ខេត្តកំពង់ឆ្នាំង÷ ក្រោយពីប្រមុខថ្នាក់ដឹកនាំរាជរដ្ឋាភិបាលនៃកម្ពុជា កាលពីកន្លងទៅ បានចេញបទបញ្ជាយ៉ាងម៉ឺងម៉ាត់មួយ ទៅឱ្យក្រសួងស្ថាប័នពាក់ព័ន្ធ និងអភិបាលខេត្តដែលជាប់បឹងទន្លេសាប ត្រូវធ្វើការទប់ស្កាត់និងឈានដល់ការបង្ក្រាបផងដែរ ស្របគ្នានោះឯកឧត្ដម ស៊ុនសុវណ្ណារិទ្ធ អភិបាលនៃគណះអភិបាលខេត្តកំពង់ឆ្នាំង បានប្ដេជ្ញាថា លោកនឹងយកចិត្តទុកដាក់បង្ក្រាបរាល់បញ្ហាបទល្មើសនេសាទ ដែលកំពុងកើតមាននៅក្នុងបឹងទន្លេសាទក្នុងភូមិសាស្រ្តទឹកដីខេត្តកំពង់ឆ្នាំង ហើយលោកក៏មិនអោយបទល្មើសទាំងនោះមកក្បែឬពាក់ព័ន្ធនឹងរូបលោកផងដែរ ទោះជាក្នុងកាលះទេសះណាក៏ដោយ ។ ប៉ុន្តែគេសង្កេតឃើញសកម្មភាពក្រុមប្រព្រឹតបទល្មើសគ្រប់រូបភាពនៅតែបន្តសកម្មភាពបានជារៀងរាល់ថ្ងៃខណៈ លោក ងិន ហ៊ុន ប្រធានមន្ទីរកសិកម្មខេត្តនិងលោក លី ឡា នាយខណ្ឌរដ្ឋបាលជលផលខេត្តកំពង់ឆ្នាំង នៅប្រើល្បិចកលស្ពិនភ្នែកថ្នាក់ដឹកនាំជាហេតុបណ្ដាលឱ្យជីវចម្រុះ ជាមច្ឆាជាតិ គ្រប់ប្រភេទរស់នៅក្នុងបឹងទន្លេសាប ត្រូវបានបាត់បង់ រលាយហិនហោច ខ្ទេចខ្ទីអស់ដោយសារពួកឈ្មួញទុច្ចរិតឃុបឃិតគ្នាជាមួយនិងមន្ត្រីសុីប្រាក់ខែរាស្រ្តបំផ្លាញជីវចម្រុះជាមច្ឆាជាតិរបស់រដ្ឋនោះ។
ជាក់ស្តែងនៅថ្ងៃទី១៤ ខែធ្នូ ឆ្នាំ២០២៤ អង្គភាពសារព័ត៌មានយើងបានទទួលព័ត៌មានពីប្រជានេសាទជាលក្ខណៈគ្រួសារបានប្រាប់ឲ្យដឹងថា មានសកម្មភាព បទល្មេីសនេសាទទូកនាមទទឹង ជាច្រេីនទូក ដែលកំពុងតែធ្វើសកម្មភាពប្រព្រឹត្តបទល្មើស បានយ៉ាងរលូន ដោយប្រេីកម្លាំងម៉ាសុីនរុញ នៅតាមបណ្តោយដងទន្លេសាប នៅក្នុងស្រុកចំនួន២ ត្រង់ចំណុចក្បាលកោះអន្លង់រាជ្យ ក្រោមស្នាក់ការផ្នែកជលផលជល់គីរី ស្ថិតក្នុងភូមិទន្លេក្រៅ ឃុំជលសា ស្រុកជល់គីរី និងស្រុកកំពង់ត្រឡាច ក្នុងខេត្តកំពង់ឆ្នាំង ។
បើយោងតាមប្រភពបានបង្ហើបឱ្យដឹងថា ក្រុមដែលប្រព្រឹត្តបទល្មើសនេសាទខុសច្បាប់ ទូកនាមទទឹង ទាំងអស់នេះដែលមាន ឈ្មោះ ដូចបានរាយនាមទី១ ឈ្មោះ សេន អ៊ូមើត ២ ឈ្មោះ សេន ស៊ូស្លៃម៉ាន ៣ ឈ្មោះ សេន អាលី ៤ ឈ្មោះ ធូ ជា ៥ ឈ្មោះ ជា សុកាន ៦ ឈ្មោះ ចន ផានិត ៧ ឈ្មោះ អាក្លូរ ៨ ឈ្មោះ គង់ ភាព ៩ ឈ្មោះ បង មុឺន ១០ ឈ្មោះ បង ឈុន ១១ ឈ្មោះ លី សកម្មភាពដែលបានប្រព្រឹត្តធ្វើ បានជារៀងរាល់ថ្ងៃ ដោយយ៉ាងរលូន មិនឃើញមានជំនាញសមត្ថកិច្ចពាក់ព័ន្ធណាអាចឃាត់អស់លោកបានឡើយ (តើមកពីហេតុអ្វី?) គូបញ្ជាក់ផងដែរថា ឧបករណ៍នេសាទបទល្មើស នាមទូកទទឹងនេះគឺមិនអាចឱ្យមានទេនៅក្នុងភូមិសាស្ត្រទឹកដី នៃខេត្ត កំពង់ឆ្នាំង ដែលពួកគាត់ប្រកបមុខរបរជាលក្ខណៈគ្រួសារបានជួបផលលំបាកដោយសារទូកនាមទទឹងទាំងអស់នេះ បានធ្វើឲ្យខូចខាតទ្រព្យសម្បត្តិដូចជាមងដែលពួកគាត់បានរករបរនេះជាលក្ខណៈគ្រួសារ ហើយត្រូវបានរងការខូច ខាត ដោយសារទូកនាមទទឹងទាំងអស់នោះរុញផ្ដាច់ របស់ពួកគាត់ ។
