ខេត្តកំពង់ស្ពឺ៖ លោកតាវ័យ៨០ឆ្នាំជាឪពុកក្មេក សម្រេចចិត្តដាក់ពាក្យបណ្តឹងកូនប្រសារស្រី ស្នើឱ្យលោកអភិបាលស្រុកបសេដ្ឋនៃខេត្តកំពង់ស្ពឺ ដើម្បីឱ្យអន្តរាគមន៍ដោះស្រាយរឿងឪពុកក្មេកមិនបានផ្តិតមេដៃប្រគល់ដីទៅឱ្យកូនផង ស្រាប់តែកូនប្រសារស្រី បែរជាហៅមន្ត្រីជំនាញចុចយកដីរបស់គាត់ដែលនៅសេសសល់ទុកសម្រាប់ចាស់ និងចុចយកដីរបស់គាត់ធ្វើជាផ្លូវថែមទៀតផង។
លោកតា ខៀប ណុយ អាយុ៨០ឆ្នាំ រស់នៅក្នុងភូមិកោះឈើទាល ឃុំទូលសាលា ស្រុកបរសេដ្ឋ ខេត្តកំពង់ស្ពឺបានរៀបរាប់ឱ្យដឹងថា÷ លោកតា បានឱ្យកូនៗកាន់កាប់អាស្រ័យផលនៅលើដីរបស់គាត់សិន មិនទាន់ប្រគល់ឱ្យជាកម្មសិទ្ធិផ្តាច់មុខនោះទេ។ ហើយក៏មិនទាន់បានបែងចែកទៅកូនណាពិតប្រាកដនោះដែរ គ្រាន់តែពួកគេធ្វើការសាងសង់ផ្ទះ ស្រាប់តែនៅថ្ងៃទី១៩ ខែកក្កដា ឆ្នាំ២០២៤ ក្រុមអាជ្ញាធរនិងជំនាញជួយអន្តរាគមន៍ទប់ស្កាត់ដោះស្រាយការចេញប័ណ្ណកម្មសិទ្ធ ខណៈដែលរូបគាត់ជាឪពុក ក្មេកមិនបានផ្តិតមេដៃប្រគល់ដីនោះឱ្យកូនប្រសារទេ។ហើយមួយវិញទៀតអស់លោកអាជ្ញាធរ និងជំនាញសុរិយោដី ហេតុអ្វីបានជាមិនពិនិត្យមើលឯកសាររបស់ឈ្មោះ ទូច ស្រីនាង ភេទស្រី អាយុ៤២ឆ្នាំ ជាកូនប្រសារ ទាំងដែលគាត់មិនបានផ្តិតមេដៃហើយ ជំនាញហ៊ានចេញប្លង់រឹងឱ្យទៅវិញ បំពានលើដីរបស់ឪពុក ថែមទៀតផង។
ជាមួយគ្នានេះដែរលោក គុន ជាកូនប្រសារលោកតា ខៀវ ណុយ បានរៀបរាប់ថា លោកឪពុកក្មេករបស់គាត់បានឱ្យកូនៗអាស្រ័យផលលើដីគាត់ពិតមែន ខ្លះបានកាន់កាប់លើដីលំនៅឋាន ខ្លះដីស្រែ។ ចម្លែកអី ឈ្មោះ ទូច ស្រីនាង ជាកូនប្រសារដែរ បែរជាហ៊ានហៅជំនាញមកចុចយកដីលោកឪពុកក្មេកទាំងបំពានទៅវិញ ហើយអស់លោកអាជ្ញាធរនិងជំនាញក៏ធ្វើការងារ ហាក់ធូរលុង ដោយមិនពិនិត្យមើលឯកសារឱ្យបានច្បាស់លាស់។ ពីព្រោះថាកូនប្រសារដូចគ្នា ឈ្មោះ ទូច ស្រីនាង មានយីអ៊ុនខ្ពស់ជាងគេ ធ្វើប្លង់ដីជំនាញមិនទាមទារស្នាមមេដៃលោកឪពុក និងអ្នកម្តាយ ចំណែកលោកវិញ អាជ្ញាធរនិងជំនាញកំណត់ទាល់តែមានឯកសារគ្រប់គ្រាន់ និងមានស្នាមមេដៃ លោកឪពុក នឹងអ្នកម្តាយផ្ទេឱ្យទើបធ្វើបាន។ ទង្វើររបស់អាជ្ញាធរនិងជំនាញសុរិយោដីធ្វើបែបនេះហាក់លំអៀង ក្នុងការអនុវត្តន៍ច្បាប់ហើយទេដឹង?។
