ខេត្តកំពង់ស្ពឺ÷ ដោយសារដីជ្រុះ នឹងហុយខ្លាំងពេក ប៉ះពាល់ដល់សុខភាពនិងហុយចូលភ្នែក ប្រជាពលរដ្ឋរស់នៅក្នុងឃុំបសេដ្ធ ស្រុកបសេដ្ឋ ខេត្តកំពង់ស្ពឺ បានអំពាវនាវ ស្នើសុំឲ្យអាជ្ញាធរ និងសមត្ថកិច្ចត្រួតពិនិត្យលើក្រុមឡានដឹកដីខ្វះលក្ខណៈបច្ចេកទេស ដឹកដីអត់គ្រប អត់ស្រោចទឹកលើថ្នល់ បង្កឲ្យមានដីជ្រុះពីលើរថយន្ត និងដីហុយ លើអ្នកជិះម៉ូតូនិងរស់នៅតាមសងខាងដងផ្លូវ។
ប្រជាពលបានឲ្យដឹងថា ក្រុមឡានដឹកដីទាំងនោះមិនដឹងថាពួកគេមានច្បាប់អនុញ្ញាតពីអាជ្ញាធរត្រឹមត្រូវឬក៏យ៉ាងណានោះទេ.! ដែលធ្វើសកម្មភាពជីកយកអាចម៍ដីដែលមានរណ្ដៅជម្រៅជ្រៅ និងធ្វើសកម្មភាពដឹកជញ្ជូនចេញមកឆ្លងកាត់ផ្លូវជាតិលេខ៤១ យកទៅចាក់ក្នុងដីឡូមួយកន្លែងដែលស្ថិតនៅក្នុងភូមិគោកត្រប់ ឃុំបរសេដ្ធ ស្រុកបសេធ្ធ ខេត្តកំពង់ស្ពឺ មិនត្រូវតាមលក្ខណៈបច្ចេកទេស ខណៈក្រុមឡានដឹកដីនោះមិនបានគ្របឲ្យបានត្រឹមត្រូវនោះឡើយ សង្ស័យមិនមានច្បាប់អនុញ្ញាត ។
ប្រជាពលរដ្ឋសង្ឃឹមថា អាជ្ញាធរ និងសមត្ថកិច្ចពាក់ព័ន្ធចុះទៅត្រួតពិនិត្យលើលក្ខណៈបច្ចេកទេស ក្រុមឡានដឹកដីដែលបង្កឱ្យមានផលប៉ះពាល់ទៅលើអ្នកធ្វើដំណើរតាមដងផ្លូវនិងប្រជាពលរដ្ឋរស់នៅដងសងខាងផ្លូវ នឹងអនុវត្តតាមលិខិតរបស់រដ្ឋបាលខេត្តកំពង់ស្ពឺ ចុះថ្ងៃទី១៥ ខែមករា ឆ្នាំ២០២៥ ជម្រាបមកលោកអភិបាល នៃគណៈអភិបាល ក្រុង ស្រុក ជ្រាបថា ដើម្បីធានាបាននូវរបៀបរៀបរយនៅតាមបណ្តាក្រុង ស្រុក កាត់បន្ថយបាននូវការប៉ះពាល់ដល់ហេដ្ឋារចនា សម្ព័ន្ធក្នុងតំបន់ មានជាអាទិ៍ផ្លូវថ្នល់ លូ ប្រឡាយ បឹង ព្រែក.និងសុខុមាលភាពសាធារណៈ និងត្រូវធ្វើការណែនាំម្ចាស់ទីតាំងចាក់បំពេញដី ត្រូវស្នើសុំច្បាប់ចាក់ បំពេញដីជាមុនសិន ទើបអនុញ្ញាតឱ្យពួកគាត់ចាក់បំពេញដីនៅលើទីតាំងដីរបស់ពួកគាត់បាន។
a
ជុំវិញក្រុមឡានដឹកដីខ្វះលក្ខណៈបច្ចេកទេស កំពុងមមាញឹកក្នុងការដឹកជញ្ជូនអាចម៍ដីលក់ធ្វើអាជីវកម្ម មិនខ្វល់ពីផលប៉ះពាល់ នឹងសង្ស័យមិនមានច្បាប់អនុញ្ញាតនេះ អ្នកសារព័ត៌មានយើងមិនអាចរកប្រភពណាមួយសូមបំភ្លឺបានទេ ខណៈលោក សំអឿន សុបញ្ញា អភិបាលស្រុកបសេដ្ធ នៅថ្ងៃទី១៨ ខែកុម្ភៈ ឆ្នាំ២០២៥ អ្នកសារព័ត៌មានយើងទំនាក់ទំនងតាមទូរសព្ទតេចូល ៣ដង លោកមិនលើក២ដង នឹងចុះផ្តាច់ចោល១ដង សំណួរសួរថា. តើហេតុអ្វីបានជាលោក សំអឿន សុបញ្ញា អភិបាលស្រុកបសេដ្ធ មិនលើកទូរសព្ទអ្នកសារព័ត៌មាន ឬមួយមានអ្វីនៅពីក្រោយទើបធ្វើឲ្យលោកមិនអាចលើកទូរសព្ទបាន.? ខណៈកន្លងទៅអ្នកសារព័ត៌មានធ្លាប់តេទំនាក់ទំនងជាច្រើនដងដែល តែលោកមិនលើកដូចគ្នា ករណីនេះស្នើសុំឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ សូមជួយដាស់ទឿននឹងពិនិត្យមើលលោក សំអឿន សុបញ្ញា ផងទាន ៕
