ខេត្តកំពង់ស្ពឺ៖ នៅយប់ថ្ងៃទី០១ ខែធ្នូ ឆ្នាំ២០២៤ នេះមានករណីគ្រោះថ្នាក់ចរាចរណ៍មួយរវាងរថយន្តធន់ធំមួយគ្រឿង បានបើកគាជាមួយម៉ូតូ បណ្ដាញឲ្យអ្នកបើកម៉ូតូរងគ្រោះថ្នាក់របូសធ្ងន់ ហេតុការណ៍នេះបានកើតឡើងនៅតាមបណ្ដោយផ្លូវបេតុងមួយខ្សែត្រង់ចំណុចមុខក្លោងទ្វារវត្តរលាំងកំពូល ស្ថិតនៅភូមិអូរក្រាស់អំបិល ឃុំត្រពាំងគង ស្រុកសំរោងទង ខេត្តកំពង់ស្ពឺ ។
បើយោងតាមប្រភពនៅនឹងកន្លែងកើតហេតុបានឲ្យដឹងថាគេបានឃើញម៉ូតូម៉ាក់ស្គុបពី មួយគ្រឿងពាក់ផ្លាកលេខភ្នំពេញ 1-KQ-04-67 បើកពីជើងទៅត្បូងដោយឈ្មោះ ចិត្ត ភេទប្រុស អាយុប្រហែលជាង ២០ ឆ្នាំ រស់នៅភូមិចក្រកាំបិត ឃុំត្រពាំងគង ស្រុកសំរោងទង ខេត្តកំពង់ស្ពឺ រថយន្តម៉ាកហ៊ីយ៉ាន់ដាយធន់ធំមួយគ្រឿងពាក់ផ្លាកលេខភ្នំពេញ-3-D-97-17 ដឹកឥដ្ឋស៊ីម៉ង់ បើកបរពីត្បូងទៅជើង លុះមកដល់ចំណុចកើតហេតុក៏បានប៉ះគ្នាបណ្ដាលឲ្យអ្នកបើកម៉ូតូ បានដួលបោកទៅនឹងផ្លូវបេតុង រងគ្រោះថ្នាក់របួសធ្ងន់ ចំណែកថៃកុងរថយន្តមិនស្គាល់អត្តសញ្ញាណបានចុះរត់គេចខ្លួនបាទ។
ក្រោយកើតហេតុគេឃើញមានកម្លាំងនគរបាលប៉ុស្តិ៍ត្រពាំងគង ចុះមកដល់កន្លែងកើតហេតុដើម្បីសម្រួលចរាចរណ៍និងបានទាក់ទងហៅរថយន្តសាមុយរបស់បន្ទីរពេទ្យបង្អែកខេត្តកំពង់ស្ពឺ មកដឹកជនរងគ្រោះទៅសង្គ្រោះបន្ទាន់ ដោយឡែកម៉ូតូនិងរថយន្តត្រូវបានសមត្ថកិច្ចយកទៅរក្សាទុកដើម្បីរង់ចាំការដោះស្រាយនៅពេលក្រោយ៕
សូមចូលរួមគោរពច្បាប់ចរាចរណ៍ទាំងអស់គ្នា បើស្រវឹងសូមកុំបើកបរ បើបើកបរកុំពិសារគ្រឿងស្រវឹង ថ្ងៃនេះ ថ្ងៃស្អែក មិនមានគ្រោះថ្នាក់ចរាចរណ៍ទៀតទេ..។