បើយោងតាមពាក្យបណ្តឹងរបស់លោកតាវ័យ៨១ឆ្នាំមានខ្លឹមសារដូចតទៅ÷
ខ្ញុំបាទឈ្មោះ ខៀប ណុយ ភេទប្រុស អាយុ ៨០ឆ្នាំ សញ្ជាតិខ្មែរ កាន់អត្តសញ្ញាណប័ណ្ណលេខ 030945860 មុខរបរ កសិករ មានទីលំនៅភូមិ កោះឈើទាល ឃុំទូលសាលា ស្រុកបរសេដ្ឋ ខេត្តកំពង់ស្ពឺ លេខទូរស័ព្ទ 0968918219
សូមគោរពជូន លោកអភិបាលស្រុកបសេដ្ឋ
យោងតាមកម្មវត្ថុខាងលើ សូមប្តឹងជំទាស់ឈ្មោះ ទូច ស្រីនាង ភេទស្រី អាយុ៤២ឆ្នាំ មានទីលំនៅបច្ចុប្បន្ន ភូមិកោះឈើទាល ឃុំទួលសាលា ស្រុកបរសេដ្ឋ ខេត្តកំពង់ស្ពឺ ដែលត្រូវជាកូនប្រសារ ពីបទបទហៅមន្ត្រីជំនាញសុរិយោដីមកចុចឃ្មុំយកដីរបស់ខ្ញុំនិងបំពានសិទ្ធិរបស់ខ្ញុំជាឪពុកក្មេក ដែលប្រព្រឹត្តទៅនៅចំណុចដីលំនៅដ្ឋានដែលស្ថិតនៅក្នុង ភូមិកោះឈើទាល ឃុំទួលសាលា ស្រុកបរសេដ្ឋ ខេត្តកំពង់ស្ពឺ ។កាលអំឡុងថ្ងៃទី១៩ ខែកក្កដា ឆ្នាំ២០២៤ ។
តាមកម្មវត្ថុខាងលើខ្ញុំបាទសូមជម្រាបជូន លោកអភិបាលស្រុកមេត្តាជ្រាបថាកាលអំឡុងឆ្នាំ៧០ខ្ញុំបាទបានមានដី ដែលបានមកពីរដ្ឋចែកអោយមានទំហំ១២០០ម៉ែត្រការ៉ាដែលមានព្រំប្រទល់
ខាងត្បូងជាប់ ខៀវ យ៉ន ខាងកើតជាប់ ខុម ស្រីដៀង
ខាងជើងជាប់ ទឹក អិប ខាងលិខជាប់ ញ៉ុង ស្រីនី
កាលកំឡុងឆ្នាំ៧០ រហូតមកដល់អំឡុងឆ្នាំ២០០៦ ខ្ញុំបាទឈ្មោះ ខៀប ណុយ បានបែងចែងដីទៅឲ្យកូនៗប៉ុន្តែ មិនទាន់បានវាស់កំណត់ព្រំត្រឹមត្រូវនោះទេ ។លុះដល់រយៈពេលបែងចែករហូតមកដល់ឆ្នាំ ២០២៤ មានមន្ត្រីជំនាញចុះ មកធ្វើការវាស់វែងធ្វើប្លង់ជាប្រព័ន្ធជូនប្រជាពលរដ្ឋនៅក្នុង ភូមិកោះឈើទាល ឃុំទូលសាលា ស្រុកបរសេដ្ឋ ខេត្តកំពង់ ស្ពឺ។ហើយបានកាត់ដីរបស់ខ្ញុំមកធ្វើជាផ្លូវដែលមានទំហំទទឹង ៣ម៉ែត្រការ៉េ និងបណ្តោយ ១៥ ម៉ែត្រការ៉េហើយបានថា ផ្លូវនោះជាផ្លូវបូរាណទៀតទាំងដែលខ្ញុំជាម្ចាស់ដីមិនបានដឹងនោះទេ។ សូម្បីតែការធ្វើប្លង់ដីជូនកូនប្រសារក៏ខ្ញុំជាឪពុកម្តា យមិនបានផ្តិតមេដៃជូនកូនប្រសារនោះទេ ។ហេតុអ្វីក៏គេអាចធ្វើប្លង់ចេញបាន។
លោកអភិបាលជាទីគោររា ក្នុងរឿងរ៉ាវខាងលើនេះខ្ញុំបាទមានសាក្សីដែលរស់នៅជិតៗនិងដឹងឮផងដែរ។
ករណីខាងលើនេះខ្ញុំបាទសូមសំណូមពរ
១. ទាមទារយកដីខាងលើនោះខ្លះមកវិញដើម្បីបន្តជីវិតរបស់ខ្ញុំដែលសេសសល់។