ប្រជាពលរដ្ឋទាំងអស់ដែលរស់នៅតាមដងទន្លេក្នុងភូមិសាស្ត្រនៃទឹកដីស្រុកទាំង២ ខាងលើ ដែលប្រកបមុខរបរជាលក្ខណៈគ្រួសារ ជាប្រជានេសាទ ជាលក្ខណៈគ្រួសារ កំពុងតែដាក់ចម្ងល់សង្ស័យថា ប្រហែលជាមានការឃុបឃិតនិងសូកប៉ាន់ហើយបានជាសមត្ថកិច្ចជំនាញរដ្ឋបាលជលផល ដែលមានរហូតទៅដល់២ស្រុក មិនអាចមើលឃើញ បែបនេះ។
ប្រភពពីប្រជាពលរដ្ឋដដែល បានឲ្យដឹងថាឃើញមានការ ប្រព្រឹត្តបទល្មើសនេសាទប្រើឧបករណ៍ទូកនាមទទឹង ប្រើម៉ាស៊ីនរុញនេះ តាំងពីរដូវបើកនេសាទមកម្ល៉េះ ក្នុងភូមិសាស្ត្រទាំង២ស្រុក ស្រុកជលគីរី និងស្រុកកំពង់ត្រឡាច នៃទឹកដីខេត្តកំពង់ឆ្នាំង តែងតែធ្វើសកម្មភាពទាំងយប់ទាំងថ្ងៃ ចាប់ពីត្រង់ចំណុច ភូមិដូនវៀត ជាព្រំប្រទល់ស្រុកកំពង់លែងនិងស្រុកជល់គីរីររហូតទៅដល់ទឹកដីស្រុកកំពង់ត្រឡាច។
ដូច្នេះមានតែលោកអភិបាលស្រុក ទាំង២ស្រុក ដែរជាប្រធានគណៈបញ្ជាការឯកភាពស្រុក មេត្តាជួយពិនិត្យ និងដាក់បទ បញ្ជាឲ្យមានការឃ្លាំមើលទៅលើបទល្មើសដែលប្រជាពលរដ្ឋបានរាយការណ៍នេះផងទាន និងជាពិសេសប្រជាពលរដ្ឋបានសំណូមពររដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ ជួយមានវិធានការទៅលើមន្ត្រីថ្នាក់ក្រោម ទាំងមន្ទីរនិងខណ្ឌ សង្កាត់ ផ្នែក ដើម្បីកុំឲ្យមានការប្រព្រឹត្តបទល្មើសដូចដែលរដ្ឋមន្ត្រីបានចែងក្នុងច្បាប់រដ្ឋបាលជលផល ដែលបានដាក់បទបញ្ជាយ៉ាងតឹងរឹងមិនឲ្យមាននូវការប្រព្រឹត្តបទល្មើសឧបករណ៍នាមទូកទទឹងក្នុងតំបន់ទឹកដីខេត្តកំពង់ឆ្នាំង ។
ទាំងនេះគឺជាប្រភពពីប្រជាពលរដ្ឋ ដែលបានផ្ញើមកអង្គភាពសារព័ត៌មានយើងបានធ្វើការផ្សព្វផ្សាយដើម្បីក្រើនរលឹកដល់មន្ត្រីជល់ផលប្រចាំគោលដៅក៌ដូចជាសេចក្តីរាយការណ៌មួយដើម្បីឱ្យថ្នាក់ដឹកនាំក្នុងខេត្តកំពង់ឆ្នាំង លោកបានដឹងនិងជ្រាបជាព័ត៌មានជាពិសេសនោះ លោកនាយខ័ណ្ឌរដ្ឋបាលជលផលនិងមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំងនិង លោក ឌិត ឌីណា រដ្ឋមន្ត្រីក្រសួងកសិកម្មនិងនេសាទលោកបានជ្រាបជាព័ត៌មានផងដែរ។
អង្គភាពសារព័ត៌មានយើងចុះផ្សាយខាងលើនេះគ្មានគោលបំណងអ្វីក្រៅពីការចូលរួមការពារសម្បត្តិធនធានធម្មជាតិនិងមច្ឆាជាតិជាមួយរដ្ឋាភិបាល និងជាតម្រុយឲ្យសមត្ថកិច្ចជំនាញពាក់ព័ន្ធខាងលើចុះទៅទប់ស្កាត់ទាន់ពេលវេលាផងដែរ។
អង្គភាពសារព័ត៌មានយើងរងចាំទទួលធ្វើការបកស្រាយ បំភ្លឺពីសារមុីខ្លួនពាក់ព័ន្ធគ្រប់ពេលវេលា នៅរៀងរាល់ម៉ោងធ្វើការជុំវិញបញ្ហាចុះផ្សាយខាងលើនេះ អោយមានសុក្រឹត្យ-និងយុត្តិធម៌តែប៉ុណ្ណោះ ៕
