន័យជាសាធារណៈនូវឯកសារនៃការវិនិច្ឆ័យសម្រាប់ការចុះបញ្ជីដីធ្លីមានលក្ខណៈជាប្រព័ន្ធ ស្ថិតនៅភូមិថ្លុករាំង មានចំនួន ០២ភូមិគឺ ភូមិព្រៃនរា និងភូមិថ្លុករាំង ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ ពិធីនេះមានការអញ្ជើញចូលរួមពីសំណាក់លោក គឹម ឈុនលី  អនុប្រធានមន្ទីររៀបចំដែនដីនគររូបនីយកម្ម សំណង់និងសុរិយោដីខេត្ត លោកប្រធាននិងអនុប្រធានមន្ទីរជជុំវិញខេត្ត លោក សូ សុភិន ប្រធានការិយាល័យរៀបចំដែនដីនិងភូមិបាល ស្រុកសំរោងទងនិងក្រុមការងារវាស់វែងដីធ្លី ការិយាល័យជុំវិញស្រុក កងកម្លាំងទាំងបីថ្នាក់ដឹកនាំឃុំនិងសហការី  ក្រុមប្រឹក្សាឃុំ មេភូមិ អនុភូមិ សមាជិក     គណៈកម្មការរដ្ឋបាល ប្រជាពលរដ្ឋនិងព្រឹទ្ធាចារ្យសរុបប្រមាណជិត២០០នាក់ ។
លោក សូ សុភិន ប្រធានការិយាល័យរៀបចំដែនដីនិងភូមិបាលស្រុក បានមានប្រសាសន៍ជម្រាបជូនអង្គប្រជុំថា  ការចុះបញ្ជីដីធ្លីមានលក្ខណៈជាប្រព័ន្ធអនុវត្តតាមនីតិវិធីដែលបានកំណត់ ដោយច្បាប់ និងបច្ចេកវិទ្យាទំនើបមានតម្លាភាព និងការទទួលខុសត្រូវ ដែលប្រទេសជឿនលឿនលើពិភពលោកកំពុងអនុវត្តនិងមានប្រសិទ្ធិភាពលើការគ្រប់គ្រងដីធ្លី ។
ក្នុងឱកាសដ៍ថ្លៃថ្លានេះ លោក កង ប៊ុនណាត អភិបាលរងនៃគណ:អភិបាលស្រុកសាមគ្គីមុនីជ័យ បានវាយតម្លៃខ្ពស់ដល់ក្រុមការងារដែលបានបំពេញការងារសហការជាមួយប្រជាពលរដ្ឋទទួលបានលទ្ធផលគួអោយជាទីមោទន: នេះជាការសមស្របបំផុតដែលបានកំណត់នៅក្នុងគោលនយោបាយដីធ្លីរបស់រាជរដ្ឋាភិបាល ដើម្បីលើកស្ទួយដល់ការអភិវឌ្ឍន៍របស់ប្រទេសជាតិ ជាប្រយោជន៍ប្រជាពលរដ្ឋជាម្ចាស់ដីផង គឺ រដ្ឋគ្រប់គ្រងដីធ្លីបានទាំងដីរដ្ឋ និងដីឯកជន ដែលធ្វើឱ្យរដ្ឋមានការងាយស្រួលក្នុងការរៀបចំដែនដីរដ្ឋបាលដីធ្លី ការបែងចែកដី និងកាត់បន្ថយទំនាស់ដីធ្លី ធានាសុវត្ថិភាពនៃការកាន់កាប់ដីធ្លីជូនប្រជាពលរដ្ឋ និងបម្រើដល់ការវិនិយោគទទួលបាននូវសិទ្ធិស្របច្បាប់ ក្លាយជាម្ចាស់ដីពិតប្រាកដ ដែលត្រូវបានការពារដោយច្បាប់ និងធានាដោយរដ្ឋ ដែលអាចធ្វើការបង្ករបង្កើនផល ឬប្រកបមុខរបរផ្សេងៗទៀតលើដីធ្លីរបស់ខ្លួនដោយគ្មានការព្រួយបារម្ភ អាចប្រើប្រាស់ប័ណ្ណកម្មសិទ្ធិ ដើម្បីផលប្រយោជន៍ផ្សេងៗក្នុងការប្រកបមុខរបរ និងអាជីវកម្ម។
លោក កង ប៊ុនណាត សុំឱ្យបងប្អូនដែលជាម្ចាស់ក្បាលដីមកពិនិត្យផ្ទៀងផ្ទាត់ក្បាលដីរបស់ខ្លួនរយៈពេល ១៥ថ្ងៃ គឺគិតចាប់ពីថ្ងៃទី០ ៩ ខែតុលា រហូតដល់ថ្ងៃទី២៣ ខែតុលា ឆ្នាំ ២០២៤ ដើម្បីធានាបាននូវភាពសុក្រឹត្យត្រឹមត្រូវទាំងលក្ខណៈបច្ចេកទេស និងលក្ខណៈច្បាប់ ក្នុងកំឡុងពេលនៃការបិទផ្សាយនេះ ម្ចាស់ដី អ្នកកាន់កាប់ដី និងអ្នកពាក់ព័ន្ធអាចធ្វើការកែតំរូវ រឺដាក់ពាក្យបណ្តឹងជំទាស់តវ៉ាបាន ប្រសិនបើពិនិត្យទៅឃើញថាមានកំហុសឆ្គងដោយត្រូវដាក់ពាក្យស្នើសុំ ឬជំទាស់ចូលមកគណៈកម្មការរដ្ឋបាល មន្ត្រីដែលប្រចាំការនៅកន្លែងបិទផ្សាយ តាមរយ:អាជ្ញាធរភូមិ ឃុំ  ហើយត្រូវបានធ្វើការសម្របសម្រួលតាមការព្រម ព្រៀងដោយគណៈកម្មការរដ្ឋបាលរៀង រាល់ម៉ោងធ្វើការ។