ខេត្តស្ទឹងត្រែង÷ ដោយមានការគាំទ្រនិងយកចិត្តទុកដាក់ពីសំណាក់ ឯកឧត្តម នេត្រ ភក្ត្រា រដ្ឋមន្ត្រី ក្រសួងព័ត៌មាន ឯកឧត្តម បណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន សមាគមអភិវឌ្ឍន៍វិជ្ជាជីវ: អ្នកសារព័ត៌មានកម្ពុជា ដូចដែលគ្រោងទុក នូវការរៀបចំសិក្ខាសាលា ស្តីពីការផ្សព្វផ្សាយ ក្រមសីលធម៌ វិជ្ជាជីវៈ សារព័ត៌មាន និង សមិទ្ធផលក្នុងខេត្ត ដើម្បីជួយលើកកម្ពស់ទៅដល់អ្នកប្រកបអាជីពទៅលើវិស័យសារព័ត៌មាននៅកម្ពុជា ជាក់ស្តែងនៅថ្ងៃទី ២៥ ខែមីនា ឆ្នាំ២០២៥ សសមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា សហការជាមួយរដ្ឋបាលខេត្ត ស្ទឹងត្រែង បានរៀបចំសិក្ខាសាលា ស្ដីពី ក្រមសីលធម៌វិជ្ជាជីវៈ សារព័ត៌មាន វិស័យបរិស្ថាន និងផ្សព្វផ្សាយ សមិទ្ធផល ខេត្តស្ទឹងត្រែង ដោយមានការអញ្ជើញចូលរួមលោក អភិបាលរងខេត្តស្ទឹងត្រែង និងគណៈអធិបតី មន្ត្រីរាជការ យុវជន កញ្ញារិទ្ធ ស ស យ ក យុវជន កាកបាទក្រហមកម្ពុជា និងសិក្ខាកាមចំនួន២៧៩នាក់ ដោយប្រព្រឹត្តទៅរយៈពេលមួយថ្ងៃនៅសាលប្រជុំ សាលាខេត្តស្ទឹងត្រែង ។
លោក ប៉ែន លីណាត អភិបាលរង តំណាង ដ៏ខ្ពង់ខ្ពស់ ឯកឧត្ដម សរ សុពុត្រា អភិបាល នៃ គណៈ អភិបាលខេត្តស្ទឹងត្រែង បានអញ្ជើញ ជា អធិបតីភាពភាព ទាំងពិធីបេីក និង ពិធីបិទសិក្ខាសាលា និង បានផ្ដល់ កិត្តិយសប្រគល់វិញ្ញាបនបត្របញ្ជាក់ ការសិក្សាជូន សិក្ខាកាម ២៧៩ នាក់ផងដែរ។
បេីតាម លោកបណ្ឌិត ហោ គន្ធា ប្រធាន សមាគមអភិវឌ្ឍន៍វិជ្ជាជីវៈអ្នកសារព័ត៌មាន កម្ពុជា បានប្រាប់ថា ការរៀបចំសិក្ខាសាលា នាពេលនេះ ជាការរៀបចំលេីកទី២ ក្រោមប្រធានបទ ក្រមសីលធម៌វិជ្ជាជីវៈ សារព័ត៌មានវិស័យ បរិស្ថាន និង ផ្សព្វផ្សាយសមិទ្ធផល ខេត្ត ស្ទឹងត្រែង ដែលស្ថិតក្នុង ផែន ការនៃការរៀបចំ សិក្ខាសាលា ចំនួន ២៤ខេត្ត ។
លោកបណ្ឌិត បានបន្ដប្រាប់ថា ការរៀបចំ សិក្ខាសាលានេះ គឺទទួលបាន នូវការគាំទ្រ ពី សំណាក់ ក្រសួងព័ត៌មាន ក្រសួងបរិស្ថាន រដ្ឋបាល ខេត្តស្ទឹងត្រែង និង សមាគមដៃគូរ ។
ជាមួយគ្នានេះដែរ លោកបណ្ឌិត សូមថ្លែង អំណរគុណ ដល់ក្រុម ហ៊ុន សេវ ឌឺ ឡាហ្វ៍ ខេមបូឌា និង សមាគមសម្ព័ន្ធ យុវជនដើម្បី សន្តិភាពដែលចូលរួម ឧបត្ថម្ភគាំទ្រ និងទ្រទ្រង់ អាហារសម្រន់សម្រាប់ សិក្ខាកាមក្នុង សិក្ខាសាលា និងជាពិសេសសូមថ្លែងអំណរគុណយ៉ាងជ្រាលជ្រៅចំពោះ លោកជំទាវ មាស ច័ន្ទធីតា អនុរដ្ឋលេខាធិការ ក្រសួងបរិស្ថាន លោក ម៉ែន គុង នាយករងរដ្ឋបាលខេត្ត និងជាអ្នកនាំពាក្យរដ្ឋបាលខេត្ត និងលោកបណ្ឌិត ជា សំហុង ទីប្រឹក្សាច្បាប់ ដែលបានចំណាយ ពេលធ្វេីបទបង្ហាញ ប្រកបដោយចំណេះដឹង ដ៍មានសារសំខាន់ និងឧត្ដមប្រយោជន៍ ជូនដល់សិក្ខាកាម ក្នុង ការ ពង្រឹងសមត្ថភាព និងអភិវឌ្ឍខ្លួន។
សូមបញ្ជាក់ថាកាលពីថ្ងៃទី១៥ ខែកុម្ភៈ ឆ្នាំ២០២៥ សមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា បានរៀបចំសិក្ខាសាលា ស្តីពីការផ្សព្វផ្សាយ ក្រមសីលធម៌ វិជ្ជាជីវៈ សារព័ត៌មាន និង សមិទ្ធផលថ្នាក់ខេត្តត្បូងឃ្មុំ ដែលមានសិក្ខាកាម ចូលរួមសរុបចំនួន ៤៣២នាក់ ក្នុងនោះ ស្រី ៦៥នាក់ និងប្រុស ៣៦៧នាក់ ស្ថិតនៅអគារតេជោបូព៌ា ស្នាក់ការ ស ស យ ក ខេត្តត្បូងឃ្មុំផងដែរ ៕
