ខេត្តកំពង់ស្ពឺ÷ ការដ្ឋានខ្សាច់មួយកន្លែងកំពុងលួចលាក់ធ្វើអាជីវកម្មដាក់គ្រឿងចក្រនិងម៉ាស៊ីនខ្នាតធំបូមយកខ្សាច់ចេញពីក្នុងស្ទឹងព្រែកត្នោត យ៉ាងអនាធិបតេយ្យ ការដ្ឋានមួយនេះនៅចំណុចខាងត្បូងវត្តត្រពាំងគង ស្ថិតនៅភូមិត្រពាំងគង ឃុំត្រពាំងគង ស្រុកសំរោងទង ខេត្តកំពង់ស្ពឺ បើយោងតាមប្រជាពលរដ្ឋម្នាក់នៅក្នុងស្រុកសំរោងទង សុំលក្ខខណ្ឌមិនបញ្ចេញឈ្មោះបានបង្ហើបប្រាប់អ្នកសារព័ត៌មានយើងឲ្យដឹងថា ទីតាំងការដ្ឋានខ្សាច់ខាងលើបានធ្វើសកម្មភាពបូមយកខ្សាច់ចេញពីក្នុងស្ទឹងព្រែកត្នោត និងបានដឹកចេញទៅលុកធ្វើអាជីវកម្ម ដោយម្ចាស់ទីតាំងមួយនេះបានតម្លើងម៉ាស៊ីនបូមខ្នាតធំនិងមានគ្រឿងចក្រមួយចំនួនធ្វើការជីកបូមជារៀងរាល់ថ្ងៃ មិនឃើញមន្ត្រីជំនាញណាចុះទប់ស្កាត់សោះ ។
ជុំវិញការដ្ឋានខ្សាច់មួយកន្លែងកំពុងលួចលាក់ធ្វើអាជីវកម្មបូមយកខ្សាច់ចេញពីក្នុងស្ទឹងព្រែកត្នោតខាងលើនេះលោក ហែម ហ៊ន មេឃុំត្រពាំងគង បានឲ្យអ្នកសារព័ត៌មានដឹងនៅរសៀលថ្ងៃទី២៥ ខែមិនា ឆ្នាំ២០២៥នេះថា ពាក់ព័ន្ធនឹងការរដ្ឋាខ្សាច់នោះសូមសួរទៅខាងរដ្ធបាលខេត្តទៅបានដឹងច្បាស់ ។
លោក មុត ភន អភិបាលស្រុកសំរោងទង អ្នកសារព័ត៌មានបានរាយការណ៍ជូនពាក់ព័ន្ធទីតាំងបូមខ្សាច់មួយកន្លែងនេះ និងស្នើសុំលោកជួយបញ្ជាក់ផងតើមានច្បាប់អនុញ្ញាតដែរឬទេ.? ជៀសវាងមានការភាន់ច្រឡំ ឃើញលោកចូលមើល និងសរសេរពាក្យមួយម៉ាត់យ៉ាងខ្លីតបមកវិញថា… អគុណ ។
ចំឡែកលោក បិញ ជីវតុង ប្រធានមន្ទីរ៉ែនិងថាមពលខេត្តកំពង់ស្ពឺ អ្នកសារព័ត៌មាន បានផ្ញើរសារតាមប្រព័ន្ធតេឡេក្រាម និងរាយការណ៍ជូនពាក់ព័ន្ធនឹងទីតាំងបូមខ្សាច់មួយកន្លែងនេះ និងស្នើសុំឲ្យលោកជួយបញ្ជាក់តើមានច្បាប់អនុញ្ញាតដែលទេ ? ឃើញសញ្ញាគ្រីសពណ៌ខៀវពីរ តែមិនមានចម្លើយ ។
ដោយឡែកលោកអភិបាលរង នៃគណៈអភិបាលខេត្តកំពង់ស្ពឺ និងជាអ្នកនាំពាក្យ បានប្រាប់អ្នកសារព័ត៌មានថា(ខ្ញុំដឹងអស់ដែរបង ប្រហែលខាងមន្ទីររ៉ែ បានដងអស់) ។
ជុំវិញករណីការលួចធ្វើអាជីវកម្មបូមយកខ្សាច់ចេញពីរក្នុងស្ទឹងព្រែកត្នោតខាងលើមហាជនធ្វើការរិះគន់ចាំៗទៅលើភាពកំសាន្តរបស់ខាងមន្ទីរ៉ែនិងថាមពលមួយចំនួននៅក្នុងខេត្តកំពង់ស្ពឺ ដែលគ្មានវិធានការច្បាស់លាស់ធ្វើឲ្យការទប់ស្កាត់ទៅលើក្រុមជនឆ្លៀតឳកាសដែលតែងលួចធ្វើអាជីវកម្មបូម និងឹជិកក៏កាយយកធនធានរ៉ែធម្មជាតិ កេងចំណេញលើពន្ធសួយសាររបស់រដ្ឋបន្លំពីអាជីវកម្មខ្នាតធំមកខ្នាតតូចដោយសារតែមានការត្រូវរ៉ូវគ្នាជាប្រព័ន្ធ ។
ជាការសំណូមពរ និងស្នើសុំដល់ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល សូមឯកឧត្តមមេត្តាជួយពិនិត្យនៅទីតាំងការដ្ឋានបូមខ្សាច់នៅចំណុចខាងលើដើម្បីចាត់វិធានការទៅតាមផ្លូវច្បាប់ទៅលើម្ចាស់ទីតាំងមួយនេះនឹងមន្ត្រីពាក់ព័ន្ធមួយចំនួនដែលតែងតែមានការលួចឃុបឃិតគ្នាជាប្រព័ន្ធជាមួយនឹងក្រុមឈ្មួញធ្វើឲ្យមានការបាត់បង់ពន្ធចំណូលចូលរដ្ឋដ៏ធ្ងន់ធ្ងរ។
អង្គភាពសារព័ត៌មានយើងចុះផ្សាយខាងលើនេះគ្មានគោលបំណងអ្វីក្រៅពីរចូលរួមជាមួយរដ្ឋាភិបាលនិងសេចក្តីរាយការណ៍ជូនថ្នាក់ដឹកនាំខាងលើៗលោកបានជ្រាបជាព័ត៌មានពីមន្ត្រីថ្នាក់ក្រោមមានភាពកម្សោយមិនគោរពតួរនាទីនិងកាតព្វកិច្ចដែលខ្លួនគ្រប់គ្រងនោះឡើយធ្វើការរបៀបអ៊ែលៗកន្ទេលធំបន្លំដេកជាមួយក្រុមឈ្មួញតែប៉ុណ្ណោះ។
អង្គភាពសារព័ត៌មានយើងខ្ញុំសូមស្វាគមន៍រាល់ការបកស្រាយពីមន្រ្តីពាក់ពន្ធ័និងសាមុីខ្លួនជានិច្ចរាងរាល់ម៉ោងធ្វើរការគឺដើម្បីឆ្លុះបញ្ចាំងពីរការពិតសុក្រិតនិងយុត្តិធម៍ តែប៉ុណ្ណោះ។
