ខេត្តកំពង់ស្ពឺ៖ នាព្រឹកថ្ងៃអង្គារទី០៤ ខែមីនា ឆ្នាំ២០២៥ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំក្រុមការងារអាវុធហត្ថ ចុះសួរសុខទុក្ខ ប្រជាពលរដ្ឋ ដែលមានជីវភាពខ្វះខាត និងមានជំងឺប្រចាំកាយ (ទឹកនោមផ្អែម) កំពុងសម្រាកព្យាបាលនៅផ្ទះ លោក ហ៊ុល ឬទ្ធិ ភេទប្រុស អាយុ៥៧ឆ្នាំ ប្តី ពិការដៃ ជើង និងលោកស្រី កែវ សោភា អាយុ៤៧ឆ្នាំ ប្រព័ន្ធ មានជំងឺប្រចាំកាយ (ទឹកនោមផ្អែម) និងមានកូននៅក្នុងបន្ទប់គ្រួសារចំនួន០៣នាក់ ពីរនាក់ប្ដីប្រពន្ធបច្ចុប្បន្នរស់នៅក្នុងភូមិសំរោងទងក្រោម ឃុំសំរោងទង ស្រុកសំរោងទង ខេត្តកំពង់ស្ពឺ។
ក្នុងឱកាសចុះសួរសុខទុក្ខនោះផងដែរ លោកឧត្តមសេនីយ៍ត្រី ម៉ែង ស៊្រុន មេបញ្ជាការ បានស្ដាំផ្ញើដល់បងស្រីខំយកចិត្តទុកដាក់មើលថែជំងឺ នឹងកុំបាក់ទឹកចិត្តអី ក្នុងនោះលោកបានឧបត្ថម្ភនូវសម្ភារៈគ្រឿងឧបភោគបរិភោគរួមមាន (អង្ករ ២បាវ,ទឹកសុទ្ធ ២កេស,ភេសជ្ជៈ២កេស, មី ១កេស មីកំប៉ុង ២យួរ, រទេះរុញមួយ និងថវិកាចំនួន២០០.០០០រៀល) ផងដែរ។
ក្រោយពីបានទទួលនូវអំណោយដ៏ថ្លៃថ្លានេះផងដែរ លោក ហ៊ុល ឬទ្ធិ និងលោកស្រី កែវ សោភា បានសម្តែងនូវទឹកចិត្តសប្បាយរីករាយ យ៉ាងក្រៃលែង និងថ្លែងអំណរអរគុណយ៉ាងជ្រាលជ្រៅបំផុត នឹងជួនពរជ័យដល់លោក ឧត្តមសេនីយ៍ត្រី ម៉េង ស្រ៊ុន និងក្រុមគ្រួសារ បុត្រា បុត្រី ព្រមទាំងក្រុមការងារកងរាជអាវុធហត្ថខេត្តកំពង់ស្ពឺទាំងអស់ សូមអោយមានជន្មាយុយឺនយូរ ជួបប្រទះតែសេចក្តីសុខ សេចក្តីចម្រើន មានសុភមង្គលក្នុងក្រុមគ្រួសារ មានសុខភាពល្អបរិបូរណ៍ និងសូមប្រកបដោយពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
