ខេត្តកំពង់ឆ្នាំង÷ នៅថ្ងៃទី០៦ ខែកុម្ភៈ ឆ្នាំ២០២៥ រដ្ឋបាលក្រុងកំពង់ឆ្នាំង សហការសម្របសម្រួលជាមួយក្រុមការងារមន្ទីរបរិស្ថានខេត្តកំពង់ឆ្នាំង រៀបចំកម្មវិធីអនុវត្តយុទ្ធនាការ« កំពង់ឆ្នាំងស្អាត ខ្មែរធ្វើបាន ផ្លូវជាតិគ្មានសំរាម និងសំណល់ប្លាស្ទិក » ដោយមានការអញ្ជើញចូលពីលោក ម៉ន ផល្លា ប្រធានមន្ទីរបរិស្ថានខេត្តកំពង់ឆ្នាំង និងលោក សាន់ អូស្មាន អភិបាលរងក្រុងកំពង់ឆ្នាំង និងមន្ត្រីរាជការ អាជ្ញាធរមូលដ្ឋាន និងលោកគ្រូ អ្នកគ្រូ ព្រមទាំងសិស្សានុសិស្សសរុបមានចំនួន ១.២៥៥ នាក់ នៅទីតាំងសួនត្រីក្រហោ ភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។
លោក ម៉ន ផល្លា ប្រធានមន្ទីរបរិស្ថានខេត្តកំពង់ឆ្នាំង ដោយអនុវត្តតាមសេចក្តីណែនាំលេខ ៣២/០១២៥ ប.ស្ថ ចុះថ្ងៃទី៣ ខែមករា ឆ្នាំ២០២៥ របស់ ឯកឧត្តមរដ្ឋក្រសួងបរិស្ថាន ស្តីពីការអនុវត្តយុទ្ធនាការសម្អាតផ្លូវជាតិ (ផ្លូវជាតិគ្មាន សំរាមប្លាស្ទិក) ក្នុងនោះលោកបាននិងកំពុងបំផុសចលនាទៅដល់ភូមិ ឃុំ សង្កាត់ រោចក្រ សហគ្រាស វត្តអារ៉ាម សាលារៀន និងសាធារណជន រួមនិងក្រុមហ៊ុនសេវាប្រមូល ក្នុងដែនសមត្ថកិច្ច ឱ្យចូលរួមប្រមូល សម្អាត នៅតាមដងផ្លូវ សាធារណៈ ទីប្រជុំជន ជាប្រចាំផងដែរ។
លោក ម៉ន ផល្លា បានឲ្យដឹងទៀតថាក្នុងកម្មវិធីអនុវត្តយុទ្ធនាការ« កំពង់ឆ្នាំងស្អាត ខ្មែរធ្វើបាន » ដោយមានការចូលរួម ពីមន្ត្រីរាជការ អាជ្ញាធរមូលដ្ឋាន
នឹងលោកគ្រូ អ្នកគ្រូ ព្រមទាំងសិស្សានុសិស្ស មកពីសាលាចំនួន០៥ ដោយមានអ្នកចូលរួមមានចំនួន :១.២៥៥ នាក់ស្រី ៤៧៤ នាក់ និងប្រមូលសំរាមបានចំនួន: ៦០ គ.ក ។
ទន្ទឹមនេះ លោក ម៉ន ផល្លា ប្រធានមន្ទីរបរិស្ថាន និង រដ្ឋបាលក្រុង ស្រុក បានធ្វើការផ្សព្វផ្សាយជាសាធារណៈ ដល់ប្រជាពលរដ្ឋឱ្យចូលរួម កុំដុតប្លាស្ទិក កុំចោលប្ទាស្ទិកក្នុងទឹក កុំកប់ប្ទាស្ទិកក្នុងដី និងស្នើឱ្យប្រជាពលរដ្ឋចូលរួមប្រើប្រាស់សេវាប្រមូល និងដឹកជញ្ជូនសំរាមយកទៅដាក់នៅទីលានទាំងអស់គ្នា និងជួយចូលរួមដាំកូនឈើនៅតាមដងផ្លូវសំខាន់ឱ្យក្លាយទៅជាផ្លូវបរិស្ថាន ។ ប្រទេសយើងស្អាត ផ្ដើមចេញពីយើងទាំងអស់គ្នា សូមចូលរួមសម្អាតបរិស្ថានឲ្យបានគ្រប់គ្នា ៕
