ព្រះវិហារ÷ លោក ស្រេង វុទ្ឋា ព្រះរាជអាជ្ញារងអមសាលាដំបូងខេត្តព្រះវិហារ បានដឹកនាំកម្លាំជំនាញនៃមន្ទីររ៉ែនឹងថាមពលខេត្តព្រះ វិហារ សហការជាមួយកម្លាំងកងរាជអាវុធហត្ថខេត្ត ចុះបង្ក្រាបការជីករុករករ៉ែមាសអនាធឹបតេយ្យចំនួន១កន្លែង កំទិចសម្ភារះចោលទាំងស្រុង ប្រតិបត្តិការនេះបានធ្វើឡើងកាលពីថ្ងៃ២១ ខែតុលា ឆ្នាំ២០២៤ នៅចំណុចភូមិរំដេង ឃុំរមទម ស្រុករវៀង ខេត្តព្រះវិហារ ។
គួរំលឹកផងដែរថា ទីតាំងជីករុករករ៉ែមាសខាងលើជាទីតាំងដែលរាជរដ្ឋាភិបាលបានផ្តល់សិទ្ឋអោយក្រុមហ៊ុន(ដែលខមកម្ពុជា)ធ្វើការស្រាវជ្រាវរុករករ៉ែមាស អាជ្ញាធរនឹងមន្ទីរជំនាញបានហាមមិនអោយប្រជាពលរដ្ឋជីករុករករ៉ែមាសដោយគ្មានបច្ចេកទេសត្រឹមត្រូវឡើយ ពីព្រោះប៉ុន្មានឆ្នាំកន្លងមក បានធ្វើអោយកម្មករជីករ៉ែមាសគ្រោះថ្នាក់ស្លាប់ជាបន្តបន្ទាប់ ដោយសារការជីករុករករ៉ែមានគ្មានបច្ចេកទេសត្រឹមត្រូវ ។
លោក ស៊ុន ចន្ទ័រក្សា ប្រធានមន្ទីររ៉ែនិងថាមពលខេត្តព្រះវិហារ នឹងលោក ហោ ប៊ុនហួរ អភិបាលស្រុករវៀង បានចុះអប់រំណែនាំដល់ប្រជាពលរដ្ឋនៅក្នុងតំបន់ខាងលើជាច្រើនដង ដើម្បីការពារអាយុជីវិតកម្មករ គ្រឿងចក្រកាយលុបរណ្តៅចោលទីតាំងមួយនោះមិនត្រូវបានស្គាល់អត្តសញ្ញាណទេ ធ្វើនៅក្នុងដីឡូត៍ផ្ទះចែឆយ ត្រូវកម្លាំងសមត្ថកិច្ចកំទិចចោលទាំងស្រុង ។
លោក ស៊ុន ចន្ទ័រក្សា ប្រធានមន្ទីរ៉ែនឹងថាមពលខេត្តព្រះវិហារ បានអំពាវនាវដល់បងប្អូនប្រជាពលរដ្ឋនៅក្នុងភូមិរំដេងទាំងអស់ ពិសេសកម្មករដែលចំណាកស្រុកមកធ្វើជាកម្មករជីរុករករ៉ែមាស សូមកុំជឿឧបាយកលទុច្ចរឹតរបស់ថៅកែៗជីកមាសដោយខុសច្បាប់នឹងគ្មានបច្ចេកទេសត្រឹមត្រូវ នាំអោយ
គ្រោះថ្នាក់ដល់អាយុជិវិត្តរបស់បងប្អូនយើង៕