២. បើកូនប្រសាររបស់ខ្ញុំឈ្មោះ ទូច ស្រីនាង មិនព្រមទទួលយកដីដែលខ្ញុំបែងចែកនោះទេនៅតែបន្តទាមទារ យកដីដែលខ្ញុំបម្រុងទុកនោះទៀតខ្ញុំជាឪពុកស្នើសុំដកដីទាំងអស់នោះយកមកវិញ។
មហាជនមានការងឿងឆ្ងល់ថា តើកូនប្រសារឈ្មោះ ទូច ស្រីនាង មានយីអ៊ុនខ្ពស់ ឬមួយមានអ្វីនៅពីក្រោយ ទើបធ្វើប្លង់ដីអាជ្ញាធរ និងជំនាញសូរិយោដីមិនទាមទារស្នាមមេដៃលោកឪពុកនឹងអ្នកម្តាយផ្ទេឱ្យ ចំណែកកូនបង្កើតរបស់លោកតា ខៀប ណុយ ត្រូវបានអាជ្ញាធរនិងជំនាញសុរិយោដីកំណត់ទាល់តែមានឯកសារគ្រប់គ្រាន់ និងមានស្នាមមេដៃ លោកឪពុក និងអ្នកម្តាយផ្ទេឱ្យទើបធ្វើបាន។ ទង្វើររបស់អាជ្ញាធរនិងជំនាញសុរិយោដីធ្វើបែបនេះហាក់លំអៀង ក្នុងការអនុវត្តន៍ច្បាប់ ឬមួយការអនុវត្តច្បាប់របស់អាជ្ញាធរនិងមន្ត្រីជំនាញសុរិយោដីមានស្តង់ដាពីរទេដឹង? ។
ជុំវិញការលើកឡើងខាងលើនេះអ្នកសារព័ត៌មានយើងមិនបានសុំការបកស្រាយបំភ្លឺពីអាជ្ញាធរនិងមន្ត្រីជំនាញសុរិយោដីបានទេ.! ដោយមិនមានលេខទូរសព្ទទំនាក់ទំនង រហូតមកដល់ម៉ោងចេញផ្សាយនេះ ។
ដោយឡែកអភិបាលស្រុកបរសេដ្ធលោក សំអឿន សុបញ្ញា នៅថ្ងៃទី១៨ ខែកុម្ភៈ ឆ្នាំ២០២៥ អ្នកសារព័ត៌មានយើងបានទំនាក់ទំនងតាមទូរសព្ទតេចូល ៣ដង លោកមិនលើក២ដង នឹងចុះផ្តាច់ចោល១ដង ។
សូមបញ្ជាក់ផងដែលថាអ្នកសារព័ត៌មានយយេីង គ្រាន់តែជាកញ្ចក់ឆ្លុះបញ្ចាំង ពីទិដ្ឋភាពសង្គម ផ្សាយចេញនូវព័ត៌មានពិត ស្របតាមក្រមសីលធម៌ វិជ្ជាជីវៈសារព័ត៌មាន ពុំបានមូលបង្កាច់បង្ខូចកេរ្ដិ៍ឈ្មោះ និងសេចក្ដីថ្លៃថ្នូរ មន្រ្ដីណាម្នាក់នោះឡើយ នោះជាការលើកឡើងរបស់លោកតា ខៀប ណុយ និងកូនៗរបស់គាត់ និងសំណូមពរឱ្យអ្នកសារព័ត៌មានយើងជួយផ្សព្វផ្សាយជាដំណឹងជូនទៅដល់ថ្នាក់ដឹកនាំខាងលើៗ ឲ្យលោកបានដឹង និងអន្តរាគមន៍ជួយដល់ពួកគាត់ផងដែ ។
ជុំវិញការចេញផ្សាយខាងលើនេះប្រសិនបើមានប្រតិកម្មពីមន្ត្រីជំនាញពាក់ព័ន្ធណាមួយនោះ អង្គភាពសារព័ត៌មានយើងខ្ញុំ និងរង់ចាំទទួលរាល់ការបកស្រាយបំភ្លឺពីមន្រ្តីជំនាញពាក់ពន្ធ័ទាំងនោះនៅរាងរាល់ម៉ោងធ្វើការ ដោយយោងច្បាប់ ស្ដីពី របបសារព័ត៌មាន ឱ្យមានភាពសុក្រិត និងយុត្តិធម៌តែប៉ុណ្ណោះ៕
