ព្រះវិហារ ទីតាំងរណ្ដៅធ្វើអាជីវកម្មរ៉ែមាសចំនួន០៤ ទីតាំងដែលក្រុមប្រជាពលរដ្ឋលួចលាក់ធ្វើអាជីវកម្មខុសច្បាប់យ៉ាងអាណាធិបតេយ្យត្រូវបានក្រុមការងារមន្ទីរ៉ែ និងថាមពលខេត្តព្រះវិហារ សហការចុះបង្ក្រាប។
លោក ស៊ុង ចាន់រក្សា ប្រធានមន្ទីររ៉ែ និងថាមពល ខេត្តព្រះវិហារ បានឲ្យដឹងថា ដោយមានការឯកភាពជាគោលការណ៍ពីឯកឧត្តមអភិបាលខេត្ត និងឯកឧត្តមព្រះរាជអាជ្ញាអមសាលាដំបូងខេត្ត នៅថ្ងៃទី០៩ ខែឧសភា ឆ្នាំ២០២៥ លោកបានដឹកនាំក្រុមការងារមន្ទីររ៉ែ និងថាមពល ខេត្តព្រះវិហារ និងបានសហការណ៍ជាមួយកម្លាំង កងរាជអាវុធហត្ថខេត្ត ចុះបង្ក្រាបនិងហាមឃាត់បងប្អូនប្រជាពលរដ្ឋដែលកំពុងធ្វេីអាជីវកម្មរ៉ែមាសខុសច្បាប់យ៉ាងអាណាធិបតេយ្យ ស្ថិតក្នុងភូមិត្រពាំងទន្ទឹម ឃុំរមទម ស្រុករវៀង ខេត្តព្រះវិហារ ។
ក្នុងប្រតិបត្តិការចុះបង្ក្រាបនោះក្រុមការងារបានធ្វើការហាមឃាត់មានដូចខាងក្រោម៖
១. រណ្តៅផ្តេកទី១ X=499688 Y=1477155
២. រណ្តៅបញ្ឈរទី២ X=495188 Y=1478102
៣. រណ្តៅផ្តេកទី៣ X=495188 Y=1478102
៤. រណ្តៅបញ្ឈរទី៤ X=495151 Y=1478165.
លោក ស៊ុន ចាន់រក្សា បានធ្វើការណែនាំ និងដាក់តឿនដល់បងប្អូនប្រជាពលរដ្ឋទាំងអស់កុំធ្វើអាជីវកម្មរណ្ដៅរ៉ែមាសខុសច្បាប់ដោយគ្មានបច្ចេកទេសគ្រប់គ្រាន់វាអាចបង្កគ្រោះថ្នាក់ដល់អាយុជីវិត ។
