ខេត្តកំពង់ស្ពឺ៖ ជនសង្ស័យពីរនាក់ត្រូវបានកម្លាំងនគរបាលស្រុកសំរោងទងឃាត់ខ្លួនតាម ដីការរបស់តុលាការខេត្តកំពង់ស្ពឺ។
លោកវរសេនីយ៍ឯក ឃុត សុផល អធិការនគរបាលស្រុកសំរោងទងបានឱ្យដឹងថាកាលពីថ្ងៃទី៣១ ខែតុលា ឆ្នាំ២០២៤ វេលាម៉ោង៩ និង ១០នាទីកម្លាំងផ្នែកប្រឆាំងគ្រឿងញៀនស្រុក បានទទួលមុខសញ្ញាមានដីការបង្គាប់ឲ្យចាប់ខ្លួន និងឃុំខ្លួន១នាក់៖ ពីកម្លាំងផ្នែកប្រឆាំងគ្រឿងញៀនស្រុក អង្គស្នួល នៅចំណុចភូមិ ទម្លាប់ខ្ពស់ត្បូង ឃុំ ដំណាក់អំពិល ស្រុក អង្គស្នួល ខេត្ត កណ្ដាល។
•ឈ្មោះ ឌី វិសាល ហៅ យ៉ាក ភេទ ប្រុស អាយុ ២៤ ឆ្នាំ នៅភូមិត្រពាំងរកា ឃុំ ត្រពាំងគង ស្រុកសំរោងទង ខេត្តកំពង់ស្ពឺ។ តាមដីកាបង្គាប់ឲ្យនាំខ្លួន លេខ ១៤៦៣១ ចុះថ្ងៃទី១២ ខែកញ្ញា ឆ្នាំ ២០២៣ ចេញដោយលោក ងួន វុទ្ធី ចៅក្រមស៊ើបសួរសាលាដំបូងខេត្តកំពង់ស្ពឺ ចោទពីបទ ជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចភូមិត្រពាំងរកា ឃុំ ត្រពាំងគង ស្រុកសំរោងទង ខេត្តកំពង់ស្ពឺ កាលពីថ្ងៃទី ០៥ ខែ សីហា ឆ្នាំ ២០២៣។
លោកអធិការនគរបាលស្រុកបានបន្តថាតាមដីកាបង្គាប់ឲ្យចាប់ខ្លួន និងឃុំខ្លួន លេខ ២១៧ ចុះថ្ងៃទី ១៩ ខែមេសា ឆ្នាំ២០២៤ ចេញដោយលោក អី ឋាវរៈ ចៅក្រមជំនុំជម្រះសាលាដំបូងខេត្តកំពង់ស្ពឺ ចោទពីបទ ជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចភូមិត្រពាំងរកា ឃុំ ត្រពាំងគង ស្រុកសំរោងទង ខេត្តកំពង់ស្ពឺ កាលពីថ្ងៃទី ០៥ ខែ សីហា ឆ្នាំ ២០២៣។
សរុប២ដីការដោយចុះអនុវត្តន៍ឃាត់ខ្លួនបានក្រុមជនសង្ស័យបន្តបន្ទាប់គ្នា បញ្ជូនចាត់ការបន្តតាមផ្លូវច្បាប់៕
