សិប្បកម្មអាជ្រៀកឈើខ្នាតធំ២កន្លែង សង្ស័យគ្មានច្បាប់ កំពុងតែដំណើរក្នុងការអាចជ្រៀកសមត្ថកិច្ចនិងជំនាញពាក់ព័ន្ធហាក់បីដូចជាគ្មានឆន្ទៈក្នុងការបង្ក្រាបសោះ..

ខេត្តកំពង់ស្ពឺ៖ ឈើជាច្រើនដុំបានដាក់ពង្រាយនៅក្នុងរោងសិប្បកម្មអាជ្រៀតឈើខ្នាតធំចំនួន២កន្លែងសង្ស័យគ្មានច្បាប់ បាននិងកំពុងធ្វើសកម្មភាព អារច្រៀកដោយប្រើប្រភេទម៉ាស៊ីនរ៉ៃ ជារៀងរាល់ថ្ងៃយប់ សមត្ថកិច្ចនិង មន្ត្រីជំនាញពាក់ព័ន្ធហាក់បីដូចជាមិនមានឆន្ទះក្នុង ការបង្ក្រាបទាល់តែសោះ សង្ស័យជាឆ្នាំងបាយរបស់អស់លោកហើយ។

ប្រភពព័ត៌មានពីប្រជាពលរដ្ឋបានប្រាប់ឲ្យដឹងថា កន្លែងអាជ្រៀកឈើដោយប្រើប្រភេទម៉ាស៊ីនរ៉ៃ ចំនួន២កន្លែងនេះដែលមានម្ចាស់ ១.ឈ្មោះ ធី ២. ឈ្មោះ វុធ ដែលមានទីតាំងនៅត្រង់ចំណុចលេខយាមកាម.៤៨P.៤៥ ៧៨ ៨៧ ១២ ១៨ ៣៤៤. ស្ថិតនៅក្នុងភូមិពោធិ៍ខ្លី ឃុំពោធិ៍ចំរើន ស្រុកបរសេដ្ធ ខេត្តកំពង់ស្ពឺ បានធ្វើសកម្មភាពអារឈើជារៀងរាល់ថ្ងៃដោយមិនខ្លាច ញញើតច្បាប់អ្វីបន្តិចសោះ។

ប្រជាពលរដ្ឋម្នាក់ដែលរស់នៅជិតនោះបាន និយាយសុំលក្ខខណ្ឌមិនបញ្ចេញឈ្មោះបានប្រាបអ្នកសារព័ត៌មានយើងឲ្យដឹងនៅថ្ងៃទី១៨ ខែកុម្ភៈ ឆ្នាំ២០២៥ នេះថា រាល់ថ្ងៃរោងម៉ាស៊ីនអាច្រៀកឈើនេះបានធ្វើសកម្មភាពអារជ្រៀកជារៀងរាល់ថ្ងៃដែលធ្វើឲ្យពួកគាត់ពិបាកក្នុងការរស់នៅ ជួបនឹងការហុយពិបាកដកដង្ហើមទ្រាំនឹងក្លិនអាចម៍រណាស្ទើរតែមិនបាន សំឡេងម៉ាស៊ីនលាន់ឮរំខានរកពេលសម្រាកពេលថ្ងៃមិនបាន ម្យ៉ាងទៀតពេលយប់មានរថយន្ត ឬរ៉ឺម៉កមកទម្លាក់ឈើ នឹងលើកឈើឡើងម្ដងៗឮស្នូរក្តូងក្តាំងរកពេលដេកពួនមិនបាន ពួកគាត់ឆ្ងល់ថាហេតុអ្វីរោងអារជ្រៀតឈើខ្នាតធំ ដោយប្រើប្រភេទម៉ាស៊ីនរ៉ៃ របស់លោក ធី និងលោក វុធ អាចបើកដំណើរការនៅកណ្ដាលភូមិបានដោយមិនគិតពីផលប៉ះពាល់របស់ពួកគាត់ សង្ស័យលោក ធី និងលោក វុធ បានសែនព្រេនដល់អ្នកតាម្ចាស់ទឹកម្ចាស់ដី ឬមន្ត្រីជំនាញពាក់ព័ន្ធអស់ហើយទេដឹង? ទើបបើកដំណើរការបានរលូនបែបនេះបាន។

ជុំវិញរោងសិប្បកម្មអាជ្រៀកឈើខ្នាតធំ២កន្លែងខាងលើនេះលោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ បានប្រាប់អ្នកសារព័ត៌មានថា ចាំឱ្យជំនាញចុះទៅពិនិត្យមើល អរគុណ ។

ប្រជាពលរដ្ឋសំណូមពរដល់ សមត្ថកិច្ច និងជំនាញពាក់ព័ន្ធមេត្តាជួយចុះពិនិត្យ ទប់ស្កាត់រោងសិប្បកម្មអារជ្រៀកឈើរបស់ឈ្មោះ ធី និងឈ្មោះ វុធ សង្ស័យគ្មានច្បាប់នេះផងទាន៕