ខេត្តកំពង់ស្ពឺ៖ នារសៀលថ្ងៃសុក្រទី២០ ខែឆ្នូ ឆ្នាំ២០២៤ មានករណីគ្រោះថ្នាក់ចរាចរណ៍រវាងរថយន្ត និងរថយន្ដ ក្នុងនោះរថយន្តដឹកកម្មករបេះផ្លែស្វាយបានប៉ះជាមួយរថយន្តដឹកគ្រឿងសង្ហារិមឈេីដេីរលក់ បណ្ដាលឱ្យគ្រោះថ្នាក់ក្រឡាប់រថយន្តដឹកកម្មករបេះផ្លែស្វាយធ្លាក់ផ្លូវនិងរងរបួសមនុស្សជាច្រេីននាក់ រហូតមានអ្នកស្លាប់បាត់បង់ជីវិតផងដែរ នៅចំណុចលើផ្លូវជាតិលេខ៤៤ ចន្លោះគីឡូម៉ែត្រលេខ.៣៧-៣៨ ស្ថិតនៅក្នុងភូមិមនោរម្យ ឃុំហោងសំណំ ស្រុកឱរ៉ាល់ ខេត្តកំពង់ស្ពឺ។
សមត្ថកិច្ចនគរបាលចរាចរណ៍ នៃអធិការដ្ឋាននគរបាលស្រុកឱរ៉ាល់ បានឲ្យដឹងថា ក្រោយពីទទួលបានព័ត៌មាននេះភ្លាមកម្លាំងនគរបាលចរាចរណ៍ បានចុះអន្ដរាគមន៍ជជួយសម្រួលនីតិវិធីនិងសង្រ្គោះអ្នករបួសបញ្ជូនទៅមន្ទីរពេទ្យ រីឯអ្នកស្លាប់តំកល់ទុកជូនសាច់ញាត់មកទទួលយកទៅធ្វេីបុណ្យតាមប្រពៃណីសាសនា ។
ករណីគ្រោះថ្នាក់ខាងលេីយោងតាមមន្រ្ដីនគរបាលចរាចរណ៍ចុះផ្ទាល់ថារថយន្ត០១គ្រឿង ម៉ាកHYUNDAI MIGHTYពណ៌ស ផ្លាកលេខភ្នំពេញ 3F-5022 អ្នកបើកបរមិនស្គាល់អត្តសញ្ញាណ(រត់គេចខ្លួន ក្រោយជួបគ្រោះថ្នាក់ អ្នករួមដំណើរ១០នាក់ រងរបួស រួមមានៈ
១-ឈ្មោះ វីង ធីដាវ ភេទប្រុស អាយុ 52 ឆ្នាំ ជនជាតិវៀតណាម(បាក់ជើងខាងស្ដាំ) ឃុំថ្មគោល ស្រុកល្វាឯម ខេត្តកណ្ដាល
២-ឈ្មោះ ទុំ ចិន្ថា ភេទប្រុស អាយុ 49 ឆ្នាំ(របួសស្រាល) ឃុំព្រែកតាស ស្រុកពោធិរៀង ខេត្តព្រៃវែង
៣-ឈ្មោះ ពុធ សំណាង ភេទប្រុស អាយុ 18ឆ្នាំ
៤-ឈ្មោះ ជា ហេង ភេទប្រុស អាយុ63 ឆ្នាំ(របួសស្រាល)
៥-ឈ្មោះ ឆាយ សយ ភេទប្រុស អាយុ 52ឆ្នាំ(របួសស្រាល)
៦-ឈ្មោះ ពុំ ពឿន ភេទប្រុស អាយុ 44 ឆ្នាំ(របួសស្រាល)
៧-ឈ្មោះ សុន ផល្លា ភេទប្រុស អាយុ 32 ឆ្នាំ(របួសស្រាល)
៨-ឈ្មោះ ទុំ ដានី ភេទប្រុស អាយុ 20 ឆ្នាំ(របួសស្រាល)
៩-ឈ្មោះ គង់ សារ៉ុង ភេទប្រុស អាយុ 24ឆ្នាំ(របួសស្រាល)
១០-ឈ្មោះ សែង ដានុន ភេទប្រុស អាយុ 19ឆ្នាំ (របួសស្រាល)។
តាមសាក្សីដែលឋិតក្នុងហេតុការណ៍ បញ្ជាក់រថយន្តបើកបរក្នុងទិសដៅពីកើតទៅទិសខាងលិច បើកបរបញ្រ្ចាស់ទិសគ្នា លុះមកដល់ចំណុចកើតហេតុខាងលើក៏បែកកង់ជ្រុលទៅបុករថយន្ត០១គ្រឿងម៉ាកHYUNDAI ពណ៍ខៀវ លេខកំពង់ស្ពឺ 2A-4502 រួចក្រឡាប់តែម្ដង ឈ្មោះ វ៉ន ឆេន ភេទប្រុស អាយុ៤៨ឆ្នាំ អ្នកបើកបរ(របួសស្រាល) អ្នករួមដំណើរម្នាក់ឈ្មោះ ម៉ក់ ដា ភេទស្រី អាយុ៣៨ឆ្នាំ (ស្លាប់ភ្លាមៗនៅកន្លែងកើតហេតុ) រស់នៅភូមិព្រៃផ្តៅ ឃុំព្រៃក្រសាំង ស្រុកសាមគ្គីមុន្នីជ័យ ខេត្តកំពង់ស្ពឺ។
បច្ចុប្បន្នសមត្ថកិច្ចបានធ្វើការស្ទួចយករថយន្ដខាងលេីមករក្សាទុកនៅអធិការដ្ឋាននគរបាលស្រុកឱរ៉ាល់ ដេីម្បីបន្ដនីតិវិធី កសាងសំណុំរឿងបញ្ជូនទៅការិយាល័យចរាចរណ៍ផ្លូវគោក បន្ដ៕
រូបភាព.ស្នងការនគរបាលខេត្តកំពង់ស្ពឺ.
