កំពង់ស្ពឺ÷ កម្លាំងកងរាជអាវុធហត្ថខេត្តកំពង់ស្ពឺ បង្រ្កាបនិងឃាត់ខ្លួនជនសង្ស័យបាន០២នាក់ ពាក់ព័ន្ធករណីគ្រឿងញៀន បញ្ជូនទៅតុលាការ។ ដោយអនុវត្តតាមបទបញ្ជារបស់ លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ. កម្លាំងមន្ទីរស្រាវជ្រាវ និងបង្ក្រាបបទល្មើសនៃកងរាជអាវុធហត្ថខេត្តកំពង់ស្ពឺ បានសហការជាមួយ កម្លាំងកងរាជអាវុធហត្ថក្រុងឧដុង្គម៉ែជ័យ បានធ្វើការបង្រា្កប និងឃាត់ខ្លួនជនសង្ស័យចំនួន០២នាក់(ពាក់ព័ន្ធករណី រក្សាទុក ជួញដូរ ចែកចាយ) ដោយខុសច្បាប់នៅសារធាតុញៀន កាលពីថ្ងៃទី០១ ខែមីនា ឆ្នាំ២០២៥ ស្ថិតនៅចំណុចភូមិក្នុងវាំង សង្កាត់វាំងចាស់ ក្រុងឧដុង្គម៉ែជ័យ ខេត្តកំពង់ស្ពឺ ។
បើយោងតាមការបញ្ជាក់ពីលោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានឲ្យដឹងថា ជនសង្ស័យ០២នាក់÷
ទី១ ឈ្មោះ ចេង សុទី ភេទប្រុស អាយុ៣២ឆ្នាំ មុខរបរ សន្តិសុខ ទីលំនៅបច្ចុប្បន្ន ភូមិក្នុងវាំង សង្កាត់វាំងចាស់ ក្រុងឧដុង្គម៉ែជ័យ និង ទី២ ឈ្មោះ ចេង សុីទិត្យ ភេទប្រុស អាយុ៣០ឆ្នាំ មុខរបរកម្មកររោងចក្រ ទីលំនៅបច្ចុប្បន្ន ភូមិក្នុងវាំង សង្កាត់វាំងចាស់ ក្រុងឧដុង្គម៉ែជ័យ ខេត្តកំពង់ស្ពឺ ។
លោកឧត្តមសេនីយ៍ត្រី ម៉េង ស្រ៊ុន បានបន្ថែមទៀតថាក្នុងប្រតិបត្តិការបង្ក្រាបនោះកម្លាំងបានចាប់យកវត្ថុតាងបានរួមមាន៖ក្រាមពណ៌សថ្លាសង្ស័យជាសារធាតុញៀនចំនួន ០៣កញ្ចប់ ទម្ងន់ ០.៨២ក្រាម,ម្សៅពណ៍ស សារធាតុមិនច្បាស់ចំនួន ០១កញ្ចប់ ទម្ងន់១៥០.៣៤ក្រាម,ខ្សៀចំនួន០២,ឧបករណ៍ប្រើប្រាស់គ្រឿងញៀនមួយចំនួន,ទូរស័ព្ទ ចំនួន ០២គ្រឿង (ម៉ាក Huawei និងOppo),ម៉ូតូ ចំនួន ០២គ្រឿង (ម៉ាក Honda dream សេរីឆ្នាំ២០១២ ពណ៍ខៀវ ផ្លាកលេខ ពោធិសាត់ 1D-0068 និងម៉ាក Honda supper cup ពណ៍ខៀ-ស ផ្លាកលេខ ភ្នំពេញ 1BS-6422) និងឧបករណ៍ជក់បារីអេឡិចត្រូនិច (Yooz) ចំនួន០១ដើម។
បច្ចុប្បន្នជនសង្ស័យ រួមនឹងវត្ថុតាងត្រូវបានកម្លាំងជំនាញមន្ទីរស្រាវជ្រាវនិងបង្រ្កាបបទល្មើស នៃបញ្ជាការការដ្ឋានកងរាជអាវុធហត្ថខេត្តកំពង់ស្ពឺ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធី៕ 
