ខេត្តតាកែវ÷ សេចក្តីរាយការណ៍ពីរពលរដ្ឋរស់នៅក្នុងភូមិក្រាំងធ្នង់ ឃុំក្រាំងធ្នង់ ស្រុកបាទី ខេត្តតាកែវ បានឲ្យសារព័ត៌មានយើងដឹងថា នៅក្នុងភូមិរបស់គាត់មានទីតាំងល្បែងអនឡាញ មាន់ជល់ តាមកញ្ចក់ទូរទស្សន៍ នៅក្នុងផ្ទះដែលមានម្ចាស់ឈ្មោះ ពូរ ភាព កំពង់បើកទទួលក្រុមអ្នកញៀនល្បែងឲ្យចូលមកលេងយ៉ាងគគ្រឹកគគ្រេង ខណៈលោក ឆាយ កែវមុន្នី អធិការនគរបាលស្រុកបាទី មិនហ៊ានចុះបង្ក្រាប សង្ស័យព្រោះខ្លាចបាត់ប្រយោជន៍។
សូមរំលឹកថា:កាលពីកន្លងទៅថ្មីៗនេះសម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានមានប្រសាសន៍និងដាក់បទបញ្ជាទៅដល់អាជ្ញាធរមូលដ្ឋានគ្រប់បណ្ដា.រាជធានី.ខេត្ត.ត្រូវបិទទីតាំងល្បែងស៊ីសងឲ្យអស់ ព្រោះល្បែងមិនបានផ្ដល់ផលប្រយោជន៍ជូនប្រជាពលរដ្ឋនោះទេ ផ្ទុយទៅវិញល្បែងនាំឱ្យប្រជាពលរដ្ឋជួបបញ្ហាបែកបាក់គ្រួសារឬអំពើហិង្សានៅក្នុងគ្រួសារទៅវិញ។
ដោយឡែកតែទីតាំងបនល្បែងសុីសង មាន់ជល់ តាមកញ្ចក់ទូរទស្សន៍ អនឡាញ ខុសច្បាប់ក្នុងភូមិសាស្រ្តខាងលើ នៅតែដំណើរការបើកលេងជារៀងរាល់ថ្ងៃ អាជ្ញាធរនិងសមត្ថកិច្ចពាក់ព័ន្ឋក្នុងមូលដ្ឋាន មិនធ្វើការបង្ក្រាប! សង្ស័យត្រូវថ្នាំសណ្តំអ្វីមួយ បានស្រវាំងភ្នែកមើលមិនឃើញ ទើបនាំគ្នាដើរបញ្ច្រាសទិស ផ្ទុយពីគោលនយោបាយ ភូមិ/ឃុំ/សង្កាត់ មានសុវត្ថិភាព ប្រជាពលរដ្ឋថា ទីណាមានល្បែងស៊ីសង ទីនោះនឹងមានបទល្មើសនានា កើតឡើង ដូចជាចោរលួច ចោរឆក់ ចោរប្លន់ និង អំពើហិង្សាក្នុងគ្រួសារជាដើម។ល។ ឬមួយប្រសាសន៍ណែនាំរបស់សម្ដេចបវរអធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា គ្រាន់តែជាខ្យល់ហើរប៉ាកត្រចៀករបស់អស់លោកឬមួយយ៉ាងណា.? ។
ទាក់ទិនទៅនឹងបញ្ហាល្បែងស៊ីសងខាងលើនេះពលរដ្ឋស្នើសុំដល់លោក វុី សំណាង អភិបាលនៃគណៈអភិបាលខេត្តតាកែវ និងឧត្ដមសេនីយ៍ទោ ម៉ែន លី ស្នងការនគរបាលខេត្តតាកែវ សូមចាត់មន្ត្រីជំនាញក្រោមឲ្យវ៉ាតឱ្យចុះបង្ក្រាបទីតាំងល្បែងស៊ីសងខុសច្បាប់ខាងលើនេះផងទាន។
ជុំវិញការចុះផ្សាយខាងលើនេះ អង្គភាពសារព័ត៌មានយើងខ្ញុំរង់ចាំទទួលការស្រាយបំភ្លឺ គ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមច្បាប់ស្ដីពីរបបសារព័ត៌មាននៃកម្ពុជា..សូមអរគុណ៕
