ស្រុកសំរោងទង÷ នៅព្រឹកថ្ងៃអាទិត្យទី១៦ ខែមីនា ឆ្នាំ២០២៥ វេលាម៉ោង ៨និង១០នាទី មានករណីអគ្គិភ័យបានឆេះអាគារោងចក្រ (ម៊ូហ្វាសខេមបូឌា.ឯ.ក.) ស្ថិតនៅភូមិបាញ់កង្កែប ឃុំត្រពាំងគង ស្រុកសំរោងទង ខេត្តកំពង់ស្ពឺ ។
បើតាមការបញ្ជាក់ពីលោកវីរៈសេនីយ៍ឯក ឃុត សុផល អធិការនគរបាលស្រុកសំរោងទងបានឲ្យដឹងថា អាគាចំនួន ១ខ្នង ទំហំ ៦០x១០០ម៉ែត្រ (ផលិតកំរាលពូក) ត្រូវបានអគ្គីភ័យឆាបឆេះអស់ទាំងស្រុង លោកបានបញ្ជាក់ទៀតថាការខូចខាតរួមមាន÷
១. ឆេះអាគារ ១ខ្នងខូចខាតទាំងស្រុង ២. ម៉ាស៊ីនគ្រីបចំនួន ៣គ្រឿង ៣. ម៉ាស៊ីនដេរធំចំនួន ៦គ្រឿង ៤. ម៉ាស៊ីនដេរតូចចំនួន ២៤គ្រឿង ៥. ម៉ាស៊ីនចាក់ចំនួន ២គ្រឿង ៦. ម៉ាស៊ីនលើកទំនិញ ១គ្រឿង និងសម្ភារ:ប្រើប្រាស់មួយចំនួនធំ ។
លោកវរសេនីយ៍ឯក ឃុត សុផល បានបញ្ជាក់ទៀតថា ក្នុងកិច្ចប្រតិបត្តិការណ៍ពន្លត់អគ្គីភ័យឆាបឆេះអាគាក្នុងរោងចក្រខាងលើបានប្រើប្រាស់រថយន្តសរុបចំនួន១៨គ្រឿង.
១. រថយន្ដពន្លត់អគ្គិភ័យនគរបាលខេត្តកំពង់ស្ពឺ ចំនួន៨គ្រឿង កម្លាំង ៥៥នាក់។
២. រថយន្តពន្លត់អគ្គិភ័យនគរបាលខេត្តកណ្តាល ១គ្រឿង កម្លាំង ៦នាក់។
៣. រថយន្តពន្លត់អគ្គីភ័យអាវុធហត្ថខេត្តកំពង់ស្ពឺ ចំនួន ២គ្រឿង កម្លាំង ១០នាក់។
៤. រថយន្តអគ្គិភ័យកងពលតូច ង៧០ (RRC.៧១១) ចំនួន ៧គ្រឿង កម្លាំង ៣៤នាក់។
លោកវីរៈសេនីយ៍ឯក ឃុត សុផល អធិការនគរបាលស្រុកសំរោងទង បានបន្ថែមទៀតថាករណីអគ្គីភ័យឆាកឆេះខាងលើនេះមូលហេតុ: ឆ្លងចរន្តអគ្គិសនី (ទុស្សេចេញពីម៉ូទរ័មូក្រណាត់ និងមិនបណ្តាលឲ្យបង្ករគ្រោះថ្នាក់ដល់មនុស្សទេ បច្ចុប្បន្នកម្លាំងកំពង់បន្តកិច្ចប្រតិ្តការណ៏ ៕ 
