សំរោងទង÷ នគរបាលស្រុកសំរោងទងឃាត់ខ្លួនជនសង្ស័យ ប្រុស ស្រី ចំនួន ០៣នាក់ ពាក់ព័ន្ធនិងគ្រឿងញៀន ការឃាត់ខ្លួននេះបានធ្វើឡើងនៅត្រង់ចំណុចភូមិត្រពាំងជ្រៅ ឃុំកាហែង ស្រុកសំរោងទង ខេត្តកំពង់ស្ពឺ ។
លោកវីរៈសេនីយ៍ឯក ឃុត សុផល អធិការនគរបាលស្រុកសំរោងទង បានឲ្យដឹងថា÷កាលពីថ្ងៃទី០៣ ខែធ្នូ ឆ្នាំ២០២៤ វេលាម៉ោង ១៦ និង ១០ នាទី កម្លាំងផ្នែកប្រឆាំងគ្រឿងញៀនស្រុក បានធ្វើការចុះល្បាតនៅក្នុងភូមិសាស្រ្តខាងលើ បានឃាត់ខ្លួនមុខសញ្ញា ជួញដូរដោយខុសច្បាប់នូវសារធាតុញៀនចំនួន ៣ នាក់ ស្រី ២ នាក់:
លោកវីរៈសេនីយ៍ឯក ឃុត សុផល បានបន្តទៀតថា÷ មុខសញ្ញាជួញដូរដោយខុសច្បាប់នូវសារធាតុញៀនចំនួន ៣នាក់ ១. ឈ្មោះ សុខ មាស (តាំង) ភេទ ប្រុស អាយុ ២៤ ឆ្នាំ នៅភូមិត្រពាងជ្រៅ ឃុំកាហែង ស្រុកសំរោងទង ខេត្តកំពង់ស្ពឺ ។ ដកហូត គ្រឿងញៀនបានចំនួន ៥ កញ្ចប់ (ធំ ១ កញ្ចប់.មធ្យម ២ កញ្ចប់ និងតូច ២ កញ្ចប់) និងថ្នាំពណ៌ផ្កាឈូក WY ចំនួន ១៧ គ្រាប់ ។ បើតាមចម្លើយ ឈ្មោះ សុខ មាស (តាំង) កម្លាំងនគរបាលបានបន្តឃាត់ខ្លួន
២. ឈ្មោះ សួង សុឃីម (ណង) ភេទ ស្រី អាយុ ២១ ឆ្នាំ នៅភូមិត្រពាំងជ្រៅ ឃុំកាហែង ស្រុកសំរោងទង ខេត្តកំពង់ស្ពឺ ។ ដកហូត ទូរសព្ទ័ដៃ១គ្រឿង និង ខ្សៀរ ១ ។
លោក ឃុត សុផល បានបន្ថែមទៀតថា បើយោងទៅតាមចម្លើយឈ្មោះ សួង សុឃីម (ណង)កម្លាំងនគរបាលស្រុកសំរោងទង បានសហការជាមួយកម្លាំងក្រុងច្បារមន បានបន្តឃាត់ខ្លួន
៣. ឈ្មោះ សន ស្រីនី (ហៅ មុំ)ភេទស្រី អាយុ ៣៥ ឆ្នាំ នៅភូមិត្រពាំងលើក សង្កាត់ រកាធំ ក្រុងច្បារមន ខេត្តកំពង់ស្ពឺ ។ ដកហូត ខ្សៀសម្រាប់ប្រើប្រាស់ចំនួន ៣,ឧបករណ៏ប្រើប្រាស់ ១ និងទូរស័ព្ទដៃ ១ គ្រឿង ។
លោកវីរៈសេនីយ៍ឯក ឃុត សុផល អធិការនគរបាលស្រុកសំរោងទងថាក្នុងនោះ នគរបាលបានដកហូតវត្ថុតាងរួមមាន÷
-ម្សៅក្រាមពណ៍សថ្លាសង្ស័យជាគ្រឿងញៀនចំនួន ៥ កញ្ចប់ (ធំ ១ កញ្ចប់.មធ្យម ២ កញ្ចប់,តូច២កញ្ចប់,ថ្នាំពណ៌ផ្កាឈូក WY ចំនួន ១៧ គ្រាប់,ទូរស័ព្ទដៃ ២ គ្រឿង,ខ្សៀសម្រាប់ប្រើប្រាស់គ្រឿងញៀនចំនួន ៤,ឧបករណ៍ប្រើប្រាស់គ្រឿងញៀន១ នឹងឃាត់ខ្លួនមនុស្ស ៣នាក់ ស្រី២នាក់ ក្នុងនោះមុខសញ្ញាឈ្មោះសួង សុឃីម ហៅណង មានជំងឺចុកពោះត្រូវបានបញ្ជូនទៅមន្ទឺពេទ្យខេត្ត នឹងបានដាក់កម្លាំងការពារ៤នាក់។
បច្ចុប្បនករណីនេះកម្លាំងជំនាញកំពុងសាកសួរ និងចាត់ការតាមនីតិវិធី៕
