កំពង់ស្ពឺសង្រ្កាន្តបានទាក់ទាញភ្ញៀវទេសចរណ៍ជាតិ អន្តរជាតិមកលេងកម្សាន្តយ៉ាងច្រើនលើសលប់..
ខេត្តកំពង់ស្ពឺ÷ រយៈពេល៣ថ្ងៃ នៃការរៀបចំព្រឹត្តិការណ៍(កំពង់ស្ពឺសង្ក្រាន្ត) ដេីម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំម្សាញ់ សប្ដស័ក ព.ស២៥៦៩ គ.ស២០២៥ ក្រោមការរៀបចំរបស់រដ្ឋបាលខេត្តកំពង់ស្ពឺនិងមានលេងល្បែងប្រជាប្រិយសំបូរបែបផងនោះ(កំពង់ស្ពឺសង្ក្រាន្ត)អាចទាក់ទាញភ្ញៀវទេសចរណ៍ជាតិ អន្តរជាតិមកលេងកំសាន្ត និងស្នាក់នៅយ៉ាងច្រើនលើសលប់។
បើយោងតាមរបាយការណ៍របស់មន្ទីរទេសចរណ៍ខេត្តកំពង់ស្ពឺ រយ:ពេល៣ថ្ងៃ ថ្ងៃទី ១៤,១៥,១៦ ខែមេសា ឆ្នាំ២០២៥ ក្នុងព្រឹត្តិការ(កំពង់ស្ពឺសង្រ្កាន្ត) ដេីម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ មានភ្ញៀវទេសចរមកលេងកំសាន្ត និងស្នាក់នៅ តាមគោលដៅរម្មណីយដ្ឋាន សហគមន៍ទេសចរណ៍ ក្នុងខេត្តកំពង់ស្ពឺ មានចំនួនសរុបប្រមាណ ១,៨៤២,៣២៥នាក់ប្រៀបធៀបឆ្នាំ២០២៤ មានចំនួន ២,១០៣,៩១៥នាក់ ថយចុះ ១២% ។
ក្នុងនោះមន្ទីរទេសចរណ៍ខេត្តកំពង់ស្ពឺបានបន្ថែមទៀតថា ភ្ញៀវទេសចរជាតិមានចំនួន ១,៨៣៩,៤៦០ នាក់ បើប្រៀបធៀបឆ្នាំ២០២៤ មានចំនួន ២,១០២,២៤៧ នាក់ ថយចុះ ១៣% និងភ្ញៀវទេសចរអន្តរជាតិមានចំនួន ២,៨៦៥ នាក់ ប្រៀបធៀបឆ្នាំ២០២៤ មានចំនួន ១,៦៦៨ នាក់ កើនឡើង ៧២% ។
មន្ទីរទេសចរណ៍ខេត្តកំពង់ស្ពឺបានបញ្ជាក់ទៀតថាភ្ញៀវទេសចរណ៍ជាតិ និងអន្តរជាតិ មកលេងកំសាន្ត ក្នុងព្រឹត្តិការណ៍កំពង់ស្ពឺសង្ក្រាន្តឆ្នាំ២០២៥ ចំនួន ៣ថ្ងៃ សរុបប្រមាណ ១,៧៧៧,៣៤០នាក់ ប្រៀបធៀបឆ្នាំ២០២៤ មានចំនួន ២,០៤២,០៨៥នាក់ ថយចុះ ១៣% ក្នុងនោះភ្ញៀវទេសចរជាតិមានចំនួន ១,៧៧៥,១០០ នាក់ ប្រៀបធៀបឆ្នាំ២០២៤ មានចំនួន ២,០៤១,០០៧ នាក់ ថយចុះ ១៣% និងភ្ញៀវទេសចរអន្តរជាតិមានចំនួន ២,២៤០ នាក់ បើប្រៀបធៀបឆ្នាំ២០២៤ មានចំនួន ១,០៧៨ នាក់ កើនឡើង ១០៨% ។
មន្ទីរទេសចរណ៍បានឲ្យដឹងទៀតថាភ្ញៀវទេសចរណ៍ជាតិ និងអន្តរជាតិ មកលេងកំសាន្តនៅតាមរម្មណីយដ្ឋាន និងសហគមន៍ទេសចរណ៍ ក្នុងឱកាសបុណ្យចូលឆ្នាំខ្មែរប្រពៃណីជាតិ ចំនួន ៣ថ្ងៃ សរុបប្រមាណ ៦៤,៩៨៥ នាក់ ប្រៀបធៀបឆ្នាំ២០២៤ មានចំនួន ៦១,៨៣០នាក់ កើនឡើង ៥% ក្នុងនោះរួមមាន៖
ភ្ញៀវទេសចរជាតិ ៦៤,៣៦០ នាក់ ប្រៀបធៀបឆ្នាំ២០២៤ មានចំនួន ៦១,២៤០នាក់ កើនឡើង ៥% និងភ្ញៀវទេសចរអន្តរជាតិមានចំនួន ៦២៥ នាក់ ប្រៀបធៀបឆ្នាំ២០២៤ មានចំនួន ៥៩០នាក់ កើនឡើង ៦% ។
ក្នុងព្រឹត្តិការណ៍កំពង់ស្ពឺសង្ក្រាន្ត ដេីម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែររយៈពេលបីថ្ងៃនេះដែរខេត្តកំពង់ស្ពឺ បានទាក់អារម្មណ៍បងប្អូនប្រជាពលរដ្ឋ ភ្ញៀវជាតិ អន្តរជាតិមកដើរលេងកម្សាន្តនៅតាមបណ្ដាលរមណីយដ្ឋាននានាយ៉ាងច្រើនលើសលប់ខុសពីបណ្តាឆ្នាំកន្លងទៅ ជាពិសេសនៅរមណីយដ្ឋានកសិទេសចរណ៍ម៉ុងឬទ្ធីសែនជ័យ ៕
រូបភាព.មន្ទីរព័ត៌មានខេត្តកំពង់ស្ពឺ.
